அமெரிக்காவுக்கு அடிமேல் அடி! சக்தி வாய்ந்த போர் விமானத்திற்கு நேர்ந்த கதி.. கெத்து காட்டும் ஈரான்!
தெஹ்ரான்: உலகின் மிகவும் சக்தி வாய்ந்த போர் விமானம் என்று சொல்லப்படும், அமெரிக்காவின் F-35 ஐந்தாம் தலைமுறை விமானத்தை, ஈரான் அசால்ட்டாக வீழ்த்தியுள்ளது.
இதுவரை யாராலும் வீழ்த்தப்படாத விமானம் என்கிற பெருமையை பெற்றிருந்த இந்த விமானத்தை, ஈரான் இரண்டாவது முறையாக வீழ்த்தியிருப்பது அமெரிக்காவின் விமானப்படை பலத்தை கேள்விக்கு உள்ளாக்கியிருக்கிறது.

ஈரானின் பலம்
கடந்த மாதம் 19ம் தேதி, F-35 ஐந்தாம் தலைமுறை விமானம் வீழ்த்தப்பட்டிருந்தது. அதேபோல, ஈரான் உள்ளூர் நேரப்படி, இன்று அதிகாலை 2.30 மணியளவில் மற்றொரு F-35 ஐந்தாம் தலைமுறை விமானத்தை ஈரானின் இஸ்லாமிய புரட்சிகரப் பாதுகாப்புப் படை வீழ்த்தியிருப்பதாக தெரிவித்திருக்கிறது. இது அமெரிக்காவுக்கு மான பிரச்சனையாக மாறியிருக்கிறது. உலகின் தலைசிறந்த ராணுவ படையை வைத்திருக்கிறோம் என்று சொல்லி வந்த டிரம்ப், இப்போது மொக்கை வாங்கியிருக்கிறார்.
என்ன நடந்தது ஈரானில்?
ஈரானின் முக்கிய பகுதிகள் மீது தாக்குதல் நடத்த அதிகாலையில், அமெரிக்காவின் விமானம் தாங்கி கப்பலிலிருந்து F-35 விமானம் புறப்பட்டிருக்கிறது. இந்த விமானத்தை எளிதில் கண்டுபிடிக்க முடியாது. ரேடாரில் சிக்காத வகையில் நவீனமாக இந்த விமானம் வடிவமைக்கப்பட்டிருந்தது. இருப்பினும் விமானத்தை டிடெக்ட் செய்த ஈரான், ஏவுகணையை வீசி அந்த விமானத்தை வீழ்த்தியிருக்கிறது. இதனை அமெரிக்க அதிகாரிகள் உறுதி செய்திருக்கின்றனர்.
உறுதி செய்த அமெரிக்கா
ராய்டரஸ் செய்தி ஊடகம் இது குறித்து வெளியிட்டிருக்கும் செய்தி குறிப்பில், "ஒரு அமெரிக்க அதிகாரி அமெரிக்கப் போர் விமானம் ஒன்று ஈரான் மீது சுட்டு வீழ்த்தப்பட்டதை உறுதிப்படுத்தினார். உயிர் பிழைத்தவர்களைத் தேடும் நடவடிக்கை நடைபெற்று வருவதாகவும் அவர் கூறினார். பெயர் வெளியிட விரும்பாத அந்த அதிகாரி, வேறு விவரங்களை வழங்கவில்லை. பென்டகனும், அமெரிக்க மத்திய கட்டளைப்பிரிவும் கருத்து தெரிவிக்கவில்லை" என தெரிவிக்கப்பட்டிருக்கிறது.
விமானிகள் தப்பித்தார்களா?
வீழ்த்தப்பட்ட எஃப்-35 விமானத்தின் விமானி உயிர் பிழைத்திருக்க வாய்ப்பில்லை என்று ஈரானின் அரசு செய்தி நிறுவனங்கள் தெரிவித்தன. இஸ்லாமிய புரட்சிகரப் பாதுகாப்புப் படையின் மத்திய இராணுவத் தலைமையகம், மோதலின் போதும், விபத்தின் போதும் ஏற்பட்ட பெரும் வெடிப்பைக் கருதி, விமானி வெளியேறியிருக்க வாய்ப்பில்லை என்று பிரஸ் டி.வி.யிடம் கூறியது. விமானி பிடிபட்டிருக்கலாம் என்றும் சில தகவல்கள் வெளியாகியுள்ளன.
சுட்டு தள்ள உத்தரவு
அதேபோல, F-15 ரக போர் விமானம் ஒன்றும் வீழ்த்தப்பட்டிருப்பதாகவும், இதிலிருந்து விமானிகள் தப்பித்திருக்கலாம் எனவும் ஈரான் கூறியிருக்கிறது. பாராசூட் மூலம் தரையிறங்கிய விமானிகளை பிடித்த தருபவர்களுக்கு தக்க சன்மானம் வழங்கப்படும் என்றும் ஈரான் தெரிவித்திருக்கிறது. அதேநேரம், அவர்களை கண்டால் சுட்டுதள்ளுமாறு, உள்ளூர் மக்களுக்கு ரகசிய அறிக்கையும் கொடுக்கப்பட்டிருக்கிறது.
தேடுதல் வேட்டை
விமானிகள் உயிருடன் இருக்க வாய்ப்பு இருப்பதாக சொல்லப்பட்ட நிலையில், அவர்களை தேடும் பணியில் US C-130 ரக விமானம் மற்றும் இரண்டு UH-60 Black Hawk ரக ஹெலிகாப்டர்களை அமெரிக்கா அனுப்பியிருக்கிறது. இரண்டும் விபத்து நடந்த பகுதியில் குறைவான உயரத்தில் பறந்து தேடுதல் வேட்டையை நடத்தியுள்ளன. இது தொடர்பான வீடியோக்கள் சோஷியல் மீடியாக்களில் பரவலாக ஷேராகி வருகிறது.
-
ஹார்முஸ் ஜலசந்தியில் இருந்து எங்களுக்கு எண்ணெய் தேவையில்லை.. கை கழுவிய டிரம்ப் -
ஈரானின் பலத்தை அழிச்சிட்டோம்.. ஒப்பந்தத்திற்கு வராவிட்டால் கற்காலத்திற்கு.. டிரம்ப் பகிரங்க வார்னிங் -
அயதுல்லா அலி கமேனியின் மகனையும் முடித்த இஸ்ரேல்? உண்மையில் அதிகாரம் யாரிடம்? ஓங்கும் ஐஆர்ஜிசி கை! -
அமெரிக்காவால் ஏன் ஈரான் போரில் ஜெயிக்க முடியவில்லை.. உலகத்தையே முடக்கிய இஸ்ரேலின் தவறு -
நிலவில் மீண்டும் கால் வைக்கும் மனிதர்கள்.. 53 ஆண்டுக்கு பிறகு மற்றொரு சரித்திரம் படைக்கும் அமெரிக்கா -
வந்த வேலை முடிந்தது.. 2-3 வாரத்தில் குட் நியூஸ்! ஈரான் குறித்து பேசிய டிரம்ப்! இந்தியா தப்பிக்குமா? -
நடுக்கடலில் கச்சா எண்ணெய் உடன் யூடர்ன் போட்ட ஈரான் கப்பல்.. இந்தியாவுக்கு வராமல் சீனா நோக்கி பயணம்! -
மீண்டும் பிரம்மாஸ்திரத்தை கையில் எடுக்கும் மத்திய அரசு.. ரூ.2.5 லட்சம் கோடி மெகா திட்டம்! -
முடங்கும் அமேசான் சேவைகள்? ஈரான் சரமாரி ‘அட்டாக்’.. பற்றி எரியும் பஹ்ரைனால் டிரம்புக்கு பிரஷர் -
இதுக்கு ஒரு எண்டே கிடையாதா.. கதறும் பங்குச்சந்தை முதலீட்டாளர்கள்.. ஈரான் போர் இந்திய இழந்தது என்ன..? -
ஈரான் போரால்.. புதிய சிக்கல்கள்! நிலைமையை சமாளிக்க.. பிரதமர் நரேந்திர மோடி போட்ட முக்கிய உத்தரவு! -
ரூபாய் மதிப்பு 100-ஐ தாண்டுமா? ஆர்பிஐ களத்தில் இறங்கியும் பலன் கிடைக்காத நிலை!












Click it and Unblock the Notifications