58 கோடி வருடம் முன் வாழ்ந்த விசித்திர உயிரினம்.. டிக்கின்சோனியாவின் கால்தடம் கண்டுபிடிப்பு!
58 கோடி வருடங்களுக்கு முன் வாழ்ந்த விசித்திரமான உயிரினம் ஒன்றின் கால் தடம் ரஷ்யாவில் கண்டுபிடிக்கப்பட்டுள்ளது.
மாஸ்கோ: 58 கோடி வருடங்களுக்கு முன் வாழ்ந்த விசித்திரமான உயிரினம் ஒன்றின் கால் தடம் கண்டுபிடிக்கப்பட்டுள்ளது.
ரஷ்யாவில் இந்த கண்டுபிடிப்பு நிகழ்த்தப்பட்டு இருக்கிறது. உலகம் தொடங்கியதில் இருந்து பல விதமான உயிர்கள் தோன்றி மறைத்து இருக்கிறது. ஒவ்வொரு முறையும் ஒவ்வொரு விதமான உயிரினம் உலகை ஆண்டு இருக்கிறது.
தற்போது மனித இனம் இந்த உலகில் ஆதிக்கம் செலுத்தி வருகிறது. இந்த நிலையில் 58 கோடி வருடங்களுக்கு முன் வாழ்ந்த உயிரினம் ஒன்றின் கால்தடம் கண்டுபிடிக்கப்பட்டு உள்ளது. இதன் பெயர் டிக்கின்சோனியா ஆகும்.
எங்கு கண்டுபுடித்தனர்
ரஷ்யாவில் இந்த கண்டுபிடிப்பு நிகழ்த்தப்பட்டு இருக்கிறது. ரஷ்யாவின் வடகிழக்கு பகுதியில் உள்ள வெள்ளை கடல் பகுதியில் இந்த டிக்கின்சோனியா கண்டுபிடிப்பு நிகழ்த்தப்பட்டுள்ளது. ஆஸ்திரேலியா, சீனா போன்ற நாடுகளில் இந்த டிக்கின்சோனியா உயிரினத்தின் தடங்கள் ஏற்கனவே இருந்தாலும், ரஷ்யாவில் இருக்கும் இதுதான் மிகவும் பழமையானது.
எப்படி இருக்கிறது
இது பெரிய கால் தடம் போல இருக்கும். ஆனால் சரியாக சொல்ல வேண்டும் என்றால் இது அந்த டிக்கின்சோனியா உயிரினத்தின் மொத்த உடல்தடம். ஆம், யானையின் காலை போலத்தான் இதன் உடல் தடம் இருக்கும். இது தரையில் இருக்கும் போது ஏற்பட்ட அழுத்தம் காரணமாக இந்த தடம் ஏற்பட்டு இருக்கிறது. இது சுமார் 1.4 மீட்டர் நீளம் உள்ளது. இதன் உடல் முழுக்க கோடு கோடுகளாக இருக்கிறது.
என்ன வருஷம்
இது வாழ்ந்த காலம் 58 கோடி வருடங்களுக்கு முன்பு என்று கூறப்படுகிறது. முதலில் இது 30 கோடி வருடம் முன் வாழ்ந்து இருக்கலாம் என்று கூறப்பட்டது. ஆனால் தற்போது கண்டுபிடிக்கப்பட்டு இருக்கும் தடயங்கள் அதைவிட பழமையானதாக உள்ளது. இது பெரிய ஆச்சர்யத்தை ஆராய்ச்சியாளர்களுக்கு ஏற்படுத்தி உள்ளது.
ஆராய்ச்சி செய்ய வேண்டும்
இந்த டிக்கின்சோனியாவை ஆராய்ச்சி செய்ய இருக்கிறார்கள். இதில் சிறிய சிறிய திசுக்கள் இப்போதும் இருப்பதாக கூறியுள்ளனர். ஆம் அந்த தடத்தில் இறந்த அந்த டிக்கின்சோனியா உயிரினத்தின் திசுக்கள் சில இருக்கிறதாம். இதை வைத்து பல புதிய ஆராய்ச்சிகளை செய்ய இருக்கிறார்கள்.
Click it and Unblock the Notifications
Sign in with Google