மத்திய அரசின் செயல் அபத்தம்.. இது சிறப்பு கூட்டத்தொடரா? இல்லை வழக்கமானதா? காங்கிரஸ் பாய்ச்சல்
டெல்லி: சிறப்பு நாடாளுமன்ற கூட்டத்தொடரில் இவ்வளவு மசோதாக்களை நிறைவேற்ற அரசு திட்டமிட்டுள்ளது அபத்தமானது என்று காங்கிரஸ் சாடியுள்ளது.
ஜி20 நாடுகளின் மாநாட்டை வெற்றிகரமாக நடத்தி முடித்த கையோடு தற்போது நாடாளுமன்ற சிறப்பு கூட்டத் தொடரை மத்திய அரசு நடத்த இருக்கிறது. இன்று தொடங்கி வரும் 22ம் தேதி வரை நடைபெறும் இந்த கூட்டத் தொடரின் முதல்நாள் நிகழ்வு பழைய நாடாளுமன்ற கட்டிடத்திலும், இரண்டாம் நாள் முதல் கூட்டத்தொடரின் கடைசி நாள் நிகழ்வு வரை புதிய நாடாளுமன்ற கட்டிடத்திலும் நடைபெறுகிறது.
முன்னதாக இந்த கூட்டத் தொடரின் நிகழ்ச்சி நிரல் குறித்த அறிவிப்பு வெளியிடப்படாமல் இருந்த நிலையில் எதிர்க்கட்சிகள் விமர்சித்திருந்தன. இதனிடையே, அரசியல் நிர்ணய சபை தொடங்கப்பட்டது முதல் நாடாளுமன்றத்தின் 75 ஆண்டுக்கால பயணம் வரை இந்த கூட்டத்தொடரில் விவாதிக்கப்படும் என்றும், வழக்கறிஞர்கள் திருத்த மசோதா, அஞ்சல் அலுவல் மசோதா உள்ளிட்ட மசோதாக்கள் அறிமுகப்படுத்தப்படும் என்றும் மத்திய அரசு கூறியது.
அதேபோல ஒரே நாடு, ஒரே தேர்தல் திட்டமும் இந்த கூட்டத் தொடரில் கொண்டு வரப்படலாம் என்று எதிர்பார்க்கப்படுகிறது. பல மறைமுக திட்டங்களை வைத்து இருப்பதாக மத்திய அரசு மீது எதிர்க்கட்சிகள் சாடி வருகிறது. இத்தகைய பரபரப்புக்கு மத்தியில் நாடாளுமன்ற சிறப்பு கூட்டத்தொடர் இன்று கூட உள்ளது. இதனிடையே, சிறப்புக்கூட்டத்தொடரில் இவ்வளவு மசோதாக்களை நிறைவேற்ற அரசு திட்டமிட்டு இருப்பது அபத்தமானது என்று காங்கிரஸ் சாடியுள்ளது.
நாடாளுமன்ற சிறப்புக்கூட்டத்தொடர் குறித்து காங்கிரஸ் மக்களவை குழு தலைவர் ஆதிர் ரஞ்சன் சவுத்ரி செய்தியாளர்களிடம் கூறியதாவது:- சிறப்பு நடாளுமன்ற கூட்டத்தொடரில் இவ்வளவு மசோதாக்களை நிறைவேற்ற அரசு திட்டமிட்டுள்ளது அபத்தமானது. இது குறித்து மத்திய அரசு விளக்கம் அளிக்க வேண்டும். சிறப்பு அஜெண்டா கொண்டு வரப்பட்டு அது குறித்து விவாதிக்கவே வழக்கமாக சிறப்பு கூட்டத்தொடர் கூட்டப்படும்.
இது சிறப்பு கூட்டத்தொடரா அல்லது வழக்கமான கூட்டத்தொடரா என்பது பற்றி அரசிடம் தெளிவு இல்லை அரசின் உண்மையான நோக்கம் எங்களுக்கு கவலை அளிக்கிறது. நாடாளுமன்றத்தில் பிரதமர் மோடி பேசுவதில் எங்களுக்கு எந்த பிரச்சினையும் இல்லை. நேற்று நடைபெற்ற அனைத்து கட்சி கூட்டத்தில் எங்கள் கட்சி முன் வைத்த 9 விவகாரங்களையும் நான் எழுப்பியிருக்கிறேன்.
Click it and Unblock the Notifications
Sign in with Google