"திரௌபதி முர்மூவுக்கு குடியரசுத் தலைவர் தேர்தலில் அதிக வெற்றி வாய்ப்பு" - மமதா பானர்ஜி

By BBC News தமிழ்

Updated: Saturday, July 2, 2022, 21:00 [IST]

Subscribe to Oneindia Tamil

BBC

குடியரசுத் தலைவர் வேட்பாலர் திரௌபதி முர்மூ

தேசிய ஜனநாயகக் கூட்டணியில் குடியரசு தலைவர் வேட்பாளராக முன்நிறுத்தப்பட்ட திரௌபதி முர்மூவுக்கு புதுச்சேரியைச் சேர்ந்த ஒரு மாநிலங்களவை உறுப்பினரும் 20 சட்டமன்ற உறுப்பினர்களும் தங்களது ஆதரவைத் தெரிவித்துள்ளனர்.

அதோடு, அவருக்கு குடியரசு தலைவர் தேர்தலில் அதிக வெற்றி வாய்ப்பு இருப்பதாக மேற்கு வங்க முதல்வர் மமதா பானர்ஜி தெரிவித்துள்ளார்.

தேசிய ஜனநாயகக் கூட்டணியின் குடியரசுத் தலைவர் வேட்பாளராக திரெளபதி முர்மூ தேர்வு செய்யப்பட்டுள்ளார். இந்நிலையில் பல்வேறு மாநிலங்களுக்குச் சென்று தனக்கான ஆதரவைக் கோரி வருகிறார். இதனிடையே புதுச்சேரி மற்றும் தமிழ்நாட்டிற்கு வருகை தரும் திரெளபதி முர்மூ, முதல் கட்ட பயணமாகப் புதுச்சேரிக்கு வருகை தந்தார்.

டெல்லியிலிருந்து சிறப்பு விமானம் மூலம் காலை புதுச்சேரி வந்த அவர் தனியார் நட்சத்திர விடுதியில் முதல்வர், அமைச்சர்கள், சட்டமன்ற உறுப்பினர்கள், நாடாளுமன்ற உறுப்பினர் மற்றும் தேசிய ஜனநாயகக் கூட்டணியின் தலைவர்களைச் சந்தித்து ஆதரவு கோரினார்.

BBC

திரௌபதி முர்மூ

குறிப்பாகப் புதுச்சேரி மாநிலத்தில் உள்ள 30 சட்டமன்ற உறுப்பினர்களில், தேசிய ஜனநாயகக் கூட்டணியில் இடம்பெற்றுள்ள என்.ஆர்.காங்கிரஸ் உறுப்பினர்கள் மற்றும் பாஜக தரப்பில் 16 உறுப்பினர்கள் உள்ளனர்.

இவர்களுடன் 4 சுயேட்சை சட்டமன்ற உறுப்பினர்கள் தங்கள் ஆதரவைத் தெரிவித்துள்ளனர். இதன்மூலம் பாஜகவை சேர்ந்த ஒரு மாநிலங்களவை உறுப்பினர் மற்றும் 20 சட்டமன்ற உறுப்பினர்கள் தேசிய ஜனநாயகக் கூட்டணியில் குடியரசுத் தலைவர் வேட்பாளராகத் தேர்வு செய்யப்பட்டுள்ள திரெளபதி முர்மூவை நேரில் சந்தித்து தங்களது ஆதரவைத் தெரிவித்துள்ளனர்.

மொத்தமுள்ள 6 சுயேட்சை சட்டமன்ற உறுப்பினர்களில் 4 பேர் தங்கள் ஆதரவு நிலைப்பாட்டைத் தெரிவித்துள்ள நிலையில், மீதமிருக்கும் 2 சட்டமன்ற உறுப்பினர்கள் ஆதரவு யாருக்கு என்பதை இதுவரை தெரிவிக்கவில்லை.

BBC

குடியரசுத் தலைவர் வேட்பாலர் திரௌபதி முர்மூ

மேலும் நியமன உறுப்பினர்களுக்குக் குடியரசுத் தலைவர் தேர்தலில் வாக்களிக்க உரிமை கிடையாது என்பதால் புதுச்சேரியில் உள்ள 3 நியமன சட்டமன்ற உறுப்பினர்கள் இதில் வாக்களிக்க இயலாது என்பது குறிப்பிடத்தக்கது.

திரௌபதி முர்மூ குடியர்சுத் தலைவர் வேட்பாளராக அறிவிக்கப்பட்டது குறித்து நேற்று பேசிய மேற்கு வங்க முதல்வர் மமதா பானர்ஜி, "குடியரசுத் தலைவர் வேட்பாளரை அறிவிக்கும் முன்பாக எதிர்க்கட்சிகளுடன் பாஜக ஆலோசித்து இருந்தால், பொதுநலன் கருதி திரௌபதி முர்மூவுக்கு ஆதரவு அளித்திருப்பேன்," என்று கூறினார்.

மேலும், "இருப்பினும் பாஜகவுக்கு செல்வாக்கு இருப்பதால் திரௌபதி முர்மூவுக்கே வெற்றி வாய்ப்பு அதிகமாக உள்ளது. இந்த விஷயத்தில் எதிர்க்கட்சிகள் எடுக்கும் முடிவை நான் பின்பற்றுவேன்," என்றும் மமதா பானர்ஜி தெரிவித்தார்.

https://www.youtube.com/watch?v=jLMbutjzI-g

சமூக ஊடகங்களில் பிபிசி தமிழ்: