புதிய நாடாளுமன்றம்- உலகப் பொருளாதாரத்தில் இந்தியா 3-வது நாடு: ராஜ்யசபாவில் மோடி உரை- 10 அம்சங்கள்!

டெல்லி: புதிய நாடாளுமன்ற கட்டிட காலத்தில் உலகப் பொருளாதாரத்தில் இந்தியா 3-வது நாடாக திகழும் என பிரதமர் மோடி நம்பிக்கை தெரிவித்தார்.

புதிய நாடாளுமன்ற கட்டிடத்தில் ராஜ்யசபாவில் பிரதமர் மோடி நேற்று ஆற்றிய உரையின் 10 முக்கிய அம்சங்கள்:

- நாட்டுக்கு வழிகாட்டும் அதே வேளையில், அரசியல் உரையாடல்களின் ஏற்ற இறக்கங்களுக்கு அப்பால் எழும் தீவிர அறிவுசார் விவாதங்களின் மையமாக அவை மாற வேண்டும்

- நாடாளுமன்றம் என்பது வெறுமனே சட்டம் இயற்றும் அமைப்பு அல்ல, அது விவாத அமைப்பு. மாநிலங்களவையில் தரமான விவாதங்களைக் கேட்பது எப்போதுமே மகிழ்ச்சி அளிக்கிறது

- நாடாளுமன்ற கண்ணியம் தொடர்பாக, நாடு முழுவதிலும் உள்ள சட்ட மன்றங்களுக்கு இந்த அவை உத்வேகம் அளிக்கும்.

- ஜனநாயக அமைப்பில் ஆட்சிகளில் மாற்றம் ஏற்பட்ட போதும், தேசநலனை முதன்மையாக வைத்திருக்கும் முயற்சி தொடர்ந்து மேற்கொள்ளப்பட்டு வருகிறது.

- கூட்டுறவு கூட்டாட்சியை வலியுறுத்தும் நேரத்தில், நாடு பல முக்கியமான விஷயங்களில் பெரும் ஒத்துழைப்புடன் முன்னேறியுள்ளது.கொரோனா பெருந்தொற்று மத்திய-மாநில அரசுகளின் ஒத்துழைப்பிற்கு ஒரு எடுத்துக்காட்டு.

- புதிய கட்டிடம் கட்டும் திட்டத்தில் மாநிலங்களின் கலைப்பொருட்கள் முக்கியத்துவம் பெற்றுள்ளதால் புதிய கட்டிடம் கூட்டாட்சி உணர்வைப் பிரதிபலிக்கிறது என்றும் அவர் குறிப்பிட்டார்.

- அரசியல் நிர்ணய சபையில், நாம் சுதந்திரத்தின் 75 ஆண்டுகளைக் கொண்டாடினோம். 2047 ஆம் ஆண்டில் சுதந்திரத்தின் நூற்றாண்டு புதிய கட்டிடத்தில் கொண்டாடப்படும்போது, அது வளர்ச்சியடைந்த இந்தியாவில் ஒரு கொண்டாட்டமாக இருக்கும்

- புதிய நாடாளுமன்றத்தில், உலகின் முதல் மூன்று பொருளாதாரங்களில் ஒரு பகுதியாக நாம் இருப்போம் என்று நான் நம்புகிறேன்

- பெண் குழந்தைகளைப் பாதுகாப்போம், பெண் குழந்தைகளைப் படிக்கவைப்போம் திட்டம் மக்கள் திட்டமாக மாறியுள்ளது. உஜ்வாலா, முத்தலாக் ஒழிப்பு ஆகியவை பெண்களின் பாதுகாப்புக்கு வலுவான சட்டங்கள்.

- பெண்களுக்கான இடஒதுக்கீடு மசோதா சட்டமாக மாறும்; புதிய கட்டிடத்தின் புதிய ஆற்றலுடன் தேசத்தைக் கட்டமைப்பதில் 'நாரி சக்தியை' உறுதி செய்யும்.

English summary

PM Modi said that “I am confident that in the New Parliament, we will be part of the top three economies of the world.