நோபல் பரிசுத் தொகையை ஒபாமா எப்படி செலவு செய்தார்?
ஸ்டாக்ஹோம்: நோபல் பரிசு பெற்றவர்கள் அந்த பரிசுத் தொகையை எப்படி செலவு செய்கிறார்கள் என்று பார்ப்போம்.
நோபல் பரிசு பெறுபவர்கள் அந்த பரிசுத் தொகையை எப்படி செலவு செய்கிறார்கள் என்பது பலருக்கும் தெரியாது. இந்த ஆண்டுக்கான நோபல் பரிசுகள் நாளை முதல் அறிவிக்கப்படும். நாளை மருத்துவத்திற்கான நோபல் பரிசு அறிவிக்கப்பட உள்ளது. இறுதியாக பொருளாதாரத்திற்கான பரிசு அறிவிக்கப்படும்.
பரிசுகள் அறிவிக்கப்பட்ட பிறகு தான் வெற்றி பெற்றவர்கள் பரிசுத் தொகையான ரூ. 7.69 கோடியை (ரூ. 7,69,84,275.45) எப்படி செலவு செய்வார்கள் என்பது தெரிய வரும். ஏற்கனவே நோபல் பரிசு வாங்கியவர்களில் சிலர் தங்கள் பரிசுத் தொகையை வைத்து என்ன செய்தார்கள் என்று பார்ப்போம்.
பைக்
2001ம் ஆண்டில் மருத்துவத்துக்கான நோபல் பரிசு பெற்ற சர் பால் நர்ஸ் தனது பரிசுத் தொகையை வைத்து மோட்டார்பைக்கை அப்கிரேட் செய்யத் திட்டமிட்டார்.
வீடு
2001ம் ஆண்டுக்கான இயற்பியலுக்கான நோபல் பரிசை தனது சக ஊழியர்கள் இருவருடன் பகிர்ந்து கொண்ட மசாசுசெட்ஸ் இன்ஸ்டிடியூட் ஆப் டெக்னாலஜியைச் சேர்ந்த உல்ப்காங் கெட்டர்ல் தனது பரிசுத் தொகையை வைத்து வீடு வாங்கினார், குழந்தைகளின் கல்விக்கு செலவு செய்தார்.
பெரிய வீடு
1993ம் ஆண்டில் மருத்துவத்துக்கான நோபல் பரிசை பெற்ற பிலிப் ஷார்ப் தனது பரிசுத் தொகையை வைத்து பெரிய வீடு ஒன்றை வாங்கினார்.
ஒபாமா
2009ம் ஆண்டில் அமைதிக்கான நோபல் பரிசு பெற்ற அமெரிக்க அதிபர் ஒபாமா தனது பரிசுத் தொகையை அப்படியே நன்கொடையாக அளித்தார். இதே போன்று 2012ல் அமைதிக்கான நோபல் பரிசு பெற்ற ஐரோப்பிய யூனியன் பரிசுத் தொகை முழுவதையும் தானம் செய்தது என்பது குறிப்பிடத்தக்கது.
உட்ரோ வில்சன்
1919ம் ஆண்டில் அமைதிக்கான நோபல் பரிசு பெற்ற அமெரிக்க அதிபர் உட்ரோ வில்சன் ஓய்வுக்கு பிறகு தனது வாழ்க்கை என்னவாகுமோ என்று நினைத்து பரிசுத் தொகையை அப்படியே ஸ்விஸ் வங்கியில் போட்டுவிட்டார்.
கிராமீன் வங்கி
கிராமீன் வங்கி நிறுவனர் வங்க தேசத்தை சேர்ந்த பொருளாதார நிபுணர் முகமது யூனுஸுக்கு கடந்த 2006ம் ஆண்டு நோபல் பரிசு கிடைத்தது. அவர் தனது பரிசுத் தொகையை வைத்து கண் மருத்துவமனை மற்றும் ஏழைகளுக்கு குறைந்த விலையில் உணவு வழங்கும் வியாபாரத்தை துவங்கப் போவதாக அறிவித்தார்.
Click it and Unblock the Notifications
Sign in with Google