எகிப்து.. 2500 வருடங்களுக்கு பிறகு முதல் முறையாக திறக்கப்பட்ட 'மம்மி'.. உள்ளே பார்த்தால்.. ஆச்சரியம்

கெய்ரோ: எகிப்தில் உள்ள தொல்பொருள் ஆராய்ச்சியாளர்கள் பொதுமக்களுக்கு முன்னால் வைத்து, 2500 வருடம் பழமையான மம்மி சவப்பெட்டியைத் திறந்தனர். அந்த வீடியோ தற்போது வைரலாக சுற்றி வருகிறது.

எகிப்தில் இந்த ஆண்டு தொடக்கத்தில், சடலங்களை புதைக்கும் பகுதியில், 59 சீல் செய்யப்பட்ட சவப்பெட்டிகள் கண்டுபிடிக்கப்பட்டன. மரத்தாலான பெட்டிகளுக்கு உள்ளே சடலங்கள் இருந்தன.

எகிப்தியர்கள் பதப்படுத்தி உடலை புதைப்பார்கள். இதற்கு மம்மி என்று பெயர். எனவே சடலம் பாதுகாக்கப்பட்ட நிலையில் இருப்பது வழக்கம்.

59 பெட்டிகள்

இந்த நிலையில்தான், கண்டுபிடிக்கப்பட்ட 59 பெட்டிகளில், ஒரு பெட்டி, பொதுமக்கள் சிலர் கூடியிருந்தபோது அவர்கள் முன்னிலையில் திறக்கப்பட்டது.
மரத்தால் செய்யப்பட்ட சவப்பெட்டிகள் நல்ல நிலையில் அரித்துப்போகாமல் இருந்தது. எனவே கூடியிருந்த மக்களிடையே, பெரும் எதிர்பார்ப்பு நிலவியது. உடலும் இதேபோல கெட்டுப்போகாமல் இருக்கும் என்று அவர்கள் எதிர்பார்ப்புகளோடு நின்றிருந்தனர்.

திறந்து பார்த்தபோது

சவப்பெட்டியை அதிகாரிகள் திறந்தபோது, எல்லோருக்கும் ஆச்சரியம். ஏனெனில், உள்ளே ஒரு மம்மி அலங்கரிக்கப்பட்ட ஆடைகளுடன் இருந்தது. அதுமட்டுமல்ல அந்த உடல் வர்ணங்கள் தீட்டப்பட்ட அலங்காரத்தோடு காட்சியளித்தது. கண்கள் அகல விரிய அந்த உருவம் இருந்தது. இதைப் பார்த்த மக்கள் ஆச்சரியப்பட்டுபோயினர்.

மம்மிகளை திறக்க கூடாதாமே

அதேநேரம், எகிப்து நாட்டில், மம்மிகளை திறக்க கூடாது என்பது நம்பிக்கையாக உள்ளதாம். நேஷனல் ஜியோகிராஃபிக் வெளியிட்டுள்ள ஒரு தகவலில், மம்மியின் கல்லறையைத் திறப்பது மரணத்தை ஏற்படுத்தும் என்றும், அது சாபம் என்றும் அங்குள்ள நாட்டுப்புற கலாச்சாரத்தில் ஒரு நம்பிக்கை இருப்பதாக கூறப்பட்டுள்ளது.

The mummy tomb, which has been sealed for 2500 years, has been opened for the first time. pic.twitter.com/KWGT95girv

— Psychedelic Art (@VisuallySt) October 5, 2020

தேவையா இப்போ

இப்படியான ஒரு ரிஸ்க்கை வைத்துக் கொண்டு, 2020வது வருடத்தில் மம்மியை திறக்கலாமா, இன்னும் சில மாதங்கள் கழித்திருந்தால், நல்ல ஆண்டு பிறந்திருக்குமே என்றெல்லாம் நெட்டிசன்கள் கூற ஆரம்பித்துள்ளனர். மேலும், மம்மிக்குள் உள்ள உடல்களில் உள்ள கிருமிகளையும், வைரஸ்களையும் இப்போதுள்ள மனிதர்களால் தாக்குப்பிடிக்க முடிவது கஷ்டம் எனவும் பல விஞ்ஞானிகள் எச்சரித்துள்ளனர். உடலை திறந்தபோது கூட இருந்தவர்களுக்கு கிருமி தொற்று ஏற்பட்டு அது மற்றவர்களுக்கு பரவினால் என்னவாகுமோ என்ற அச்சம் சிலருக்கு இருக்கிறது.

Remember that mummy who’s tomb got opened last year and we all laughed about how we’re we’re gonna be cursed? Well pic.twitter.com/AAwnhH6VZF

— Hitch aka Mr. Anti Pipsqueaks (@yeeshmasterlil) October 5, 2020

போன வருஷம் செய்த தவறு

கடந்த ஆண்டு கல்லறையை திறந்து மம்மியை வெளியில் எடுத்தபோது, இது சாபம் என்று கூறினர். ஆனால், நாம் எப்படி சபிக்கப்படுவோம் என்று கேட்டு அனைவரும் சிரித்தோம்? ஆனால் இப்போது உலகம் எப்படி பாதிப்பில் சிக்கியது என்பதை நினைவுபடுத்த விரும்புகிறோம். இவ்வாறு இந்த நெட்டிசன் கூறுகிறார்.

Every time I see that video of them opening the mummy tomb I swipe away so fast lmfao u not finna curse me... no ma’am

— perc cobain (@goldoveries) October 6, 2020

சபித்து விடாதீர்கள்

ஒவ்வொரு முறையும், எகிப்து மம்மி கல்லறையைத் திறக்கும் வீடியோவைப் பார்க்கும்போது நான் மிக வேகமாக வேறு போஸ்டுக்கு ஓடி விடுகிறேன். என்னை சபித்து விடாதீர்கள் மேடம்.. என்று கூறிக்கொள்கிறேன். இவ்வாறு சொல்கிறார் இந்த நெட்டிசன்.

English summary

A mummy tomb, which has been sealed for 2500 years, has been opened for the first time. video goes viral.