குடியரசு தின அணிவகுப்பில் ராமர் கோயில் மாதிரி வடிவம்
டெல்லி : டில்லியில் ஜனவரி 26 அன்று நடைபெற உள்ள குடியரசு தின அணிவகுப்பில் அயோத்தியில் கட்டப்பட உள்ள ராமர் கோயிலின் மாதிரி வடிவம் இடம் பெற உள்ளதாக அதிகாரிகள் தெரிவித்துள்ளனர்.
டில்லி குடியரசு தின அணிவகுப்பில் உத்திர பிரதேச மாநிலம் சார்பில் காட்சிபடுத்தப்பட உள்ள அலங்கார ஊர்தி அணிவகுப்பில் பாரம்பரிய நகரமான அயோத்தி, அங்கு கட்டப்பட உள்ள ராமர் கோயில், தீப உற்சவம், ராமாயணத்தில் இடம்பெறும் பல்வேறு காட்சிகள் ஆகியவற்றின் மாதிரி வடிவங்கள் இடம்பெற உள்ளன.
அலங்கார ஊர்தி அணிவகுப்பின் முதலில் அமர்ந்த நிலையில் உருவாக்கப்பட்ட வால்மீகி மகரிஷியில் மாதிரி வடிவமுர், கடைசியில் ராமர் கோயில் மாதிரியும் அணிவகுத்து வர உள்ளன.
இது பற்றி உ.பி., அதிகாரிகள் குழு கூறுகையில், அயோத்தி நமது புண்ணிய பூமி. ராமர் கோயில் விவகாரம் நல்லபடியாக முடிவுக்கு வந்துள்ளது. இதனை நாட்டும் மக்கள் அனைவரும் போற்றும் வகையில் பாரம்பரிய நகரத்தின் மாதிரியானது அணிவகுப்பில் இடம்பெற செய்ய உள்ளோம் என்றனர்.
இரண்டு பெண் நடன கலைஞர்களை உள்ளடக்கிய கலைஞர்கள் குழுவில் ராமர் வேடமிட்ட ஒருவரும் பங்கேற்க உள்ளார். இந்த ஆண்டு டெல்லி கன்டோன்மென்ட் பகுதியில் நடைபெற உள்ள குடியரசு தின அணிவகுப்பில் 17 மாநிலங்கள், யூனியன் பிரதேசங்களை பறை சாற்றும் குழுக்கள் இடம்பெற உள்ளன.
Click it and Unblock the Notifications
Sign in with Google