வானத்தையும் விடலையா நீங்க.. "பார்ட்னர்" வங்கி கணக்கை விண்வெளியில் இருந்தபடி நோட்டம் விட்ட பெண்!

நாசாவில் முதல் குற்றம் நிகழ்ந்துள்ளது கண்டுபிடிக்கப்பட்டுள்ளது

Updated: Tuesday, August 27, 2019, 8:08 [IST]

Subscribe to Oneindia Tamil

நியூயார்க்: விஞ்ஞான ரீதியிலான ஊழல்.. இது எல்லோருக்கும் நன்றாகவே தெரிந்திருக்கும். ஆனால் விண்வெளிக் குற்றம் தெரியுமா.. அது மட்டும்தான் இதுவரை நடக்கலை. அதையும் நடத்திட்டாங்க இப்ப.

நாசாதான் இந்தப் பஞ்சாயத்தை இப்ப விசாரிச்சிட்டிருக்கு. அதாவது விண்வெளி வீராங்கனை ஒருவர், சர்வதேச விண்வெளி நிலையத்திலிருந்தபடி பூமியில் உள்ள தனது முன்னாள் பார்ட்னரின் வங்கிக் கணக்கு விவரங்களை சேகரித்ததாக குற்றச்சாட்டு எழுந்துள்ளது.

விண்வெளி வரலாற்றிலேயே இப்படி ஒரு புகார் இதுவரை எழுந்ததில்லை. அந்த வகையில் ஆன்னி மெக்ளெய்ன் வரலாறு படைத்து விட்டார். இவர்தான் அந்தா விண்வெளி வீராங்கனை. அதாவது இவர் இன்னொரு பெண்ணை கல்யாணம் செய்தவர். லிவிங் டூ கெதராக வாழ்ந்தவர்.

புகார்

இதுகுறித்து ஆனி கூறுகையில் நான் மாஜி பார்ட்னரின் வங்கிக் கணக்கைப் பார்த்தது உண்மைதான். ஆனால் எந்தத் தவறும் செய்யவில்லை என்று விளக்கியுள்ளாராம். இவரது முன்னாள் பார்ட்னர் பெயர் சம்மர் வார்டன். இவர் தற்போது விசாரணை ஆணையத்தில் புகார் கொடுத்துள்ளார். தற்போது ஆனி பூமிக்குத் திரும்பி விட்டார்.

விவாகரத்து

விசாரணைக்கு தற்போது ஆனி முழுமையாக ஒத்துழைப்பு தருவதாகவும், தான் தவறு செய்யவில்லை என்றும் அவரது வழக்கறிஞர் ரஸ்டி ஹார்டின் கூறியுள்ளார். 2014ம் ஆண்டுதான் ஆனிக்கும், அவரது பார்ட்னருக்கும் கல்யாணம் நடந்தது. புருஷன் பொண்டாட்டி இருவரும் சந்தோஷமாகத்தான் இருந்து வந்தனர். ஆனால் என்ன நடந்ததே இருவருக்கும் மனசு ஒத்துப் போகலை. எனவே 2018ம் ஆண்டு விவாகரத்து செய்து விட்டனர். இவர்கள் ஆனி என்ற மகனை தத்தெடுத்து இருந்தனர். அதனால் குடும்பச் செலவுகளுக்கு வோர்டன்தான் காசு தருகிறாராம்.

செலவு

ஆனி ஒரு ராணுவ வீராங்கனை ஆவார். பைலட்டும் கூட. போர் விமானங்களை ஓட்டியுள்ளார். ஈராக் மீது மட்டும் 800 முறைக்கு மேல் பறந்துள்ளாராம். இவரை விண்வெளி வீராங்கனையாக 2013ம் ஆண்டு நாசா தேர்வு செய்தது. சர்வதேச விண்வெளி நிலையத்தில் 6 மாதங்கள் செலவழித்துள்ளார். மேலும் முதல் முறையாக விண்வெளியில் நடந்த பெண் என்ற பெருமையும் இவருக்கு உண்டு.

வீட்டு செலவு

ஏம்மா இப்படி செஞ்சீங்க ஆனி என்று கேட்டபோது, என் குடும்பச் செலவு, குழந்தை வளர்ப்புச் செலவு, வீட்டுக்கான செலவுகளை அவர்தான் பார்த்துக் கொள்கிறார். மாதச் செலவுக்கான பணம் வங்கியில் இருக்கான்னு செக் செய்யவே பார்த்தேன். வேறு காரணமல்ல என்று கூறி அதிர வைத்துள்ளார்.