7.20 நிமிட ஷார்ட் பிலிம்.. இஸ்ரேலை திணறடித்த 17 வயது சிறுவன்.. சுட்டுக்கொன்ற ராணுவம்.. பரிதாபம்!

ஜெருசலேம்: பாலஸ்தீனத்தை சேர்ந்த 17 வயது ஒபைடா அக்ரம் என்ற சிறுவன் இஸ்ரேல் ராணுவத்தால் சுட்டுக்கொல்லப்பட்ட சம்பவம் உலக நாடுகள் இடையே அதிர்ச்சியை ஏற்படுத்தி உள்ளது.

7.20 நிமிடம் ஓட கூடிய குறும்படம் அது... பாலஸ்தீனத்தை சேர்ந்த ஒபைடா அக்ரம் என்ற சிறுவன் இந்த படத்தில் நடித்து இருந்தார். இஸ்ரேல் ராணுவம் மூலம் சில மாதங்களுக்கு முன் கைது செய்யப்பட்டு, சிறையில் கொடுமைகளை அனுபவித்துவிட்டு ஒபைடா அக்ரம் விடுவிக்கப்பட்டார்.

தான் சிறையில் அனுபவித்த கொடுமைகளை, தன்னுடைய மற்ற சிறுவர்கள் பட்ட கஷ்டங்களை ஒபைடா அக்ரம் அந்த குறும்படத்தில் குறிப்பிட்டு இருந்தார். ஒபைடா என்ற பெயரில் இந்த படம் யூ டியூபில் வெளியாகி சர்வதேச அளவில் பேசப்பட்டது.

இஸ்ரேல்

இந்த படம் குறித்து பார்க்கும் முன் சிறிய பின்னணி.. பாலஸ்தீனத்தில் கொஞ்சம் கொஞ்சமாக இஸ்ரேல் ஆக்கிரமிக்க தொடங்கியதில் இருந்தே அங்கு இஸ்ரேல் ராணுவம் மூலம் பல பாலஸ்தீன சிறுவர்கள் கைது செய்யப்படுகிறார்கள். வெளியே கடைக்கு செல்லும் இளைஞர்கள், பள்ளிக்கு செல்லும் சிறுவர்கள், சிறுமிகள் என்று யாரை பார்த்தாலும் இஸ்ரேல் ராணுவம் கைது செய்வது வழக்கம்.

ஏன் கைது

இவர்கள் காஸாவின் ஹமாஸில் சேர கூடாது, இஸ்ரேல் அரசுக்கு எதிராக புரட்சி செய்ய கூடாது என்று பல்வேறு காரணங்களுக்காக இப்படி இஸ்ரேல் ராணுவம் கைது செய்கிறது. பாலஸ்தீன சிறுவர்களை கைது செய்வதோடு, சிறிய சிறிய முகாம்களில் அடைத்து, மோசமாக இவர்களை தாக்கி கொடுமை படுத்துவதும் கூட நடக்கிறது. உலக நாடுகள் இந்த குழந்தைகளுக்கு எதிரான கொடுமைகளை தட்டிக்கேட்காத நிலையில்தான் ஒபைடா அக்ரம் நடித்த அந்த ஒபைடா குறும்படம் 2019ல் வெளியானது.

அதிர்வு

சர்வதேச அளவில் இந்த குறும்படம் பெரிதாக எல்லா மக்களுக்கும் சென்று சேரவில்லை என்றாலும், மனித உரிமை ஆர்வலர்கள், ஐநா அமைப்பினர் இடையே ஒபைடா குறும்படம் அதிர்வலைகளை ஏற்படுத்தியது. மளிகை கடைக்கு செல்லும் போதும் தான் செய்து செய்யப்பட்டதையும், அதன்பின் சிறையில் கொடுமைப்படுத்தப்பட்டதையும் ஒபைடா அக்ரம் இந்த வீடியோவில் குறிப்பிட்டு இருந்தார்.

Obaida Akram Abdurrahman Jawabra, 17, was killed by Israeli forces with live ammunition today around 8 p.m. in Al-Arroub refugee camp near the occupied West Bank city of Hebron. Obaida sustained a gunshot wound to his chest. https://t.co/7Gv0kNE2RU

— Defense for Children (@DCIPalestine) May 17, 2021

பாலஸ்தீனம்

பாலஸ்தீனத்தில் வசிப்பது எவ்வளவு கொடுமையானது என்று இந்த உருக்கமான வீடியோவில் ஒபைடா அக்ரம் குறிப்பிட்டு இருந்தார். இஸ்ரேலை இந்த வீடியோ கோபப்படுத்திய நிலையில் மீண்டும் ஒபைடா அக்ரம் 2020ல் கைது செய்யப்பட்டார். 4-5 மாதங்கள் சிறையிலும் கஷ்டப்பட்டு வெளியே வந்தவர், கல்லூரிக்கு சென்று சமையல்கலை தொடர்பாக கடந்த 2 வருடமாக படித்து வந்தார்.

கொலை

அதன்பின் மீண்டும் கைது செய்யப்பட்ட ஒபைடா அக்ரம் சில மாதங்களுக்கு முன் ரிலீஸ் செய்யப்பட்டார். சிறையில் இருந்து வெளியே வந்த ஒபைடா அக்ரம், தனது கல்லூரி படிப்பில் கவனம் செலுத்தி, பட்டத்திற்காக காத்திருந்த நிலையில்தான் நேற்று காலை இஸ்ரேல் ராணுவத்தினர் இவரின் இருப்பிடத்திற்கே சென்று மோசமாக தாக்கி உள்ளனர்.

Rest in Power Obaida. 💔 https://t.co/GexNCmNGJa pic.twitter.com/bHxgYKXMMm

— Khadija 🇩🇿🇵🇸 (@basickhadija) May 17, 2021

கேம்ப்

ஜெருசலேமில் வெஸ்ட் பேங்கில் உள்ள அல் அர்ருப் என்ற அகதிகள் முகாமில் தங்கி இருந்த ஒபைடா அக்ரமை, கைது செய்து, இதயத்தில் துப்பாக்கியால் சுட்டு கொன்றனர். அதோடு இந்த கேம்பிற்கு ஆம்புலன்ஸ் வராத வகையில் பாதைகளை தற்காலிகமாக அடைத்து உள்ளனர். நெஞ்சில் சுடப்பட்ட ஒபைடா அக்ரம் ஒரு மணி நேரம் உயிருக்கு போராடி உள்ளார்.

போராட்டம்

நீண்ட நேரம் உயிருக்கு போராடிய பின் இவர் பலியானதாக டிபன்ஸ் பார் சில்ட்ரன் என்ற சர்வதேச பாலஸ்தீன அமைப்பு கூறியுள்ளது. இவரின் மரணம் பாலஸ்தீன மக்கள் இடையே கொதிப்பை ஏற்படுத்தி உள்ளது. முக்கியமாக பாலஸ்தீன இளைஞர்கள் ஒபைடா அக்ரம் கொலையால் கொதித்து போய் உள்ளனர்.

ஷார்ட் பிலிம்

இவரின் குறும்படம் மீது இஸ்ரேல் கோபமாக இருந்தது. இதனால்தான் மூன்று முறை ஒபைடா அக்ரமை கைது செய்தது. தற்போது ஹமாஸ் மோதலை பயன்படுத்திக்கொண்டு நேரம் பார்த்து இவரை கொன்றுள்ளது என்று அந்த அமைப்பு கூறியுள்ளது. இவரோடு இதே கேம்பில் தங்கி இருந்த வேறு 3 சிறுவர்களும் கடந்த சில தினங்களாக இஸ்ரேல் ராணுவம் மூலம் கொல்லப்பட்டது குறிப்பிடத்தக்கது.

English summary

Israel - Gaza conflict: Israeli forces killed 17-year-old Obaida Jawabreh yesterday in a refugee camp after his short film goes viral.