ஹர்முஸ் ஜலசந்தியை மொத்தமாக கன்ட்ரோலில் எடுத்த ஈரான்! கப்பல்கள் மீது சரமாரி தாக்குதல்! வெளியான வீடியோ

தெஹ்ரான்: ஈரான் தலைவர் காமெனி கொல்லப்பட்டிருக்கும் நிலையில், ஹர்முஸ் ஜலசந்தியை ஈரான் ஆதரவு படைகள் முழுமையாக கைப்பற்றியிருக்கின்றன. இந்த பாதை வழியாக பயணித்த எண்ணெய் கப்பல் ஒன்றையும் அந்த படைகள் தாக்கியுள்ளன. இது தொடர்பான வீடியோ வெளியாகியுள்ளது.

மத்திய கிழக்கை பொறுத்தவரை, இந்த ஹர்முஸ் ஜலசந்தி ரொம்ப முக்கியமான மேட்டர். சென்னை-பெங்களூர் பைபஸ் போல, மத்திய கிழக்கு நாடுகளிலிருந்து வரும் எண்ணெய் கப்பல்கள் இந்த வழியாகத்தான் வெளியே வர வேண்டும்.

உலக அளவில் மொத்தமாக 20-30% எண்ணெய் கப்பல்கள் இந்த வழியை நம்பித்தான் இருக்கின்றன. ஆனால், ஈரான் தலைவர் காமெனிகொல்லப்பட்ட நிலையில், இந்த பாதையை ஈரான் ஆதரவு படைகள் அடைத்திருக்கின்றன. நேற்றிரவு ஈரானுக்கும், இஸ்ரேல் மற்றும் அமெரிக்க படைகளுக்கும் இடையில் மோதல் வெடித்தது. இந்த மோதல் காரணமாக ஹர்முஸ் ஜலசந்தியை எந்த கப்பலும் பயன்படுத்தக்கூடாது என்று ஈரான் ஆதரவு படைகள் ரேடியோ மூலம் எச்சரிக்கை விடுத்திருந்தன.

ஆனால், இந்த எச்சரிக்கையை மீறி, sky light என்கிற எண்ணெய் சரக்கு கப்பல் ஒன்று இந்த பாதையை பயன்படுத்தியது. உடனே இந்த கப்பல் மீது தாக்குதல் நடத்தப்பட்டது. தற்போது இந்த கப்பல் மூழ்கும் அபாயத்தில் இருக்கிறது. எனவே மற்ற கப்பல்கள் இந்த பாதையை பயன்படுத்த தயங்கி வருகின்றன. இதனால் சர்வதேச அளவில் கச்சா எண்ணெய் விலை அதிகரிக்கும் அபாயம் எழுந்திருக்கிறது. கப்பல் மீது தாக்குதல் நடத்தியதையும், அது பற்றி எரியும் வீடியோவையும் ஈரான் ஆதரவு படைகள் சோஷியல் மீடியாக்களில் ஷேர் செய்திருக்கின்றன.

🚨فيديو أولي للناقلة Sky Light التي تم استهدافها قرب مضيق هرمز شمال ميناء خصب في سلطنة عمان#theseainarabic #ship #sea #port #Hormuz #strait #tanker #shipping #iran #gulf #oman pic.twitter.com/prWRNahvdf

— The Sea In Arabic البحر بالعربي (@Theseainarabic) March 1, 2026

ஏன் ஹர்முஸ் ஜலசந்தியில் இவ்வளவு பிரச்சனை இருக்கிறது?

குவைத், பஹ்ரைன், கத்தார், ஐக்கிய அரபு எமிரேட்ஸ், சவுதி, ஈராக் உள்ளிட்ட நாடுகளிலிருந்து கச்சா எண்ணெய்யை ஏற்றி வரும் கப்பல்கள், பெர்ஷியன் கடலில் பயணித்து ஓமன் வளைகுடாவுக்கு வர வேண்டும். இந்த பாதையில் உள்ள முகக்கியமான பகுதிதான் ஹர்முஸ் ஜலசந்தி. இந்த பகுதி, மிகவும் குறுகிறது. வெறும் 33 கி.மீ அகலம் மட்டுமே கொண்டது. இந்த பாதையை முடக்கும்போது இந்தியா கடுமையான சேதத்தை எதிர்கொள்ளும். அதை விட முக்கியம் சீனாவும் பாதிப்பை எதிர்கொள்ளும் என்பதுதான்.

சீனா பாதிக்கப்பட்டால், உலகம் முழுவதும் அதன் தாக்கம் இருக்கும். இந்தியா மிக மோசமான நிலைக்கு போதும். அதேபோல, சவுதி அரேபியாவின் வருவாய் கடுமையாக சரியும். இதெல்லாம் தற்போது டிரம்ப் செய்து வைத்திருக்கும் வரி சேட்டையை விட மிக மோசமான பாதிப்புகளை ஏற்படுத்தும் என்பது குறிப்பிடத்தக்கது.

English summary

Iran Seizes Control of Strait of Hormuz: With the assassination of Iranian leader Khamenei, pro-Iranian forces have taken full control of the Strait of Hormuz. They have also attacked an oil tanker traveling through the route. A video has been released.