சிறப்பே இதுதான்! நாளை நிலவில் இறங்கும் லேண்டர்! சந்திரயான் 2 - சந்திரயான் 3 இடையேயான வேறுபாடு என்ன?

டெல்லி: சந்திரயான் 3 திட்டத்தின் கீழ் நாளை மாலையில் விக்ரம் லேண்டர் நிலவின் தென்துருவத்தில் தரையிறங்கி சாதனை படைக்க உள்ளது. இதன்மூலம் நிலவின் தென்துருவத்தில் கால்பதித்த முதல் நாடு என்ற பெருமையை இந்தியா பெற உள்ளது. இத்தகைய சூழலில் தான் சந்திரயான் - 3 மற்றும் சந்திரயான்- 2 இடையேயான வித்தியாசங்கள் என்ன? முந்தைய திட்டத்தில் இருந்து சந்திரயான்- 3 மேம்படுத்தப்பட்டுள்ளது எப்படி? என்பது பற்றிய 8 முக்கிய தகவல் வெளியாகி உள்ளது.

இந்தியா சார்பில் நிலவின் தென்துருவத்தை ஆய்வு செய்ய சந்திரயான் 2 என்பது 2019ல் விண்ணில் செலுத்தப்பட்டது. ராக்கெட்டில் இருந்து பிரிந்த சந்தியான் 2 விண்கலம் பூமியின் சுற்றுவட்டபாதையை கடந்து நிலவின் சுற்றுவட்ட பாதைக்குள் நுழைந்தது. ஆர்ப்பிட்டர் நிலவின் சுற்றுவட்ட பாதையில் சுற்றிவர ரோவரை உள்ளடக்கிய விக்ரம் லேண்டர் ஆர்ப்பிட்டரில் இருந்து பிரிந்து நிலவை நோக்கி தரையிறங்க புறப்பட்டது.

நிலவின் தென்துருவத்தில் மெதுவாக தரையிறங்க முயன்றபோது திடீரென்று பிரச்சனை ஏற்பட்டது. இதனால் நிலவில் தரையிறங்க வேண்டிய லேண்டர் விழுந்து நொறுங்கியது. இருப்பினும் ‛சந்திரயான் 2' திட்டத்தின் ஆர்ப்பிட்டர் தொடர்ந்து ஆய்வு மேற்கொண்டு வருகிறது.

இந்நிலையில் தான் நிலவின் தென்துருவத்தை ஆய்வு செய்ய இந்தியா சந்திரயான் 3 திட்டத்தை உருவாக்கியது. கடந்த மாதம் 14ம் தேதி ஸ்ரீஹரிகோட்டாவில் உள்ள ராக்கெட் ஏவுதளத்தில் இருந்து இந்த விண்கலம் விண்ணுக்கு பாய்ந்தது. நாளை கடந்த 18 விக்ரம் லேண்டருக்கும் நிலவுக்குமான தூரம் குறைந்தபட்சமாக 113 எனவும், அதிகபட்சமாக 157 கிலோமீட்டர் என்ற அளவில் இருந்தது. தற்போது விக்ரம் லேண்டருக்கும், நிலவுக்கும் இடையேயான தூரம் என்பது இன்னும் குறைக்கப்பட்டுள்ளது. தற்போது நிலவின் தென்துருவத்தில் விக்ரம் லேண்டரை மெதுவாக தரையிறக்கும் பணியை இஸ்ரோ விஞ்ஞானிகள் துவங்கி உள்ளனர்.

நாளை மாலை 6.04 மணிக்கு லேண்டர் நிலவில் தரையிறங்க உள்ளது. அதன்பிறகு லேண்டரில் இருந்து வெளிவரும் ரோவர் கருவி நிலவின் தென்துருவத்தை 14 நாட்கள் ஆய்வு செய்ய உள்ளது. நிலவின் தென்துருவத்தில் இதுவரை எந்த நாடும் கால்பதிக்கவில்லை. இத்தகைய சூழலில் தான் இந்தியா மகத்தான சாதனையை படைக்க காத்திருக்கிறது.

* சந்திரயான்-2 என்பதன் எடை 3,850 கிலோவாக இருந்தது. ஆனால சந்திரயான் 3ன் எடை என்பது 50 கிலோ அதிகரித்து 3,900 என்ற அளவில் இருந்தது. இதில் 3 எரிபொருள் நிரப்பும் பகுதிகள் 2,148 கிலோவாகவும், லேண்டர் பகுதி 1,752 கிலோவாகவும் ரோவர் பகுதி 26 கிலோவுடன் ராக்கெட்டில் இடம்பெற்றிருந்தது.

* சந்திரயான் 3 ல் அதிதொழில்நுட்ப கேமராக்கள் பொருத்தப்பட்டுள்ளது. ஆனால் சந்திரயான் 2 ல் ஒரு கேமரா மட்டுமே பொருத்தப்பட்டு இருந்தது.

* சந்திரயான்-2 என்பதன் எடை 3,850 கிலோவாக இருந்தது. ஆனால சந்திரயான் 3ன் எடை என்பது 50 கிலோ அதிகரித்து 3,900 என்ற அளவில் இருந்தது. இதில் 3 எரிபொருள் நிரப்பும் பகுதிகள் 2,148 கிலோவாகவும், லேண்டர் பகுதி 1,752 கிலோவாகவும் ரோவர் பகுதி 26 கிலோவுடன் ராக்கெட்டில் இடம்பெற்றிருந்தது.

* சந்திரயான் 2 என்பது 7 ஆண்டு ஆய்வுப்பணிக்காக வடிவமைக்கப்பட்டது. ஆனால் சந்திரயான் 3 என்பது 3 அல்லது 6 மாதங்கள் வரை ஆய்வு செய்யும் வகையில் உருவாக்கப்பட்டுள்ளது.

* சந்திரயான் 3 ல் அதிதொழில்நுட்ப கேமராக்கள் பொருத்தப்பட்டுள்ளது. ஆனால் சந்திரயான் 2 ல் ஒரு கேமரா மட்டுமே பொருத்தப்பட்டு இருந்தது.

* சந்திரயான் 2 இன் ஆர்பிட்டர் ஒன்பது ‛in-situ instruments' கருவிகளை கொண்டிருந்தது. ஆனால் சந்திரயான் 3 என்பது ஸ்பெக்டரோ போலரிமெட்ரி ஆஃப் ஹாபிடபிள் பிளானட்டரி எர்த் எனும் ஒரு கருவியை மட்டுமே கொண்டுள்ளது. இது நிலவின் சுற்றுவட்டபாதையில் இருந்து பூமியின் ஸ்பெக்ட்ரல் துருவங்களின் அளவீடுகளை கணக்கீடு செய்ய முடியும்.

* மேலும் சந்திரயான் 3 என்பது எல்ஆர்ஏ எனும் லேசர் ரெட்ரோரெஃப்ளெக்டர் அரேயை லேண்டருடன் கொண்டுள்ளது. இது நிலவின் அமைப்பின் புரிந்து கொள்வதற்கான 2ம் கட்ட பரிசோதனையாக செயல்பட உள்ளது என்பது குறிப்பிடத்தக்கது.

* அதோடு கடந்த சந்திரயான் 2 திட்டத்தின் போது நிலவின் தென்துருவத்தில் விக்ரம் லேண்டரை மெதுவாக தரையிறங்க முயற்சித்தது. அப்போது திடீரென்று தரைக்கட்டுப்பாட்டு மையத்தின் தொடர்பை இழந்த லேண்டர் நிலவின் மீது விழுந்து நொறுங்கியது. இத்தகைய சூழலில் தான் தற்போதைய விக்ரம் லேண்டரின் தரையிறங்கும் பகுதி கடினமாக மாற்றம் செய்யப்பட்டுள்ளது.

English summary

The Vikram lander is set to land on the South Pole of the Moon tomorrow evening under the Chandrayaan 3 programme. With this, India is going to get the honor of being the first country to set foot on the South Pole of the Moon. It is in this context that what are the differences between Chandrayaan-3 and Chandrayaan-2? How is Chandrayaan-3 improved from the previous project? 8 important information about