மைக்ரோசாப்ட் சிஇஓ சத்யா நாதெல்லாவின் மகன் திடீர் மரணம்.. 26 வயதுதான்.. என்ன காரணம்?

நியூயார்க்: மைக்ரோசாப்ட் நிறுவனத்தின் தலைமை நிர்வாக அதிகாரி சத்யா நாதெல்லாவின் 26 வயதே ஆன மகன் நேற்று காலமானார்.

சத்யா நாதெல்லாவின் மகன் ஜைன் நாதெல்லா மரணம் அடைந்தது குறித்த தகவல் இன்று காலை அந்த நிறுவனத்தின் ஊழியர்களுக்கு தெரிவிக்கப்பட்டது. நேற்றே ஜைன் நாதெல்லா மரணம் அடைந்துவிட்ட நிலையில் இன்றுதான் மெயில் மூலம் அந்த தகவல் தெரிவிக்கப்பட்டது.

சிஇஓ சத்யா நடெல்லா

இது தொடர்பாக ஊழியர்களுக்கு அனுப்பப்பட்ட மெயிலில் நாதெல்லாவின் குடும்பத்தினருக்கு உங்கள் பிரார்த்தனைகளை சமர்ப்பியுங்கள். அவர்களின் குடும்பத்தோடு துக்கத்தை பகிர்ந்து கொள்ளுங்கள். அதே சமயம் நாதெல்லா குடும்பம் தங்கள் துக்கத்தை அனுசரிக்கும் வகையில் அவர்களுக்கான தனிப்பட்ட நேரத்தை செலவிட அனுமதியுங்கள் என்று குறிப்பிடப்பட்டு இருக்கிறது. சத்யா நாதெல்லா - அனு நாதெல்லா ஆகியோருக்கு மகனாக பிறந்தவர் ஜைன் நாதெல்லா.

மைக்ரோசாப்ட்

சத்யா நாதெல்லாவின் மகன் சைனுக்கு சிறு வயதில் இருந்தே cerebral palsy குறைபாடு இருந்தது. இது மூளையில் ஏற்படும் குறைபாடு அல்லது காயம் காரணமாக உடல் உறுப்புகள் செயல் இழப்பது ஆகும். உடலின் பெரும்பாலான உறுப்புகள் cerebral palsy பாதிக்கப்பட்டவர்களுக்கு செயல்படாது அல்லது முறையாக இயங்காது. பெரும்பாலும் இந்த பாதிப்பு கொண்டவர்கள் நடக்க முடியாமல் வீல் சேரில் அவதிப்படுவதும் வழக்கம்.

மரணம்

இவர்களில் சிலருக்கு ஆயுளும் குறைவாக இருக்கும். இந்த நிலையில்தான் cerebral palsy காரணமாக பாதிக்கப்பட்டு சிகிச்சை பெற்று வந்த ஜைன் நாதெல்லா மரணம் அடைந்து இருக்கிறார். இவரின் உடல்நிலை கடந்த ஒரு வருடமாக மோசமாக இருந்தது. இதற்காக மருத்துவமனையில் அனுமதிக்கப்பட்டு சிகிச்சை பெற்று வந்தார். அங்கு சிகிச்சை பலனின்றி இவர் பலியானார்.

சத்யா நடெல்லா

முன்னதாக சத்யா நாதெல்லா 2014ல் மைக்ரோசாப்ட் நிறுவனத்தின் சிஇஓ பொறுப்பை ஏற்றார். அந்த நிறுவனத்தில் பல்வேறு மாற்றங்களை கொண்டு வந்தவர் மாற்று திறனாளிக்கும் பலன் அளிக்கும் வகையில் மைக்ரோசாப்ட் செயலிகளில் மாற்றம் கொண்டு வர முயன்றார். தனது மகன் ஜைன் உள்ளிட்ட எல்லோரும் மைக்ரோசாப்ட் செயலிகளை பயன்படுத்த வேண்டும் என்று ஒரு நிகழ்வில் இவர் வெளிப்படையாக பேசி இருக்கிறார்.

சத்யா நடெல்லா மகன்

இது தொடர்பாக ஜைன் நாதெல்லா சிகிச்சை பெற்று வந்த குழந்தைகள் மருத்துவமனை நிர்வாகம் வெளியிட்டுள்ள அறிக்கையில், ஜைன் சிறந்த இசை ஆர்வம் கொண்டவர். அவர் நல்ல அமைதியான தோற்றமும், சிரிப்பும் கொண்டவர். அவர் எங்கள் மருத்துவமனையில் மிகவும் மகிழ்வுடன் இருந்தார். அவரின் பெற்றோரை அதிகம் விரும்பினார். அவரின் ஆத்மா சாந்தி அடையட்டும், என்று குறிப்பிட்டு உள்ளனர். ஹைதாபாத்தை பூர்வீகமாக கொண்டவர் சத்யா நாதெல்லா என்பது குறிப்பிடத்தக்கது.

English summary

Microsoft CEO Satya Nadella son Zain Nadella dies at 26 due to cerebral palsy.