ஆம் ஆத்மியை அழிக்க முடியாது.. பாஜகவுக்கு எதிராக நாடு முழுக்க பிரச்சாரம் செய்வேன்- கெஜ்ரிவால் சூளுரை
டெல்லி: ஆம் ஆத்மியை அழிக்க நினைத்தால் அது முடியாது என்று குறிப்பிட்ட கெஜ்ரிவால், நாடு முழுக்க பாஜகவுக்கு எதிராகப் பிரச்சாரம் செய்ய உள்ளதாகவும் தெரிவித்துள்ளார்.
டெல்லியில் ஆம் ஆத்மி அரசு கொண்டு வந்த புதிய மதுபான கொள்கையில் முறைகேடு நடந்ததாகப் புகார்கள் எழுந்தன. இது தொடர்பாக டெல்லி துணைநிலை ஆளுநரிடம் பாஜகவினர் புகார் அளித்த நிலையில், அவர் விசாரணைக்கு உத்தரவிட்டார்.
இந்த வழக்கில் அமலாக்க துறை ஆம் ஆத்மியின் முக்கிய தலைவர்கள் பலரைக் கைது செய்தது. குறிப்பாக டெல்லி துணை முதல்வராக இருந்த மணிஷ் சிசோடியா இந்த வழக்கில் பல மாதங்களாகச் சிறையில் உள்ளார். இந்த வழக்கில் டெல்லி முதல்வர் கெஜ்ரிவாலும் மார்ச் மாதம் கைதானார்.
இந்தச் சூழலில் லோக்சபா தேர்தலில் பிரச்சாரம் செய்ய ஜாமீன் கோரி கெஜ்ரிவால் சுப்ரீம் கோர்ட்டில் மனுத் தாக்கல் செய்தார். கெஜ்ரிவாலுக்கு ஜாமீன் வழங்க அமலாக்க துறை கடும் எதிர்ப்பு தெரிவித்தது. இருப்பினும், உச்ச நீதிமன்றம் கெஜ்ரிவாலுக்கு நேற்று இடைக்கால ஜாமீன் வழங்கியது. வரும் ஜூன் 1ஆம் தேதி வரை ஜாமீன் வழங்கப்பட்டுள்ளது. நேற்று மாலை திகார் சிறையில் இருந்து வெளியே வந்த கெஜ்ரிவால் தனது தொண்டர்களிடையே உரையாற்றினார்.
தொடர்ந்து இன்று அவர் கன்னாட் பிளேஸில் உள்ள ஹனுமான் கோயிலுக்குச் சென்றார். அங்கு அவர் தனது மனைவி சுனிதாவுடன் சாமி தரிசனம் செய்தார்.. தொடர்ந்து அவரது கட்சி அலுவலகத்திற்குச் சென்ற கெஜ்ரிவால் அங்குத் திரண்டிருந்த தொண்டர்கள் மத்தியில் உரையாற்றினார். தனக்கு ஆதரவாக இருந்த அனைவருக்கும் நன்றி தெரிவித்த கெஜ்ரிவால், ஆம் ஆத்மியை யாராலும் அழிக்க முடியாது என்றார்.
அந்தக் கூட்டத்தில் பேசிய அவர், "எங்களை சிறைக்கு அனுப்பிவிட்டு, நீங்கள் வெற்றி பெற முடியாது.. ஊழலுக்கு எதிரான போராட்டத்தை நாங்கள் தொடங்கி உள்ளோம்.. பிரதமர் மோடி தலைமையிலான பாஜக அரசின் ஊழல்களை அம்பலப்படுத்துவோம்.. பாஜக ஆளும் மத்தியப் பிரதேசம் உள்ளிட்ட மாநிலங்களில் நடந்த ஊழலை யாராலும் மறைக்க முடியாது.
எல்லா கட்சிகளையும் அழித்துவிட பாஜக நினைக்கிறது.. ஆம் ஆத்மி கட்சியை அழிக்க முடியாது என்பதற்கு இங்குத் திரண்டுள்ள தொண்டர்களே சாட்சி.. ஜனநாயகத்தை அழிக்க பாஜக நினைக்கிறது.. 140 கோடி மக்களை ஏமாற்ற பாஜகவால் முடியாது.. பாஜகவுக்கு எதிராக நாடு முழுக்க பிரச்சாரம் செய்ய உள்ளேன்" என்று அவர் பேசினார்.
Click it and Unblock the Notifications
Sign in with Google