பிரிட்டன் முடிவால் இந்திய நிறுவனங்கள் மீதான தாக்கம் எப்படி இருக்கும்?

By Mathi

Published: Friday, June 24, 2016, 16:18 [IST]

Subscribe to Oneindia Tamil

லண்டன்: ஐரோப்பிய ஒன்றியத்தில் இருந்து பிரிட்டன் வெளியேறும் முடிவானது சர்வதேச பொருளாதாரத்துக்கு கடுமையான சவாலாக இருக்கும். ஐரோப்பிய உள்நாட்டு உற்பத்தியான ஜி.டி.பிஇல் பிரிட்டனின் பங்கு 18%. பிரிட்டன் முடிவால் தம்முடைய பொருளாதாரத்தில் ஆறில் ஒரு பங்கை இழக்கிறது ஐரோப்பிய ஒன்றியம்.

இந்திய பொருளாதார வளர்ச்சியில், இந்தியாவின் அன்னிய செலாவணி கையிருப்பில் ஐரோப்பிய ஒன்றியமும் இங்கிலாந்தும் முக்கிய பங்கு வகிக்கின்றன. தற்போதைய பிரிட்டன்

இங்கிலாந்தில் அமெரிக்கா, பிரான்ஸைத் தொடர்ந்து 3-வது பெரிய முதலீடு செய்துள்ள நாடு இந்தியா.
இங்கிலாந்தில் மட்டும் 800 இந்திய நிறுவனங்கள் வர்த்தகங்களில் ஈடுபட்டு வருகின்றன.
ஐரோப்பிய சந்தையை இலக்காக கொண்டு செயல்படும் இந்திய நிறுவனங்கள், இங்கிலாந்தை மையமாக கொண்டுதான் செயல்படுகின்றன.
பிரிட்டனில் மட்டும் சுமார் 1 லட்சம் பேருக்கான வேலைவாய்ப்பை இந்திய நிறுவனங்கள் உருவாக்கி தந்துள்ளன.
ஐரோப்பிய ஒன்றியத்தில் இருந்து பிரிட்டன் வெளியேறுவதால் இந்திய நிறுவனங்கள் தங்களது வர்த்தக வியூகங்களை மாற்றி அமைக்க வேண்டிய தருணம்.
பிரிட்டனில் இருந்து ஐரோப்பிய ஒன்றியம் உள்ளிட்ட பிற நாடுகளுக்கான ஏற்றுமதிக்கான கட்டணங்களை மாற்றி அமைக்க வேண்டிய கட்டயாம் ஏற்பட்டுள்ளது.
பிரிட்டனில் இருந்து இந்திய நிறுவனங்கள் ஐரோப்பிய ஒன்றிய நாடுகளுக்குள் இடம்பெயரலாம்.
பிரிட்டனின் மிகப் பெரிய கார் தயாரிப்பு நிறுவனமான ஜாகுவார் லேண்ட் ரோவர், டாடா மோட்டார்ஸுக்கு சொந்தமானது. அண்மையில் வெளியான ஒரு ஆய்வறிக்கையில், ஐரோப்பிய ஒன்றியத்தில் இருந்து பிரிட்டன் வெளியேறினால் 10 ஆண்டுகள் முடிவில் இந்நிறுவனத்தின் ஆண்டு லாபத்தில் 1 பில்லியன் பவுண்டுகள் இழப்பு ஏற்படுமாம்.
2016-வது நிதி ஆண்டில் இந்தியா- பிரிட்டன் இடையே 14.02 பில்லியன் மதிப்பிலான வர்த்தகம் நடைபெற்றுள்ளது. ஐரோப்பிய ஒன்றியத்தில் இருந்து பிரிட்டன் விலகுவதால் இந்த வர்த்தகத்தில் பாதிப்பு ஏதும் ஏற்படாது என்கிறார் டெல்லி ஜே.என்.யூ. பொருளாதார பேராசிரியர் பிஸ்வஜித் தார்.
2007-ம் ஆண்டு முதல் ஐரோப்பிய ஒன்றியத்துடன் தடையில்லா வர்த்தக ஒப்பந்தம் தொடர்பான பேச்சுவார்த்தைகள் நடத்தப்பட்டு வருகிறது. தற்போது பிரிட்டன் வெளியேறுவதால் பிரிட்டனுடன் தனியாக, ஐரோப்பிய ஒன்றியத்துடன் தனியாக ஒப்பந்தங்கள் செய்ய வேண்டிய நிலை ஏற்பட்டுள்ளது.
பிரிட்டனில் உள்ள தகவல் தொழில்நுட்ப நிறுவனங்களுக்கான செலவினங்கள் அதிகரிக்கும். ஐரோப்பிய ஒன்றியத்திலும் பிரிட்டனிலும் தனித்தனியே தலைமை அலுவலகங்கள் அமைக்க வேண்டியதிருக்கும்.