கொரோனா வைரஸ் குறித்து மக்கள் அச்சப்பட வேண்டாம்.. முன்னெச்சரிக்கை நடவடிக்கைகளுடன் மோடி ட்வீட்

டெல்லி: கொரோனாவை வைரஸ் குறித்து பொதுமக்கள் அச்சப்பட தேவையில்லை என பிரதமர் நரேந்திர மோடி ட்விட்டரில் தெரிவித்துள்ளார்.

சீனாவில் உள்ள வுகான் நகரத்திலிருந்து கொரோனா வைரஸ் கடந்த ஆண்டு இறுதி முதல் பரவி வருகிறது. இதனால் சீனாவில் 3000-க்கும் மேற்பட்டோர் பலியாகிவிட்டனர். இந்த நிலையில் அன்டார்டிகா கண்டத்தை தவிர ஏனைய அனைத்து கண்டங்களில் கொரோனா வைரஸ் பரவியுள்ளது.

அதாவது 70-க்கும் மேற்பட்ட நாடுகளில் கொரோனா வைரஸ் பரவி உயிர் பலியை ஏற்படுத்தி வருகிறது. இந்தியாவில் 3 பேருக்கு கொரோனா வைரஸ் பாதிப்பிருப்பது கண்டுபிடிக்கப்பட்டது. கேரள மாநிலத்தில் மட்டும் 3 பேர் இந்த வைரஸ் தொற்றால் பாதிக்கப்பட்டு இருப்பதாக சமீபத்தில் உறுதி செய்யப்பட்டது.

There is no need to panic. We need to work together, take small yet important measures to ensure self-protection. pic.twitter.com/sRRPQlMdtr

— Narendra Modi (@narendramodi) March 3, 2020

இத்தாலி, தென் கொரியா ஆகிய நாடுகளில் கொரோனா வைரஸ் வேகமாக பரவி வரும் நிலையில் அந்த நாடுகளுக்குப் பயணிக்க வேண்டாம் என மத்திய அரசு கேட்டுக் கொண்டுள்ளது. இந்த நிலையில் கொரோனா வைரஸ் குறித்து நாட்டு மக்கள் அச்சப்பட தேவையில் என பிரதமர் மோடி ட்விட்டரில் கேட்டுக் கொண்டுள்ளார்.

இதுகுறித்து அவர் வெளியிட்டுள்ள பதிவில் கொரோனா வைரஸ் தொடர்பாக மக்கள் அச்சப்பட தேவையில்லை.
கொரோனா வைரஸ் தடுப்பு நடவடிக்கைகள் எடுக்கப்பட்டு வருகின்றன.

வெளிநாடுகளில் இருந்து வரும் மக்கள் பல்வேறு சோதனைகளுக்கு பிறகே அனுமதிக்கப்படுகின்றனர். கொரோனா வைரஸைத் தடுக்க பல்வேறு அமைச்சகங்களும், மாநில அரசுகளும் இணைந்து செயல்பட்டு வருகின்றன என பதிவிட்டுள்ளார்.

மேலும் அடிப்படை தற்காப்பு நடவடிக்கைகள் குறித்தும் அவர் வெளியிட்டுள்ளார். அதில்

• கைகளை அடிக்கடி நன்றாக கழுவுங்கள்.
• கூட்டம் அதிகம் இருக்கும் இடங்களுக்கு செல்வதை தவிர்க்கவும்.
• கண்கள், மூக்கு, வாயில் கைகளை வைப்பதை தவிருங்கள்.
• தும்மும் போதும் இருமும் போது கைக்குட்டைகளாலோ கைகளாலோ மறைத்து கொண்டு தும்மவும், இரும வேண்டும்.
• உங்களுக்கு காய்ச்சல், இருமல், மூச்சுத்திணறல் இருந்தால் உடனடியாக அருகில் உள்ள மருத்துவமனையை நாடவும்.
• உங்கள் மருத்துவர் சொல்லும் அறிவுரைகளை கேட்டு நடக்க வேண்டும் என குறிப்பிட்டுள்ளார்.

English summary

PM Narendra Modi says in his tweet that There is no need to panic. We need to work together, take small yet important measures to ensure self-protection.