2025 வுஷு சாம்பியன்ஷிப்.. அசத்தலாக வென்ற BSF காவலர் ஷிவானிக்கு.. காத்திருந்த சர்ப்ரைஸ்.. சூப்பர்!

உலக வூஷு சாம்பியன்ஷிப் போட்டியில் சிறப்பான செயல்பாட்டிற்காக பி.எஸ்.எஃப் கான்ஸ்டபிள் ஷிவானிக்கு இன்று தலைமை கான்ஸ்டபிளாக பதவி உயர்வு வழங்கப்பட்டுள்ளது. இந்த பதவி உயர்வு விழா பி.எஸ்.எஃப் டி.ஜி தல்ஜித் சிங் சவுத்ரி தலைமையில் சாவ்லா பி.எஸ்.எஃப் முகாமில் நடைபெற்றது.

கான்ஸ்டபிள் ஷிவானி, பி.எஸ்.எஃப்-பில் ஐந்து மாத சேவையிலேயே இந்த பதவி உயர்வைப் பெற்றுள்ளார். இந்திய அரசின் பணியாளர் மற்றும் பயிற்சித் துறையிடம் (DoPT) இருந்து தேவையான தளர்வுகளும் அனுமதிகளும் பெறப்பட்டன. பிரேசிலில் நடைபெற்ற 17வது உலக வூஷு சாம்பியன்ஷிப் 2025-ல் வெள்ளிப் பதக்கம் வென்றதற்காக, பி.எஸ்.எஃப் கான்ஸ்டபிள் ஷிவானிக்கு இன்று தலைமை கான்ஸ்டபிள் பதவி உயர்வு வழங்கப்பட்டது.

பி.எஸ்.எஃப் டி.ஜி தல்ஜித் சிங் சவுத்ரி இந்த விழாவை முன்னின்று நடத்தினார். இதேபோல், கான்ஸ்டபிள் அனுஜ், சீனா நடந்த 10வது சாண்டா உலக வூஷு சாம்பியன்ஷிப்பில் அவரது செயல்திறனுக்காக 2025 ஜூலையில் பதவி உயர்வு பெற்றார்.

கான்ஸ்டபிள் ஷிவானி (தற்போது தலைமை கான்ஸ்டபிள்) பிரேசிலில் நடந்த 17வது உலக வூஷு சாம்பியன்ஷிப் 2025-ல் இந்தியாவைப் பிரதிநிதித்துவப்படுத்தி வெள்ளிப் பதக்கம் வென்றார். அவரது பதவி உயர்வு விழாவில் மூத்த பி.எஸ்.எஃப் அதிகாரிகள் மற்றும் பி.எஸ்.எஃப் விளையாட்டுப் பிரிவின் நிர்வாகிகள் பலர் கலந்துகொண்டனர்.

இந்நிகழ்ச்சியில் பேசிய பி.எஸ்.எஃப் டி.ஜி தல்ஜித் சிங் சவுத்ரி, தலைமை கான்ஸ்டபிள் ஷிவானிக்கு வாழ்த்து தெரிவித்தார். மேலும், பி.எஸ்.எஃப் விளையாட்டு வீரர்களிடையே உரையாற்றிய அவர், ஷிவானியின் சிறப்பான விளையாட்டு சாதனை, மற்றும் அவர் பெற்ற பதவி உயர்வு, மற்றவர்கள் பின்பற்ற ஒரு சிறந்த எடுத்துக்காட்டு என்று கூறினார்.

இதற்கு முன்னதாக, 2025 ஜூலையில், பி.எஸ்.எஃப் மத்திய வூஷு அணியைச் சேர்ந்த கான்ஸ்டபிள் அனுஜ், ஏப்ரல் 2025-ல் சீனாவில் நடைபெற்ற 10வது சாண்டா உலக வூஷு சாம்பியன்ஷிப்பில் தனது சிறந்த செயல்பாட்டிற்காக பதவி உயர்வு பெற்றார்.

English summary

BSF Constable Shivani has been promoted to Head Constable after earning a silver medal at the 2025 World Wushu Championship in Brazil. Her achievement highlights excellence in sports and serves as an inspiration for fellow officers in the BSF.