காற்றில் பறக்கிறது ட்ரம்ப்பின் மானம்.. பேபி பலூனில் அழுமூஞ்சு அதிபரின் முகம்

அதிபர் ட்ரம்ப்பின் பேபி பலூன் பறக்கவிடப்பட்டுள்ளது.

Updated: Saturday, October 20, 2018, 22:14 [IST]

Subscribe to Oneindia Tamil

லாஸ் ஏஞ்சல்ஸ்: திரும்பவும் நாட்டு மக்களிடம் சிக்கிக்கிட்டார் விமர்சன நாயகன் டொனால்ட் ட்ரம்ப்.

பொழுது விடிஞ்சு பொழுது போனா ஏதாவது ஒரு விவகாரம், அல்லது சர்ச்சை பேச்சு, அல்லது கண்டன விமர்சனம் என ஏதாவது ஒன்றில் அதிபர் ட்ரம்ப் பெயர் உலகம் முழுவதும் வறுபட்டு வருகிறது.

ஏடா கூட ட்ரம்ப்

ஏடாகூடமாக பேசுவது, யாரையாவது எதையாவது சொல்லி பின்னர் வாங்கி கட்டிக் கொள்வது, ட்விட்டரில் கன்னாபின்னாவென்று பதிவிடுவது இப்படிப்பட்ட ட்ரம்ப் செய்கையினால்தான் அவருக்கு தொடர்ந்து நாட்டு மக்கள் உள்ளிட்ட உலக மக்களிடம் இருந்து கேலி, கிண்டல்கள் எழுந்து வருகின்றன.

மெகா சைஸ் பலூன்

அப்படித்தான் லாஸ்ஏஞ்சல்ஸ் நகரில் உள்ள செயல்பாட்டாளர்கள் சிலர் ட்ரம்பை விமர்சிக்கும் பொருட்டு விளையாட்டுக்காக ஒரு காரியத்தை செய்துள்ளனர். முதலில் ட்ரம்ப்பை ஒரு அழுமூஞ்சு குழந்தைபோல வடிவமைத்தனர். பின்னர் அதை ஒரு மெகா சைஸ் பலூனாக செய்து, லாஜ் ஏஞ்சல்ஸ் நகரில் உள்ள கன்வென்சன் சென்டரில் பறக்க விட்டுள்ளனர்.

மானம் போகிறது

பலூன் பறக்கவிடும்போது, அங்கு கூடியிருந்த ஆயிரக்கணக்கானோர் கைதட்டி மகிழ்ச்சி ஆரவாரம் செய்தனர். ஏனெனில் இந்த நகரில்தான் அடுத்த அரசியல் கூட்டம் விரைவில் நடக்க போகிறதாம். அதற்காக ட்ரம்ப் மானத்தை வாங்க இந்த பலூன் பறக்கவிடப்பட்டுள்ளது.

காற்றில் பறக்கிறது

இதற்கு முன்பு டிரம்ப்பின் இங்கிலாந்து சுற்றுப்பயணத்தை எதிர்த்து லண்டனில் பேபி ட்ரம்ப் பலூன் பறக்கவிடப்பட்டது. ‘அப்போது "ட்ரம்பே திரும்பி போ' என்ற முழக்கத்துடன், அவரை கிண்டல் செய்து பலூன்களை பறக்கவிட்டும் அவர்கள் எதிர்ப்பை வெளிப்படுத்தினர்.அதேபோன்று தற்போது லாஸ்ஏஞ்சல்ஸ் நகரில் காற்றில் பறந்து கொண்டிருக்கிறது ட்ரம்ப்பின் மானம்!