Karur stampede latest news live updates: இப்போது ஏன் கண்கள் கலங்குது ஸ்டாலின்? எடப்பாடி பழனிசாமி

கரூர்: தவெக தலைவரும் நடிகருமான விஜய்யின் கரூர் பரப்புரையின் போது உயிரிழந்த 40 பேரின் ஆத்மா
சாந்தி அடைய வேண்டி அக்னி தீர்த்த கடற்கரையில் தமிழ்நாடு பிராமணர்கள் சங்கத்தை சேர்ந்த புரோகிதர்கள் மலர் தூவி அஞ்சலி செலுத்தினர்.

கரூரில் கடந்த சனிக்கிழமை தமிழக வெற்றிக் கழகத்தின் தேர்தல் பிரச்சாரம் நடந்தது. இந்த பிரச்சாரத்திற்கு பகல் 12 மணிக்கு வருவதாக சொன்ன அவர் இரவு 7.10 மணிக்குத்தான் வந்திருந்தார்.

அப்போது விஜய்யின் முகத்தை பார்க்க மக்கள் முண்டியடித்துச் சென்ற போது கூட்ட நெரிசலில் பலர் சிக்கி கீழே விழுந்தனராம். அப்போது அவர்கள் மீது பலர் ஏறி மிதித்ததில் 41 பேர் இறந்துவிட்டனர். மேலும் சிலர் காயமடைந்து மருத்துவமனைகளில் சிகிச்சை பெற்று வருகிறார்கள்.

கரூரில் இப்படி ஒரு துயரச் சம்பவம் நடந்ததுமே விஜய் அந்த ஸ்பாட்டை விட்டு ஓடி வந்து சென்னைக்கு வந்துவிட்டார். ஆனால் 70 வயதுக்கு மேல் ஆகும் முதல்வரோ இரவில் தூக்கம் வராமல் காலை செல்லும் திட்டத்தை கைவிட்டுவிட்டு நள்ளிரவு விமானத்தில் கரூர் சென்றார். அங்கு இறந்தவர்களுக்கு அஞ்சலி செலுத்திவிட்டு உறவினர்களுக்கு ஆறுதல் தெரிவித்தார்.

அது போல் கரூர் மருத்துவமனையில் காயமடைந்தவர்களை சந்தித்து அவர்களின் உடல்நலம் குறித்து கேட்டறிந்தார். முதல்வரை போல் எதிர்க்கட்சித் தலைவர் எடப்பாடி பழனிசாமி, நாம் தமிழர் கட்சியின் ஒருங்கிணைப்பாளர் சீமான், அன்புமணி ராமதாஸ், தேமுதிக பொதுச் செயலாளர் பிரேமலதா, சசிகலா உள்ளிட்டோர் நேரில் சென்று ஆறுதல் தெரிவித்திருந்தனர்.

இந்த கரூர் சம்பவம் தொடர்பாக விசாரணை நடத்த ஓய்வு பெற்ற நீதிபதி அருணா ஜெகதீசன் நியமிக்கப்பட்டுள்ளார். அவர் இன்று இரண்டாவது நாளாக விசாரணை நடத்தி வருகிறார்.

English summary

Vijay Rally Karur Stampede Latest News in Tamil: Vijay Rally Karur Stampede LIVE News in Tamil: Get the latest updates on the stampede during TVK Vijay Rally in Karur. Check death toll, injuries, reactions, and court case developments in real-time. Stay informed on ongoing investigations.