நான் கற்பழிச்சேனா, கொலை செய்தேனா?... 'பிங்க் ஜட்டி' முத்தலிக் டென்ஷன்!

டெல்லி: தன்னை பாஜகவில் சேர்த்து விட்டு பின்னர் அதை ரத்து செய்தது குறித்து பிரமோத் முத்தலிக் கோபத்துடன் கருத்து தெரிவித்துள்ளார்.

ஸ்ரீராம் சேனா தலைவரான பிரமோத் முத்தலிக் ஒரு சர்ச்சைக்குரியவர். பல சர்ச்சைகளிலும் இவர் சம்பந்தப்பட்டவர். இந்த நிலையில் இவர் திடீரென பாஜகவில் சேர்ந்தார். இதற்குக் கடும் எதிர்ப்புகள் எழுந்து விட்டன.

மோடியை எப்படியாவது பிரதமராக்கி விட வேண்டும் என்ற துடிப்புடன் உள்ள நேரத்தில் இவரால் பிரச்சினை வேண்டாமே என்று நினைத்துப் பயந்த பாஜக தலைவர் ராஜ்நாத் சிங் உடனடியாக தலையிட்டு முத்தலிக்கை பாஜகவில் சேர்த்ததை ரத்து செய்து உத்தரவிட்டு விட்டார்.

இதனால் முத்தலிக் அப்செட்டாகியுள்ளார். தான் என்ன தவறு செய்தேன் என்றும் அவர் கேட்டுள்ளார்.

இதுகுறித்து தனியார் தொலைக்காட்சிக்கு ஹூப்ளியில் இருந்தபடி அவர் அளித்த பேட்டியில், இன்னும் ஓரிரு நாட்களில் எனது அடுத்த கட்ட நடவடிக்கை குறித்து முடிவு செய்வேன்.

நான் தவறு செய்துள்ளேன் என்றால் அதை கோர்ட்தான் பார்த்து தண்டிக்க வேண்டும். தீர்ப்பளிக்க முடியும். ராஜ்நாத் சிங் தீர்ப்பு தர முடியாது. மாநில பாஜக தலைவர்கள் என்னை விரும்புகிறார்கள். அவர்கள் நடந்ததற்காக என்னிடம் மன்னி்ப்பு கேட்டுக் கொண்டனர்.

எனது ஆதரவாளர்கள் கோபமடைந்துள்ளனர். நான் அவமானப்படுத்தப்பட்டுள்ளேன். அவசரப்பட்டு விட்டது பாஜக. ஆனால் நான் பாஜகவுக்கு ஆரவாகவே இருப்பேன்.

இந்த முடிவுக்குப் பின்னால் ஆர்.எஸ்.எஸ். உள்ளது.என்னைப் போன்றவர்களால்தான் பாஜக கர்நாடகத்தில் வலுவாக உள்ளது. மற்றவர்களை எம்.பிக்களாகவும், எம்.எல்ஏக்களாகவும், அமைச்சர்களாகவும் ஆக்க நாங்கள் போராட்டம் நடத்துகிறோம், சிறைக்குப் போகிறோம், தடியடிகளைப் பரிசாகப் பெறுகிறோம். நான் அப்படி என்ன தவறு செய்து விட்டேன். நான் அவர்களுக்கு உறுத்தலாக தெரிகிறேன் போலும்.

பாஜகவில் ஊழல் செய்யாதவர்களே இல்லையா. அவர்கள் அவர்களுக்கு உறுத்தலாக இல்லையா. நான் ஏழை. பணம் இல்லை. சம்பாதிக்கவும் இல்லை. இந்தியாவின் தார்மீக நெறிகளை பரப்ப முயற்சித்ததற்காக சிறைக்குப் போனவன். எனக்குப் பதில் வேண்டும்.

நான் யாரையாவது கற்பழித்தேனா. கொலை செய்தேனா.. என்ன குற்றம் செய்தேன் என்று கோபமாக கேட்டுள்ளார் முத்தலிக்.

English summary

Sri Rama Sene chief Pramod Muthalik, whose BJP membership was cancelled within four hours after he formally joined the party says that he has been betrayed by some people. He attacked BJP national president Rajnath Singh for canceling his membership. Speaking to ibnlive from Hubli in Karnataka he said that he would decide his future course of action in a day or two.