ஹைதராபாத்: சென்னையில் இருந்து சென்ற சார்மினார் ரயில் தடம்புரண்டு விபத்து.. 50 பேர் படுகாயம்

ஹைதராபாத்: சென்னையில் இருந்து சென்ற சார்மினார் எக்ஸ்பிரஸ் ரயில் ஹைதராபாத் நம்பள்ளி ரயில் நிலையம் அருகே தடம்புரண்டு விபத்தில் சிக்கியுள்ளது. இந்த விபத்தில் 50க்கும் மேற்பட்டோர் படுகாயமடைந்துள்ளதாக தகவல்கள் வெளியாகியுள்ளன.

சார்மினார் ரயிலின் 5 பெட்டிகள் தடம் புரண்டதில் பயணிகள் அச்சமடைந்துள்ளனர். சார்மினார் எக்ஸ்பிரஸ் ரயிலின் S2, S3, S6 உள்ளிட்ட 5 பெட்டிகள் தண்டவாளத்தை விட்டு இறங்கி நடைமேடையின் பக்கவாட்டு சுவரில் மோதி விபத்து ஏற்பட்டுள்ளது.

ரயில் பெட்டிகள் நடைமேடை மீது மோதியதால் பலத்த சத்தம் கேட்டது. விபத்தில் சிக்கியவர்கள் மீட்கப்பட்டு ரயில்வே காவல் நிலையத்தில் சிகிச்சைக்காக அனுமதிக்கப்பட்டுள்ளனர். இந்த விபத்தில் உயிரிழப்பு எதுவும் ஏற்படவில்லை என்று தகவல்கள் தெரிவிக்கின்றன. மீட்புப்பணிகள் துரிதப்படுத்தப்பட்டுள்ளன.

சார்மினார் எக்ஸ்பிரஸ் விபத்து சம்பவம் குறித்து தெற்கு ரயில்வே விளக்கம் அளித்துள்ளது. அதன்படி பயணிகள் அனைவரும் பத்திரமாக உள்ளதாக தெரிவிக்கப்பட்டுள்ளது. சிலருக்கு லேசான காயம் ஏற்பட்டதாகவும் மீட்புப் பணிகள் தொடர்ந்து நடைபெற்று வருவதாகவும் தெரிவிக்கப்பட்டுள்ளது. காயமடைந்தவர்களுக்கு தீவிர சிகிச்சை அளிக்கப்படுவதாகவும் தெற்கு ரயில்வே தெரிவித்துள்ளது.

The incident occurred when the train bound for Chennai arrived on the platform, slipped off the track when halting and hit the sidewall.
Two bogies were reportedly derailed.#hyderabad #Nampally railway station pic.twitter.com/J0HRdpXcMG

— Madhuri Adnal (@madhuriadnal) January 10, 2024

கடந்த ஜூன் மாதம் ஒடிசாவில் பயங்கர ரயில் விபத்து ஏற்பட்டது. பாலசோர் மாவட்டம் பாஹாநகா பஜார் பகுதியில் தண்டவாளத்தில் நின்றிருந்த சரக்கு ரயில் மீது சென்னை கோரமண்டல் விரைவு ரயில் மோதியது. அப்போது, எதிர் திசையில் வந்தஹவுரா அதிவிரைவு ரயிலின் கடைசி பெட்டிகளும் விபத்தில் சிக்கின. இந்த கோர விபத்தில் சுமார் 300 பேர் வரை உயிரிழந்தனர். 1000 க்கும் மேற்பட்டோர் காயமடைந்தனர்.

Some passengers sustained injuries as the Charminar Express train derailed on the platform at #Nampally railway station, #Hyderabad today.#trainaccident pic.twitter.com/wNXp2kuc0q

— Madhuri Adnal (@madhuriadnal) January 10, 2024

இந்த விபத்துக்கு பிறகு அடிக்கடி ரயில் விபத்து சம்பவங்கள் அரங்கேறி வருகின்றன. ரயில்கள் தடம் புரளுவது, தீப்பிடிப்பது போன்ற சம்பவங்கள் அதிகரித்து வருகின்றன என்பது குறிப்பிடத்தக்கது.

English summary

As per the latest reports, at least 50 people were injured after the Charminar Express derailed on Wednesday, January 10. The reports suggest that Charminar Express hit the side wall of a platform at the Nampally Railway Station which triggered panic among the commuters. The Railway police swiftly reacted to the derailment and admitted the injured commuters to the Lalaguda Railway Hospital for treatment.