BREAKING NEWS: சபரிமலையில் 144 தடை உத்தரவு.. !

கேரளாவில் சபரிமலை கோவிலின் நடை தற்போது திறக்கப்பட்டு இருக்கிறது.

திருவனந்தபுரம்: சபரிமலைக்கு பெண்கள் வரக் கூடாது என்று எதிர்த்துப் போராடுவோரை தடியடி நடத்தி போலீஸார் ஒடுக்கிய நிலையில் தற்போது சபரிமலையைச் சுற்றிலும் 144 தடை உத்தரவை கேரள மாநில அரசு பிறப்பித்துள்ளது.

சபரிமலை கோவிலுக்குள் பெண்கள் செல்வதை எதிர்த்து பெரும் போராட்டம் நடக்கிறது. சபரிமலை அருகே உள்ள நிலக்கல், பம்பை, இளவங்கல் ஆகிய பகுதிகளில் பாஜக தலைமையிலான எதிர்ப்பாளர்கள் நடத்திய போராட்டத்தை தடியடி நடத்தி போலீஸார் கலைத்தனர். இந்த நிலையில் சபரிமலை ஐயப்பன் கோவிலின் நடை தற்போது திறக்கப்பட்டு இருக்கிறது.

கோவிலுக்கு வெளியே கலவரம் நடக்கும் நிலையில் நடை திறக்கப்பட்டது. கோவிலில் பலத்த போலீஸ் பாதுகாப்பு போடப்பட்டுள்ளது. இந்த நிலையில் தற்போது பதட்டமான நிலை நிலவுவதால் பம்பை, சபரிமலை, நிலக்கல், இளவங்கல் ஆகிய பகுதிகளில் 144 தடை உத்தரவு பிறப்பிக்கப்பட்டுள்ளதாக பத்தனம்திட்டா மாவட்ட கலெக்டர் நூகு தெரிவித்துள்ளார். இந்த தடை உத்தரவு ஐயப்ப பக்தர்களுக்குப் பொருந்தாது என்றும் அவர் அறிவித்துள்ளார்.

English summary

People protesting against women entry into Sabarimala - LIVE UPDATES.