ராகுல் சென்ற விமானத்தில் ஏற்பட்ட திடீர் கோளாறு.. முதல் ஆளாக போன் செய்து விசாரித்த மோடி!

ராகுல் காந்தி சென்ற விமானத்தில் ஏற்பட்ட கோளாறுக்கு பின் பிரதமர் மோடி அவருக்கு போன் செய்து நலம் விசாரித்து இருக்கிறார்.

By Shyamsundar

Updated: Friday, April 27, 2018, 18:01 [IST]

Subscribe to Oneindia Tamil

பெங்களூர்: ராகுல் காந்தி சென்ற விமானத்தில் ஏற்பட்ட கோளாறுக்கு பின் பிரதமர் மோடி அவருக்கு போன் செய்து நலம் விசாரித்து இருக்கிறார்.

தற்போது கர்நாடக தேர்தல் களம் சூடுபிடித்து இருக்கிறது. பிரச்சாரத்திற்காக நேற்று ராகுல் காந்தி டெல்லியில் இருந்து விமானம் மூலம் பெங்களூர் சென்றார். ஆனால் அவர் சென்ற விமானம் பாதி வழியில் பெரிய பிரச்சனைக்கு உள்ளானது.

Karnataka Election: Modi called Rahul Gandhi very next minute in Flight snag

உயரத்தில் சென்று கொண்டு இருக்கும் போதே, விமானம் வேகமாக கீழே இறங்க ஆரம்பித்தது. முக்கியமாக ஒரு பக்கம் சரிந்து, கீழே வேகமாக சென்றது, விமானத்தை எவ்வளவு முயன்றும் விமானிகளால் கட்டுப்படுத்த முடியவில்லை. இதையடுத்து விமானத்தை அவசரமாக தரையிறக்க முடிவெடுத்து இருக்கிறார்கள்.

ஆனால் இரண்டு முறை முயற்சித்தும் கூட விமானத்தை தரையிறக்க முடியவில்லை. பின் கடைசி நேரத்தில் மூன்றாவது முறையாக முயற்சித்து, ஹப்ளி விமான நிலையத்தில் பாதுகாப்பாக தரையிறக்கினார்கள். இதில் யாருக்கும் எந்த விதமான பாதிப்பும் ஏற்படவில்லை. இது விமானத்தில் ஏற்பட்ட சிறிய ''ஆட்டோ பைலட்'' எனப்படும் தானியங்கி விமான பிரச்சனை என்றும் கடைசி நேரத்தில் விமானி தானாக செயல்பட்டு விமானத்தை கட்டுக்குள் கொண்டு வந்துவிட்டார் என்றும் கூறப்படுகிறது.

இந்த சம்பவம் குறித்து ராகுல் காந்தியிடம் மோடி போன் செய்து விசாரித்து இருக்கிறார். இந்த பிரச்சனை நடந்தவுடன் முதலில் போன் செய்து பேசியது மோடிதான் என்று காங்கிரஸ் தரப்பு கூறியுள்ளது. இந்த விஷயத்தை பாஜக சாதாரண விஷயமாக கருதவில்லை, அவர்கள் இதற்கு பெரிய முக்கியத்துவம் கொடுத்தார்கள் என்று காங்கிரஸ் தரப்பு பேசியுள்ளது.

ராகுல் காந்திக்கு கால் செய்த மோடி, அவரது உடல் நிலை குறித்து விசாரித்துள்ளார். இன்னும் பாதுகாப்பு அதிகரிப்பது குறித்து விவாதம் நடத்தியதாக காங்கிரஸ் தரப்பு கூறியுள்ளது. ஆனால் ராகுலுக்கு பாதுகாப்பு அறிவிப்பது குறித்த அதிகாரப்பூர்வ அறிவிப்பு இன்னும் வெளியாகவில்லை.

அதேபோல் இந்த விமான பிரச்சனை வெளியே தெரிந்தவுடன், மோடி விமான துறைக்கு உடனடியாக விசாரிக்கும்படி உத்தரவு பிறப்பித்துள்ளார். ஆனாலும் இந்த பிரச்சனை உண்மையாக ''ஆட்டோ பைலட்'' எனப்படும் தானியங்கி விமான இயக்கத்தால் வந்த பிரச்சனைதானா என்று கண்டுபிடிக்கப்படவில்லை.