திரிணமூல் காங்கிரஸ் எம்பியும் நடிகையுமான நுஸ்ரத் ஜஹான் மருத்துவமனையில் அனுமதி

டெல்லி: திரிணமூல் காங்கிரஸ் கட்சியின் எம்பியும் நடிகையுமான நுஸ்ரத் ஜஹான் மூச்சு பிரச்சினை காரணமாக திடீரென மருத்துவமனையில் அனுமதிக்கப்பட்டுள்ளார்.

திரிணமூல் கட்சியை சேர்ந்தவர் நுஸ்ர் ஜஹான். இவர் நடிகையாவார். இவர் மேற்கு வங்க மாநிலத்தில் உள்ள பஷீரத் தொகுதியில் போட்டியிட்டு எம்பியாக தேர்வு செய்யப்பட்டார்.

இவருக்கு நேற்றைய தினம் மூச்சு விடுவதில் பிரச்சினை ஏற்பட்டது. இதையடுத்து அவர் மருத்துவமனையில் அனுமதிக்கப்பட்டார்.

இதுகுறித்து அவரது குடும்பத்தினர் கூறுகையில் மூச்சு பிரச்சினையால் நுஸ்ரத் மருத்துவமனையில் அனுமதிக்கப்பட்டுள்ளார். அவருக்கு ஆஸ்துமா இருக்கிறது. தீவிர சிகிச்சை பிரிவில் நுஸ்ரத் இருந்தாலும் அவரது உடல்நிலை சீராக உள்ளது. அவர் சுயநினைவுடன் உள்ளார் என தெரிவித்தனர்.

முதல் முறையாக எம்பியாக தேர்வு செய்யப்பட்ட நுஸ்ரத், தொழிலதிபர் நிகில் ஜெயினை கடந்த ஜூன் மாதம் திருமணம் செய்து கொண்டார். துருக்கியில் நடந்த இவர்களது திருமணத்தால் இவர் எம்பியாக பதவியேற்பு விழாவில் கலந்து கொள்ளவில்லை.

திருமணம் முடிந்து நாடாளுமன்றம் வந்த அவர் எம்பியாக பதவிப்பிரமாணம் செய்து கொண்டார்.

English summary

First time MP Nushrat Jahan admitted in the hospital because of respiratory issue. She has asthma complaint also.