எமானுவேல் மக்ரோங்: பிரான்ஸ் அதிபருக்கு கொரோனா தொற்று

By BBC News தமிழ்

Updated: Thursday, December 17, 2020, 16:42 [IST]

Subscribe to Oneindia Tamil

EPA

பிரான்ஸ் அதிபர்

பிரான்ஸ் அதிபர் எமானுவேல் மக்ரோங்குக்கு கொரோனா தொற்று உறுதிப்படுத்தப்பட்டுள்ளது. இந்த தகவலை அதிபரின் எலிஸீ மாளிகை தெரிவித்துள்ளது.

கொரோனா தொற்று கண்டறியப்பட்டபோதும், தமது பொறுப்புகளை அவர் ஆற்றுவார் என்று அதிபர் மாளிகை அதிகாரிகள் தெரிவித்தனர்.

பிரான்ஸில் அதிகரித்து வரும் கொரோனா வைரஸ் பரவலை கட்டுப்படுத்தும் விதமாக அங்கு இந்த வாரம் தொடங்கி இரவு நேர ஊரடங்குக்கு உத்தரவிடப்பட்டது.

பிரான்ஸில் இதுவரை 20 லட்சம் பேர் கொரோனா வைரஸால் பாதிக்கப்பட்டுள்ளனர். கொரோனா தொற்று தொடங்கியது முதல் அங்கு இதுவரை 59,400 பேருக்கும் அதிகமானோர் உயிரிழந்துள்ளதாக ஜான்ஸ் ஹாப்கின்ஸ் பல்கலைக்கழக ஆய்வுத்தரவுகள் கூறுகின்றன.

பிரான்ஸ் அதிபருக்கு ஏற்பட்ட கொரோனா தொற்று தொடர்பான மேலதிக தகவல்கள் வந்து கொண்டிருக்கின்றன. விரிவான தகவலுக்கு இந்த பக்கத்தில் இணைந்திருக்கவும்.