ராம் சரண்- உபாசனா மகளுக்கு தங்க தொட்டிலை பரிசளித்தாரா முகேஷ் அம்பானி.. விலை ரூ 1 கோடியாமே

ஹைதராபாத்: தெலுங்கு நடிகர் ராம் சரண்- உபாசனா தம்பதிக்கு பிறந்த பெண் குழந்தைக்கு இந்தியாவின் பணக்காரரான முகேஷ் அம்பானி தங்க தொட்டில் வழங்கியதாக தகவல்கள் வெளியாகியுள்ளன. தெலுங்கு திரையுலகின் மெகா ஸ்டார் சிரஞ்சீவியின் மகன் நடிகர் ராம்சரண். இவருக்கம் அப்பல்லோ நிர்வாக இயக்குநர் பிரீத்தா ரெட்டியின் மகள் உபாசனாவுக்கும் கடந்த 2012 ஆம் ஆண்டு திருமணம் நடந்தது.

அவர்களுக்கு நீண்ட காலமாக குழந்தை இல்லாமல் இருந்த நிலையில் உபாசனா கர்ப்பமடைந்தார். இவர்கள் ஐவிஎஃப் முறையில் கரு உருவானதாக தெரிவிக்கிறார்கள். இந்த நிலையில் உபாசனாவுக்கு ஜூன் 20ஆம் தேதி பெண் குழந்தை பிறந்தது. இதற்காக ரசிகர்கள் பலர் ராம்சரண் தம்பதிக்கும் தாத்தாவான சிரஞ்சீவிக்கும் வாழ்த்துகளை கூறி வருகிறார்கள்.

ஏற்கெனவே மகள் வயிற்று பேரனுடன் விளையாடி வரும் நிலையில் தற்போது மகன் சார்பாக பேத்தி பிறந்துவிட்டாள். இனி சிரஞ்சீவிக்கு மகிழ்ச்சியாக இருக்கும். குழந்தை பிறந்த பின்னர் சிரஞ்சீவி கூறுகையில் ராம்சரண் , உபாசனாவை பெற்றோர்களாக காண நாங்கள் பல ஆண்டுகளாக காத்திருந்தோம். எங்கள் வேண்டுதல் பல ஆண்டுகளுக்கு பிறகு இறைவன் நிறைவேற்றி இருக்கிறார். ராம் சரண் தந்தையானதற்கு வாழ்த்து தெரிவித்த அனைவருக்கும் நன்றியை தெரிவித்துக் கொள்கிறோம்.

குழந்தை பிறப்பதற்கு முன்பே நல்ல அறிகுறிகள் தென்பட்டது. குழந்தையின் ராசி தான் ராம் சரண் அவரது தொழிலில் நல்ல வளர்ச்சியடைய காரணம் என சிரஞ்சீவி கூறினார். மேலும் தங்கள் குடும்பமே ஆஞ்சநேய பக்தர்கள். எங்கள் பேத்தியும் அவருக்கு உகந்த நாளான செவ்வாய்க்கிழமை பிறந்துவிட்டார்.

தாயும் சேயும் நலமாக இருக்கிறார்கள் என்றார். குழந்தையும் உபாசனாவும் ஜூன் 23 ஆம் தேதி வீட்டிற்கு டிஸ்சார்ஜ் ஆனார்கள். இந்த நிலையில் ராம் சரணின் மகளுக்கு பெயர் சூட்டு விழா உபாசனாவின் தாய் வீட்டில் நடந்தது. இந்த விழாவில் இந்திய சமூக சேவகர் சுனிதா கிருஷ்ணன் கைகளால் செய்யப்பட்ட தொட்டிலை பரிசாக கொடுத்தார்.

அது போல் பாடகர் கலா பைரவாவின் இசையில் அமைந்த நாட்டு நாட்டு பாடல் இசை வாசிக்கப்பட்டது. இத்துடன் சேர்த்து முகேஷ் அம்பானி குடும்பத்தினர் ராம் சரணின் மகளுக்கு தங்க தொட்டிலை பரிசாக கொடுத்ததாக தகவல்கள் வெளியாகியுளளன. இந்த தொட்டில் ராம் சரணுக்கு குழந்தை பிறப்பதற்கு முந்தைய நாள் கொடுக்கப்பட்டதாம். அந்த தொட்டில் ரூ 1 கோடி மதிப்புடையது என கூறப்படுகிறது.

English summary

Mukesh Ambani gifted golden cradle to Ram Charan and Upasana who gave birth to girl baby?