Click it and Unblock the Notifications
Don't Miss
-
Actor Vijay Sethupathi: மூதாட்டியுடன் செல்ஃபி எடுத்து மகிழ்ந்த விஜய் சேதுபதி.. க்யூட்! -
சப்பாத்திக்கு ஒருடைம் உருளைக்கிழங்கு வெச்சு இப்படி கிரேவி செஞ்சு பாருங்க.. டேஸ்ட் சும்மா அள்ளும்... -
அடுத்தடுத்து வீழ்ந்த 2 வீரர்கள்.. சிஎஸ்கே பேட்டிங் வரிசையில் நடந்த மாற்றம்.. ஜடேஜா களமிறங்கியது ஏன்? -
ஆத்தாடி.. ஒரே போனை வைத்து.. இந்தியாவில் சம்பவம் செய்ய பார்க்கும் Samsung.. பட்ஜெட்ல அறிமுகமாகும் புது Mobile.. -
தூத்துக்குடி நிறுவனத்தை அலேக்கா வாங்கிய அதானி.. மாஸ்டர் பிளான் உடன் களமிறங்கிய கௌதம் அதானி..!! -
வெறும் ரூ.150 இருந்தால் போதும் – நீங்கள் விமானத்தில் பயணம் செய்யலாம்! -
திறந்தநிலை படிப்புகளில் சேரும் மாணவர்களே உஷார்....ஏஐசிடிஇ எச்சரிக்கை...! -
ஓட்டு போட வந்த பிரபலங்கள் எந்த கார்களில் வந்தார்கள் தெரியுமா? பாதிபேர் ஒரே மாதிரி கார்ல வந்திருக்காங்க!
இது ஒன்றும் ஹரியானா இல்லை.. அந்த வேலை இங்கே நடக்காது.. பாஜகவிற்கு சிவசேனா வார்னிங்!
ஹரியானாவில் ஜேஜேபி உடன் கூட்டணி அமைத்து ஆட்சியை பிடித்தது போல பாஜக மகாராஷ்டிராவில் ஆட்சியை பிடிக்க முடியாது என்று சிவசேனா தெரிவித்துள்ளது.
Recommended Video
மும்பை: ஹரியானாவில் ஜேஜேபி உடன் கூட்டணி அமைத்து ஆட்சியை பிடித்தது போல பாஜக மகாராஷ்டிராவில் ஆட்சியை பிடிக்க முடியாது என்று சிவசேனா தெரிவித்துள்ளது.
மகாராஷ்டிராவில் பாஜக 104 இடங்களிலும், சிவசேனா 57 இடங்களிலும், ஆர்எச்எஸ்பி 1 இடத்திலும் வென்றது. மொத்தமாக பாஜக கூட்டணி 162 இடங்களில் வென்றது. அங்கு ஆட்சி அமைக்க 146 இடங்கள் தேவை. இந்த நிலையில் சிவசேனா ஆதரவு இருந்தால் மட்டுமே பாஜக மகாராஷ்டிராவில் ஆட்சி அமைக்க முடியும் என்ற நிலை உருவாகிவிட்டது.
இந்த நிலையில் 5 ஆண்டுகளில் 2.5 ஆண்டுகள் சிவசேனா கட்சிக்கு முதல்வர் பதவி வழங்க வேண்டும் என்று சிவசேனா கோரிக்கை வைத்துள்ளது. அப்படி செய்தால் மட்டுமே ஆட்சிக்கு ஆதரவு அளிப்போம் என்றும் சிவசேனா கண்டிப்புடன் கூறிவிட்டது.
ஏமாற்றம்
பாஜக உடனான கூட்டணி குறித்து சிவசேனா மூத்த தலைவர் சஞ்சய் ராவத் தனது பேட்டியில், இது ஒன்றும் ஹரியானா கிடையாது. நாங்கள் துணை முதல்வர் பதவியை கொடுத்தால் ஏற்றுக்கொள்ள மாட்டோம். நீங்கள் சென்ற முறை போல இந்த முறை சிவசேனா கட்சியை ஏமாற்ற முடியாது,.
எங்கள் அரசியல்
நாங்கள் ஒன்றும் ஜேஜேபி கட்சித் தலைவர் துஷ்யந்த் சவுதாலா கிடையாது. அவருடைய அப்பா போல போல இங்கு யாருடைய அப்பாவும் ஜெயிலில் இல்லை. நாங்கள் மக்களுக்காக அரசியல் செய்ய வந்திருக்கிறோம். உண்மைக்காக அரசியல் செய்து கொண்டு இருக்கிறோம்.
மதிக்க வேண்டும்
அரசியலில் எவ்வளவு தாழ்ந்து போக முடியும் என்பதை பாஜக நிரூபித்துள்ளது. எங்களுக்கு பதவி மேல் ஆசை கிடையாது. ஆனால் ஒப்பந்தத்தை மதிக்க வேண்டும். ஜனநாயகத்தை பாஜக இப்படி கொலை செய்ய கூடாது, என்று கூறியுள்ளார்.
அமித் ஷா திட்டம்
இந்த நிலையில் பாஜக தேசிய தலைவர் அமித் ஷா, விரைவில் மகாராஷ்டிரா வர இருக்கிறார். இந்த வாரம் அவர் மகாராஷ்டிராவில் பாஜக தலைவர்களை சந்திக்க உள்ளார். அப்போது அவர் சிவசேனா கட்சி தலைவர்களுடன் பேசுவார் என்று எதிர்பார்க்கப்படுகிறது.
