BRS vs Congress: தெலுங்கானா சட்டசபை தேர்தல்: அனல் பிரசாரம் அத்தனையும் 5 மணியுடன் ஓய்ந்தது!

ஹைதராபாத்: தெலுங்கானா பல மாதங்களாக நடைபெற்ற சட்டசபை தேர்தல் பிரசாரம் இன்று மாலையுடன் நிறைவடைந்தது. தெலுங்கானா சட்டசபைக்கு நாளை மறுநாள் (நவம்பர் 30) வாக்குப் பதிவு நடைபெறுகிறது. அன்று பதிவாகும் வாக்குகள் டிசம்பர் 3-ந் தேதி எண்ணப்பட்டு முடிவுகள் அறிவிக்கப்படும்.

ஆந்திரா மாநிலம் இரண்டாகப் பிரிக்கப்பட்டு தெலுங்கானா தனி மாநிலம் உருவாக்கப்பட்டது. இம்மாநிலத்தில் 2014,2018 சட்டசபை தேர்தல்களில் இன்றைய பிஆர்எஸ் கட்சி - அன்றைய டிஆர்எஸ் கட்சி ஆட்சியைக் கைப்பற்றியது. 2 முறை ஆட்சியில் இருந்த பிஆர்எஸ் கட்சி தற்போது 3-வது முறையாக ஆட்சியைக் கைப்பற்றுவதில் தீவிரமாக இருக்கிறது.

தெலுங்கானாவில் காங்கிரஸ் கட்சி சொற்பமான இடங்களில்தான் வென்று வந்தது. ஆனால் இம்முறை காங்கிரஸ் விஸ்வரூபம் எடுக்கும்; ஆட்சியைக் கைப்பற்றும் என்கின்றன பெரும்பாலான கருத்து கணிப்புகள்.

இந்த இரு கட்சிகளுக்கு இடையே பாஜகவும் களத்தில் இருக்கிறது. பிரதமர் மோடி மற்றும் மத்திய அமைச்சர்கள் பலரும் தேர்தல் பிரசாரத்தை தீவிரமாக மேற்கொண்டனர். ஆனாலும் பாஜகவுக்கு அதிகபட்சம் 6 இடங்கள்தான் கிடைக்கும் எனவும் கூறப்பட்டு வருகிறது. இந்த நிலையில் தெலுங்கானா சட்டசபை தேர்தல் பிரசாரம் இன்று மாலையுடன் நிறைவடைந்தது. இதனையடுத்து வாக்கு பதிவு மற்றும் வாக்கு எண்ணிக்கைக்கான ஏற்பாடுகள் மேற்கொள்ளப்பட்டு வருகின்றன.

தெலுங்கானா சட்டசபை தொகுதிகள் மொத்தம் :119

தெலுங்கானாவில் ஆட்சி அமைக்க தேவையான இடங்கள்: 60

தெலுங்கானா வாக்காளர்கள்: ஆண்கள் 1,58,71,493 ; பெண்கள் 1,58,43,339;
3-ம் பாலினத்தவர் 2,557

தெலுங்கானாவில் களம் காணும் வேட்பாளர்கள்: 2,290

எல்.பி.நகர் தொகுதியில் அதிகபட்சமாக 48 வேட்பாளர்கள் போட்டி

பன்ஸ்வாடா, நாராயண்பேட் தொகுதிகளில் குறைந்தபட்சமாக தலா 7 வேட்பாளர்கள் போட்டி

2014 தெலுங்கானா தேர்தலில் கட்சிகள் வென்ற இடங்கள்

பிஆர்எஸ் கட்சி- 99 இடங்கள்
காங்கிரஸ் கட்சி -7 இடங்கள்
ஓவைசி கட்சி- 7 இடங்கள்
பாஜக -1 இடம்

2018 தெலுங்கானா தேர்தலில் கட்சிகள் வென்ற இடங்கள்

பிஆர்எஸ் கட்சி- 88 இடங்கள்
காங்கிரஸ் கட்சி -19 இடங்கள்
ஓவைசி கட்சி- 7 இடங்கள்
பாஜக - 5 இடங்கள்

English summary

The campaign for the Telangana Assembly polls will end at 5 pm today.