ம.பி.யில் மீண்டும் பாஜக ஆட்சி- காங்கிரஸுக்கு ஆறுதல் தொகுதிகள்- இந்தியா டுடே கருத்து கணிப்பு

போபால்: மத்திய பிரதேசத்தில் ஆளும் பாரதிய ஜனதா கட்சியே மீண்டும் ஆட்சி அமைக்கும் என்று இந்தியா டுடே- ஓஆர்ஜி நடத்திய தேர்தலுக்கு பிந்தைய கருத்து கணிப்பில் தெரிவிக்கப்பட்டுள்ளது.

மத்திய பிரதேச மாநிலத்தில் மொத்தம் 230 சட்டசபை தொகுதிகள் உள்ளன. இத்தொகுதிகளில் வாக்குப் பதிவுக்குப் பின்னர் இந்தியா டுடே- ஓஆர்ஜி இணைந்து வாக்காளர்களிடம் கருத்து கணிப்பை நடத்தியது.

இக்கருத்துக் கணிப்பில் ஆளும் பாரதிய ஜனதாவே ஆட்சியை தக்க வைத்துக் கொள்ளும் என்று தெரிவிக்கப்பட்டுள்ளது. இருப்பினும் காங்கிரஸ் கட்சி கடந்த தேர்தலைவிட கூடுதலாக 9 இடங்களைப் பெற்று ஆறுதலடையும் என்று தெரிவிக்கப்பட்டுள்ளது. இம்மாநிலத்தில் மீண்டும் சிவ்ராஜ்சிங் சவுகானே முதல்வராக பொறுப்பேற்க இருக்கிறார்.

2008ஆம் ஆண்டு தேர்தலைவிட பாஜக 5 இடங்கள் குறைந்து 138 தொகுதிகளைக் கைப்பற்றுமாம். காங்கிரஸ் கட்சி கடந்த தேர்தலைவிட கூடுதலாக 9 இடங்களுடன் 80 தொகுதிகளைக் கைப்பற்றுமாம்.

அதாவது பாஜகவுக்கு 41% வாக்குகளும் காங்கிரஸ் கட்சிக்கு 36% வாக்குகளும் கிடைக்கும் என்று தேர்தலுக்குப் பிந்தைய கருத்துக் கணிப்பில் தெரிவிக்கப்பட்டுள்ளது.

English summary

Most of the opinion polls showed the ruling BJP having an upper hand in the heart of India, Madhya Pradesh. Though the ruling party looks all set to hold it right, the Today-ORG post-poll survey shows it might suffer a loss of five seats as its tally might slip to 138 in the 230-member Assembly. The fall in its seat tally is likely despite an increase of 3 per cent in the vote share of the ruling party to 41 per cent.