அடேங்கப்பா.. கிழக்கு லடாக்கில் 19 ஆயிரம் அடி உயரத்தில் புதிய சாலை.. சூப்பர் சாதனை படைத்த இந்தியா

டெல்லி: கிழக்கு லடாக் எல்லைப் பகுதியில் சுமார் 19,300 அடி உயரத்தில் இந்தியா புதிய சாலையை அமைத்துள்ளது. இதன் மூலம் உலகிலேயே மிகவும் உயரமான இடத்தில் சாலையைக் கொண்ட நாடு என்ற சாதனையை இந்தியா படைத்துள்ளது.

கிழக்கு லடாக் பகுதியில் உம்லிங்லா பாஸ் என்ற இடத்தில் சுமார் 19,300 அடி உயரத்தில் இந்திய எல்லை சாலைகள் நிறுவனம் புதிய சாலையை அமைத்துள்ளது. 52 கிலோமீட்டர் நீளமுடைய இந்த புதிய சாலை லே பகுதியின் Chisumle மற்றும் Demchok பகுதிகளை இணைக்கிறது.

இது எவரெஸ்ட் சிகரத்தின் பேஸ் கேம்பைவிட அதிக உயரத்தில் அமைந்துள்ளது. எவரெஸ்ட் சிகரத்தின் பேஸ் கேம் நேபாளத்தில் 17,598 அடி உயரத்தில் உள்ளது. இதைவிட இந்த சாலை உயரமான இடத்தில் போடப்பட்டுள்ளது குறிப்பிடத்தக்கது.

இது குறித்து மத்திய அரசு வெளியிட்டுள்ள அறிக்கையில், "இந்த சாலை உம்லிங்லா பகுதியில் சமூக-பொருளாதார நிலையை மேம்படுத்தவும் லடாக் சுற்றுலாவை மேம்படுத்தவும் உதவும். கடுமையான வானிலைக்கு மத்தியிலும் இந்திய எல்லை சாலைகள் நிறுவனம் இந்த புதிய சாலையை அமைத்துள்ளது" என்று அதில் தெரிவிக்கப்பட்டுள்ளது

இந்த பகுதியில் குளிர் காலத்தில் வெப்பம் மைனஸ் 40 டிகிரிக்கு கீழ் சென்றுவிடும். அப்படிப்பட்ட சவாலான சூழலில் தான் இந்திய எல்லை சாலைகள் நிறுவனம் இந்த சாலையை அமைத்துள்ளது. இதன் மூலம் உலகிலேயே மிகவும் உயரமான இடத்தில் சாலையைக் கொண்ட நாடு என்ற சாதனையை இந்தியா பெற்றுள்ளது.

முன்னதாக பொலிவியா நாட்டின் உடுருஞ்சு எரிமலை அருகே 18,953 அடி உயரத்தில் அமைந்திருந்த சாலை தான் உலகின் உயரமான சாலை என்ற சிறப்பை பெற்றிருந்தது. இப்போது இந்தியா எல்லை சாலைகள் நிறுவனம் அந்த சாதனையை முறியடித்துள்ளது.

English summary

Border Roads Organisation has constructed the world's highest road in eastern Ladakh at an altitude of 19,300 feet,