டிரம்ப்-ன் சீக்ரெட் திட்டம்.. ஈரானுக்கு எதிராக கிளம்பும் உலக நாடுகள்.. Hormuz-க்கு விடிவுகாலம் பிறக்குது?!

ஹார்முஸ் நீரிணையில் அமெரிக்கா - ஈரான் கட்டுப்பாடுகளால் கப்பல் போக்குவரத்து மொத்தமாக முடங்கியிருக்கும் வேளையில் பாதுகாப்பான கடல் போக்குவரத்தை உறுதி செய்ய அமெரிக்கா தனது நட்பு நாடுகளை ஒரு புதிய சர்வதேச கூட்டணியில் இணையுமாறு வலியுறுத்தி வருகிறது.

வால் ஸ்ட்ரீட் ஜர்னல் வெளியிட்ட தகவல்படி உலகின் முக்கிய எண்ணெய் போக்குவரத்து பாதையான ஹார்முஸ் நீரிணையில் ஏற்பட்டுள்ள சிக்கல் உலகப் பொருளாதாரத்தை பாதிக்கும் அபாயத்தை ஏற்படுத்தியுள்ளது. இதனால் இப்பாதையில் மீண்டும் பாதுகாப்பான எரிபொருள் போக்குவரத்தை உறுதி செய்ய அமெரிக்க தனது நட்பு நாடுகளின் படையை ஒன்று திரட்டுகிறது.

சில வாரங்களுக்கு முன்பு அமெரிக்க அதிபர் டொனால்ட் டிரம்ப், ஹார்முஸ் நீரிணை முழுமையாகத் திறந்து வணிகத்துக்கு தயாராக உள்ளது என்று அறிவித்திருந்தார். ஆனால், அதற்குப் பிறகும் இப்பகுதியில் கப்பல் போக்குவரத்து மிகவும் குறைவாகவே உள்ளது. இதனால், உலக நாடுகளுடன் இணைந்து ஒருங்கிணைந்த நடவடிக்கை எடுக்க வேண்டிய அவசியம் ஏற்பட்டுள்ளதாக அமெரிக்க அதிகாரிகள் தெரிவித்துள்ளனர்.

ஹார்முஸ் பிரச்சினைக்கு தீர்வு காணும் வகையில் அமெரிக்க வெளியுறவுத் துறை ஒரு முக்கிய திட்டத்தை தயாரித்துள்ளது. "மேரிடைம் ஃப்ரீடம் கன்ஸ்ட்ரக்ட்" (Maritime Freedom Construct) என்று அழைக்கப்படும் இந்தத் திட்டம் செவ்வாய்க்கிழமை அமெரிக்க தூதரகங்களுக்கு டிரம்ப் நிர்வாகம் அனுப்பப்பட்டு உள்ளது.

இந்த திட்டத்தின் அடிப்படை என்வென்றால் அமெரிக்க தூதரக அதிகாரிகள் வெளிநாட்டு அரசுகளுடன் தொடர்பு கொண்டு ஹார்முஸ் வழித்தடத்தில் எரிபொருள் போக்குவரத்தை சீராக்க உலக நாடகள் தங்களுடைய கடற்படை பலத்துடன் இந்தக் கூட்டணியில் பங்கேற்குமாறு வலியுறுத்த வேண்டும் என்று அறிவுறுத்தப்பட்டுள்ளது.

அமெரிக்கா தலைமையிலான இந்தப் புதிய கூட்டணி, உளவுத்துறை தகவல் பகிர்வு, பாதுக்காப்பு பணிகளை ஒருங்கிணைப்பது மற்றும் தடைகளை அமல்படுத்துவதில் ஆதரவு அளிப்பதில் கவனம் செலுத்தும் என எதிர்பார்க்கப்படுகிறது. இந்த நடவடிக்கைகள் மூலம் ஹார்முஸ் நீரிணையில் நிலையான பாதுகாப்பையும் உறுதி செய்ய முடியும் என்று அமெரிக்கா நம்புகிறது.

மேலும் அமெரிக்காவின் இந்த மேரிடைம் ஃப்ரீடம் கன்ஸ்ட்ரக்ட் திட்டத்தின் வாயிலாக அமெரிக்கா - ஈரான் மத்தியிலான பிரச்சனையை உலக நாடுகள் - ஈரான் மத்தியிலான பிரச்சனையாக மாற்றும் முயற்சியாகவும் பார்க்கப்படுகிறது.

உலகின் பெரும்பாலான எண்ணெய் ஏற்றுமதி இந்தப் பாதையின் வழியாகவே நடைபெறுவதால், இந்தக் கூட்டணி வெற்றி பெற்றால் உலகப் பொருளாதாரத்துக்கு பெரும் நன்மை ஏற்படும் என்பது அமெரிக்காவின் திட்டமாக இருந்தாலும், இது அமெரிக்க கூட்டணியின் வலுவை காட்டும் முயற்சியாக பார்க்கப்படுகிறது. இதேபோல் ஈரானும் தனது நட்பு நாடுகளை சேர்த்தால் பிரச்சனை பெரிதாகும்.

English summary

Hormuz: The United States is actively urging its allies to join a new global coalition called the “Maritime Freedom Construct” to ensure safe shipping in the Strait of Hormuz, where vessel traffic has sharply declined despite President Trump’s recent declaration that the waterway is fully open.