10-க்கும் மேற்பட்ட தொழிலாளர்களுடன் இயங்கும் புதிய கடைகளுக்கு தமிழக அரசு முக்கிய அறிவிப்பு

Published: Friday, September 27, 2024, 16:15 [IST]

Subscribe to Oneindia Tamil

கன்னியாகுமரி: தமிழ்நாடு கடைகள் மற்றும் நிறுவனங்கள் சட்டத்தில் கடைகள் மற்றும் நிறுவனங்களில், 10 அல்லது அதற்கு மேற்பட்ட பணியாளர்களை பணியமர்த்தியுள்ள, புதிதாக துவங்கப்பட்ட கடைகள் மற்றும் நிறுவனங்களின் உரிமையாளர்கள் பதிவிற்கான விண்ணப்பத்தை https://labour.tn.gov.in என்ற இணையவழி முகவரியில் ஆன்லைனில் விண்ணப்பிக்கலாம். இதற்கு பதிவு கட்டணமின்றி இணையவழி முகவரியில் விண்ணப்பிக்கலாம் என்று அறிவிக்கப்பட்டுள்ளது.

தமிழ்நாடு கடைகள் மற்றும் நிறுவனங்கள் சட்டத்தில் கடைகள் மற்றும் நிறுவனங்களில், 10 அல்லது அதற்கு மேற்பட்ட பணியாளர்களை பணியமர்த்தியுள்ள, புதிதாக துவங்கப்பட்ட கடைகள் மற்றும் நிறுவனங்களின் உரிமையாளர்கள் பதிவிற்கான விண்ணப்பத்தை https://labour.tn.gov.in என்ற இணையவழி முகவரியில் படிவம் Y-ல் (வை) பதிவுக்கட்டணம் ரூ.100 செலுத்தி ஆறு மாத காலத்திற்குள் விண்ணப்பிக்க வேண்டும் இது பொதுவான நடைமுறையாகும்.

விண்ணப்பம் பெறப்பட்ட, 24 மணி நேரத்திற்குள் சம்பந்தப்பட்ட ஆய்வாளரால் பதிவுச் சான்றிதழ் படிவம் Z-ல்(இசட்) இணையவழி தளத்தில் பதிவேற்றம் செய்யப்படும்.அவ்வாறு, 24 மணி நேரத்திற்குள் பதிவுச் சான்றிதழ் வழங்கப்படாவிட்டால், பதிவு தானாக அங்கீகரிக்கப்பட்டதாக கருதப்படும்.

இதுபற்றி நாகர்கோவில் தொழிலாளர் உதவி ஆணையர்(அமலாக்கம்) மணிகண்டபிரபு வெளியிட்டுள்ள செய்திக்குறிப்பில் கூறியுள்ளதாவது: கன்னியாகுமரி மாவட்டத்தில் தமிழ்நாடு கடைகள் மற்றும் நிறுவனங்கள் விதிகள், 2024 ஜூலை 2-ந் தேதிக்கு பிறகு புதிதாக தொடங்கப்பட்ட கடைகள், நிறுவனங்களில் 10 அல்லது அதற்கும் மேற்பட்ட பணியாளர்களை நியமித்துள்ள உரிமையாளர்கள் தொழிலாளர் துறையின் http://labour.tn.gov.in என்ற இணையதள முகவரியில் பதிவுக் கட்டணம் ரூ.100 செலுத்தி 6 மாதத்திற்குள் விண்ணப்பிக்க வேண்டும்.

விண்ணப்பம் பெறப்பட்ட 24 மணி நேரத்திற்குள் சம்பந்தப்பட்ட ஆய்வாளரால் பதிவு சான்றிதழ் அதற்கான இணையதளத்தில் பதிவேற்றம் செய்யப்படும். 2024 ஜூலை 2-க்கு முன் 10 அல்லது அதற்கு மேற்பட்ட பணியாளர்களை பணியமர்த்தி தற்போது இயங்கிக் கொண்டிருக்கும் கடைகள் மற்றும் நிறுவனங்கள் பதிவு கட்டணமின்றி இணையவழி முகவரியில் விண்ணப்பிக்கலாம். இந்த வழிமுறைகளை பின்பற்றி கடைகள் மற்றும் நிறுவனங்களின் பதிவு, திருத்தங்கள் மேற்கொள்ளலாம்" இவ்வாறு அதில் கூறப்பட்டுள்ளது.

Published On September 27, 2024