மும்பை குர்லா நகர் அடுக்கு மாடி கட்டிடம் இடிந்து விழுந்து விபத்து- பலி எண்ணிக்கை 19 ஆக அதிகரிப்பு

மும்பை: மகாராஷ்டிரா மாநிலம் மும்பை குர்லா நகரில் 4 மாடி அடுக்கு மாடி கட்டிடம் இடிந்து விழுந்து விபத்துக்குள்ளானதில் பலியானோர் எண்ணிக்கை 19 ஆக அதிகரித்துள்ளது.

மும்பை குர்லா நகரில் உள்ள 4 மாடி அடுக்குமாடி கட்டிடம் திடீரென இடிந்து விழுந்தது. இதையடுத்து அங்கு தீயணைப்பு படையினர் விரைந்து சென்று மீட்பு பணிகளை மேற்கொண்டனர்.

குர்லா கட்டிட விபத்தில் நேற்று இரவு வரை பலியானோர் எண்ணிக்கை 19 ஆக அதிகரித்துள்ளது. இதுவரை 20 பேர் உயிருடன் மீட்கப்பட்டு மருத்துவமனைகளில் அனுமதிக்கப்பட்டுள்ளனர். இந்த விபத்தில் படுகாயமடைந்தவர்களில் 5 பேரின் நிலைமை கவலைக்கிடமாக உள்ளது.

குர்லா கட்டிட குவியல்களுக்கு நடுவே 2 புறாக்களையும் ஒரு பெண்ணையும் தீயணைப்பு படையினர் மீட்ட போது பொதுமக்கள் மகிழ்ச்சி தெரிவித்தனர்.

இது தொடர்பாக கூறிய தீயணைப்பு படையினர், விபத்து நிகழ்ந்த 4 மாடி கட்டிடம் பராமரிப்பின்றி இருந்தது. இதனால் இடிந்து விழுந்தது. இது தொடர்பாக போலீசார் விசாரிக்கின்றனர் என்றனர்.

English summary

As per officials 19 dead in four-storey building collapsed in Kurla, Mumbai.