Independence Day 2024 LIVE: பொங்கல் நாள் முதல் முதல்வர் மருந்தகம் திட்டம்- முதல்வர் மு.க.ஸ்டாலின்

சென்னை: நாடு முழுவதும் 78-வது சுதந்திர தினம் இன்று எழுச்சியுடனும் உற்சாகமாகவும் கொண்டாடப்படுகிறது. டெல்லி செங்கோட்டையில் பிரதமர் நரேந்திர மோடி தேசியக் கொடியேற்றி வைத்து நாட்டு மக்களுக்கு உரையாற்றினார். சென்னை கோட்டையில் தமிழ்நாடு முதல்வர் மு.க.ஸ்டாலின் தேசியக் கொடியை ஏற்றி வைத்தார். முன்னதாக காவல்துறை அணிவகுப்பு மரியாதையை முதல்வர் மு.க.ஸ்டாலின் ஏற்றுக் கொண்டார்.

இந்தியாவின் 78-வது சுதந்திர தின விழா இன்று கொண்டாடப்படுகிறது. சுதந்திர தினத்தையொட்டி நாடு முழுவதும் உள்ள முக்கிய அரசு அலுவலகங்கள் மின்னொளியில் ஜொலிக்கின்றன. செங்கோட்டையில் பிரதமர் மோடி சுதந்திர தின கொடி ஏற்றுவது 11-வது முறையாகும். இந்த ஆண்டுக்கான சுதந்திர தின விழா, 'விக்சித் பாரத்' என்ற சிந்தனையோடு கொண்டாடப்படுகிறது.

78-வது சுதந்திர தினம் விக்சித் பாரத் @2047 என்ற கருப்பொருளுடன் கொண்டாடப்படுகிறது. இந்தியா 2047-ல் வளர்ந்த நாடாக வேண்டும் என்பது இதன் நோக்கம் ஆகும். 2047 ஆம் ஆண்டு இந்தியா தனது 100-வது சுதந்திர தினத்தை கொண்டாடுகிறது. சுதந்திர தினத்தை முன்னிட்டு டெல்லியில் பாதுகாப்பு படையினர் தீவிர கண்காணிப்பில் ஈடுபட்டுள்ளனர். உளவுப்பிரிவு போலீசாரும் தீவிர கண்காணிப்பில் ஈடுபட்டுள்ளனர்.

தலைநகரில் மட்டும் பாதுகாப்பு பணிக்காக 3,500 போக்குவரத்து போலீசார், 10 ஆயிரம் டெல்லி போலீசார் ஈடுபட்டுள்ளனர். செங்கோட்டை முழுவதும் பல அடுக்கு பாதுகாப்பு போடப்பட்டுள்ளது. துணை ராணுவப்படையினர், டெல்லி போலீசார் என தீவிர கண்காணிப்பு உள்ளது. செங்கோட்டையைச் சுற்றியுள்ள சாலைகள் பாதுகாப்பு படையினரின் கட்டுப்பாடிற்குள் கொண்டு வரப்பட்டு உள்ளது.

English summary

78th Independence Day PM Modi Speech in Tamil news live updates: (78வது சுதந்திர தினம் லைவ் 2024): The 78th Independence Day of the country is being celebrated today. The 78th Independence Day is being celebrated with the theme Vixit Bharat @2047. It aims to make India a developed country by 2047.