'சிங் இஸ் கிங்': உலகின் மிகவும் 'பவர்ஃபுல்' சீக்கியர் மன்மோகன் சிங்

லண்டன்: உலகின் மிகவும் அதிகாரமிக்க சீக்கியர்கள் பட்டியலில் பிரதமர் மன்மோகன் சிங் முதலிடத்தை பிடித்துள்ளார்.

உலகின் மிகவும் அதிகாரமிக்க சீக்கியர்கள் பட்டியல் லண்டனில் வெளியிடப்பட்டுள்ளது. இந்த பட்டியலில் பிரதமர் மன்மோகன் சிங், அவரது மனைவி குர்ஷரண் கௌர் உள்ளிட்டோர் இடம் பிடித்துள்ளனர்.

இந்த பட்டியலில் இடம் பிடித்துள்ள சில முக்கிய சீக்கியர்களை பார்ப்போம்.

மன்மோகன் சிங்

உலகின் மிகவும் அதிகாரமிக்க சீக்கியர்கள் பட்டியலில் பிரதமர் மன்மோகன் சிங் முதலிடத்தை பிடித்துள்ளார். மன்மோகன் ஒரு சிறந்த சிந்தனையாளர், அறிஞர் என்று பாராட்டப்பட்டுள்ளது.

மான்டெக் சிங் அலுவாலியா

திட்டக் கமிஷன் துணை தலைவரான மான்டெக் சிங் அலுவாலியா உலகின் இரண்டாவது அதிகாரமிக்க சீக்கியராக உள்ளார்.

பர்காஷ் சிங் பாதல்

பஞ்சாப் முதல்வர் பர்காஷ் சிங் பாதலுக்கு இந்த பட்டியலில் நான்காவது இடம் கிடைத்துள்ளது. மூன்றாவது இடத்தில் சீக்கிய தலைவரான ஜாதேதர் சிங் சாஹிப் கியானி குர்பசன் சிங் உள்ளார்.

மிஸஸ் மன்மோகன்

பிரதமர் மன்மோகன் சிங்கின் மனைவி குர்ஷரண் கௌர் அதிகாரமிக்க சீக்கியர்கள் பட்டியலில் 13வது இடத்தை பிடித்துள்ளார்.

குஷ்வந்த்

உலகின் மிகவும் அதிகாரமிக்க சீக்கியர்கள் பட்டியலில் பிரபல பத்திரிக்கையாளரும், எழுத்தாளருமான குஷ்வந்த் சிங் 22வது இடத்தில் உள்ளார்.

ஹர்பஜன்

கிரிக்கெட் வீரர் ஹர்பஜன் சிங்கிற்கு அதிகாரமிக்க சீக்கியர்கள் பட்டியலில் 28வது இடம் கிடைத்துள்ளது.

English summary

Prime Minister Manmohan Singh has been listed as the world's most powerful, influential and contemporary Sikh, according to the first edition of the annual 'Sikh 100' published in London.