ஆப் கி பார் டிரம்ப் சர்க்கார்.. டிரம்பிற்கு தேர்தல் வாசகத்தை பரிசளித்த மோடி.. வியந்த அமெரிக்கா!

அதிபர் டிரம்ப்பின் அதிபர் தேர்தல் பிரச்சாரத்திற்காக ஆப் கி பார் டிரம்ப் சர்க்கார் என்று வாசகத்தை என்று பிரதமர் மோடி அளித்துள்ளார்.

Updated: Monday, September 23, 2019, 8:07 [IST]

Subscribe to Oneindia Tamil

டெக்ஸாஸ்: அதிபர் டிரம்ப்பின் அதிபர் தேர்தல் பிரச்சாரத்திற்காக ஆப் கி பார் டிரம்ப் சர்க்கார் என்ற வாசகத்தை பிரதமர் மோடி அளித்துள்ளார். 2014 லோக்சபா தேர்தலில் பாஜக பயன்படுத்திய தேர்தல் வாசகம் இது என்பது குறிப்பிடத்தக்கது.

ஹவுடி மோடி விழா மிகவும் பிரம்மாண்டமாக நடந்து முடிந்துள்ளது. அனைத்து உலக நாடுகளும் அமெரிக்காவில் நடந்த மோடியின் இந்த விழாவை திரும்பி பார்த்துள்ளது.

அமெரிக்காவின் ஹவுஸ்டன் நகரத்தில் ஹவுடி மோடி விழா நடந்தது. ஹவுடி மோடி நிகழ்வில் பிரதமர் மோடி தனது வரலாற்று சிறப்பு மிக்க உரையை நிகழ்த்தினார்.

சிறப்பு

பிரதமர் மோடி தனது உரையில் இந்த விழா வரலாற்று சிறப்பு மிக விழாவாக மாறியுள்ளது. உலகின் இரண்டு மிகப்பெரிய நாடுகளின் இதய துடிப்பை நீங்கள் இங்கே கேட்க முடியும். இரண்டு நாடுகளின் வலிமையான பந்தத்தை நீங்கள் இங்கே உணர்கிறீர்கள்.

என்ன இணக்கம்

நம்மிடையே இருக்கும் இணக்கமான நட்பிற்கு இந்த விழாதான் பெரிய எடுத்துக்காட்டு. 2017ல் டிரம்ப் அமெரிக்க மக்களுக்கு என்னை அறிமுகம் செய்தார். இங்கே இருக்கும் என் குடும்பத்திற்கு அதிபர் டிரம்ப்பை நான் அறிமுகப்படுத்துகிறேன்.

உலகம் முழுக்க எப்படி

உலகம் முழுக்க இருக்கும் இந்திய மக்களின் குடும்பங்களுக்கு என் நண்பர், இந்தியாவின் நண்பர் டிரம்பை அறிமுகம் செய்கிறேன். இந்தியர்கள் டிரம்ப் உடன் நெருக்கமாக இணைந்துள்ளனர். வேட்பாளர் டிரம்பிற்கு ஒரு வாசகத்தை அளிக்கிறேன்.

ஆப் கி பார் டிரம்ப் சர்க்கார்

ஆப் கி பார் டிரம்ப் சர்க்கார் என்று எல்லோரும் கூறுங்கள் எல்லோரும் இந்த வாசகத்தை உரக்க சொல்லுங்கள். வேட்பாளர் டிரம்ப் இந்த வாசகத்தை தனது தேர்தலில் பயன்படுத்துவார், என்று பிரதமர் மோடி தனது உரையில் குறிப்பிட்டார்.