குஜராத் தேர்தல் முடிவுகள்: 'நோட்டா'-வுக்கு வாக்களித்தவர்கள் எத்தனை பேர் தெரியுமா?

By BBC News தமிழ்

Updated: Tuesday, December 19, 2017, 12:03 [IST]

Subscribe to Oneindia Tamil

Getty Images

காங்கிரஸும் வேண்டாம், பாஜகாவும் வேண்டாம்: நோட்டாவுக்கு வாக்களித்தவர்கள் எத்தனை பேர் தெரியுமா?

குஜராத் மற்றும் இமாச்சல பிரதேச சட்டபேரவை வாக்குப்பதிவு முடிவுகள் நேற்று (திங்கட்கிழமை) அறிவிக்கப்பட்ட நிலையில், குஜராத் மாநிலத்தில் நோட்டாவுக்கு வாக்களித்தவர்களின் எண்ணிக்கை ஆச்சரியத்தை ஏற்படுத்தியுள்ளது.

தேர்தல் களத்தில் போட்டியிடும் வேட்பாளர்கள் யாருக்கும் வாக்களிக்க விருப்பமில்லை என்றால் மின்னணு வாக்குப்பதிவு இயந்திரத்தில் கடைசியாக இருக்கும் நோட்டா என்ற சின்னத்தில் வாக்காளர்கள் வாக்குகளை செலுத்தலாம்.

நடந்து முடிந்த குஜராத் மற்றும் இமாச்சல் பிரதேச சட்டபேரவை வாக்கு எண்ணிக்கையில் குஜராத் மாநிலத்தில் மட்டும் சுமார் 5 லட்சத்து 51 ஆயிரத்து 615 பேர் வாக்களித்துள்ளனர்.

Getty Images

காங்கிரஸும் வேண்டாம், பாஜகவும் வேண்டாம்: நோட்டாவுக்கு வாக்களித்தவர்கள் எத்தனை பேர் தெரியுமா?

தேர்தலில் பதிவான மொத்த வாக்குகளில் நோட்டாவிற்கு விழுந்த வாக்குகளின் சதவீதம் மட்டும் 1.8%. இதன்மூலம் அதிக வாக்குகளை பெற்ற மூன்றாவது பெரிய கட்சி என்ற அந்தஸ்தை நோட்டா பெற்றுள்ளது.

இமாச்சல பிரதேச தேர்தலிலும் சுமார் 34 ஆயிரத்து 232 வாக்காளர்கள் நோட்டாவுக்கு வாக்களித்துள்ளனர்.

நூலிழையில் வெற்றியை தவறவிட்ட காங்கிரஸ்

குஜராத்தில் உள்ள 182 சட்டப்பேரவை தொகுதிகளில், 16 தொகுதிகளில் 3000-க்கும் குறைவான வாக்குகள் வித்தியாசத்தில் பாஜகவிடம் காங்கிரஸ் தோல்வியை தழுவியுள்ளது.

இந்த 16 தொகுதிளிலும் பாஜகவை வீழ்த்த காங்கிஸுக்கு தேவையான வாக்குகளை காட்டிலும் நோட்டாவுக்கு பதிவான வாக்குகள் அதிகம்.

அதன் விபரங்கள் கீழே கொடுக்கப்பட்டுள்ளன.

தொகுதி	வாக்குகள் வித்தியாசம்	நோட்டா

போதாட்	906	1334
தபோய்	2839	3046
தோல்கா	327	2347
ஃபதேபுரா	2711	4573
கரியாதர்	1876	1557
கோத்ரா	236	3050
ஹிமத் நகர்	1712	3334
கம்பத்	2318	2731
மட்டர்	2406	4090
போர்பந்தர்	1855	3433
பிராந்திஜ்	2551	2907
ராஜ்கோட் (கிராமப்புறம்)	2179	2559
அம்ரெத்	1883	3710
வாக்ரா	2370	2807
விஜாபுர்	1164	1280
விஸ்நகர்	2869	2992