கேரளாவில் காங். அணிக்கு 11 முதல் 17 இடங்கள்; இடதுசாரிகளுக்கு 4-8; ராகுலுக்கு அமோக ஆதரவு!
திருவனந்தபுரம்: லோக்சபா தேர்தலில் கேரள மாநிலத்தில் மொத்தமுள்ள 20 தொகுதிகளில் காங்கிரஸ் கூட்டணி 11 முதல் 17 தொகுதிகளைக் கைப்பற்றுமாம். இடதுசாரிகள் அணிக்கு 4 முதல் 8 தொகுதிகள்தான் கிடைக்குமாம். இம்மாநிலத்தில் நாட்டின் பிரதமராக ராகுல் காந்திதான் வர வேண்டும் என்று 24% பேர் கூறியுள்ளனர்.
லோக்சபா தேர்தலை முன்னிட்டு பல மாநில நிலவரங்களை சி.என்.என். ஐபிஎன் தொலைக்காட்சி வெளியிட்டுள்ளது. இதில் தமிழகத்தில் அதிமுக, கர்நாடகாவில் காங்கிரஸ், ஆந்திராவில் தெலுங்குதேசம் அதிக இடங்களைக் கைப்பற்றும் என்று தெரிவிக்கப்பட்டுள்ளது.
கேரள மாநிலத்தின் மொத்தம் உள்ள 20 தொகுதிகளில் காங்கிரஸ் கட்சிதான் அதிக இடங்களைக் கைப்பற்றும் என்கிறது இக்கருத்து கணிப்பு.
காங்கிரஸ் அணி
காங்கிரஸ் தலைமையிலான ஐக்கிய ஜனநாயக முன்னணி 11 முதல் 17 தொகுதிகளைக் கைப்பற்றுமாம். இந்த அணிக்கு 45% வாக்குகள் கிடைக்குமாம்..
இடது முன்னணி
கேரளாவில் இடதுசாரிகள் தலைமையிலான இடது ஜனநாயக முன்னணிக்கு 4 முதல் 8 தொகுதிகள்தான் கிடைக்குமாம். மொத்தம் 36% வாக்குகள் இடது முன்னணிக்கு கிடைக்கும் என்கிறது கருத்து கணிப்பு.
பிரதேச வாரியாக..
கேரளாவின் மலபார் பகுதியில் காங்கிரஸ், இடது அணிகளுக்கு இடையே கடும் போட்டி; கொச்சின் பிரதேசத்தில் காங்கிரஸ் முன்னணி, திருவாங்கூர் பிரதேசத்தில் இரு அணிகளுக்கு இடையே கடும் போட்டி நிலவுகிறதாம்.
காங்.கை ஆதரிக்கும் சிறுபான்மையினர்..
காங்கிரஸ் கட்சிக்கு இஸ்லாமியர்களில் 59% பேரும் கிறித்துவர்களில் 68% பேரும் ஆதரவு தெரிவிக்கின்றராம். ஹிந்துக்களில் 44% பேர் இடது முன்னணியை ஆதரிக்கிறார்களாம்.
ராகுலுக்கு ஆதரவு
நாட்டின் பிரதமராக ராகுல் காந்திதான் வர வேண்டும் என்று கேரளாவில் 24% பேர் கருத்து தெரிவித்துள்ளனர். ஆனால் மோடிக்கு 12% பேர்தான் ஆதரவு தெரிவித்துள்ளனர். இங்கு முதன்மை பிரச்சனையாக விலைவாசி உயர்வுதான் இருக்கிறது என்றும் கருத்து தெரிவித்துள்ளனர்.
Click it and Unblock the Notifications
Sign in with Google