பீகாரில் அதிக தொகுதிகளை வென்றாலும்.. வாக்கு சதவீதத்தில் பாஜக டாப் கிடையாது! இந்த இந்த கட்சிதான்

பாட்னா: பீகார் சட்டமன்ற தேர்தல் முடிவுகள் நேற்று வெளியாகின. நிதிஷ்குமார் தலைமையிலான என்டிஏ கூட்டணி அதிக தொகுதிகளைில் வெற்றி பெற்று, ஆட்சியை தக்க வைத்துக்கொண்டிருக்கிறது. இருப்பினும் வாக்கு சதவிகிதத்தில் பாஜகவோ, ஐக்கிய ஜனதா தளம் கட்சியோ முதலிடம் பிடிக்கவில்லை. எந்தெந்த கட்சிகள் எவ்வளவு வாக்குகளை பெற்றிருக்கிறது என்பது குறித்து விரிவாக பார்ப்போம்.

என்டிஏ கூட்டணி 243 தொகுதிகளில் 202 இடங்களைக் கைப்பற்றி எதிர்க்கட்சியான மகாபந்தனத்திற்கு பெரும் தோல்வியைக் கொடுத்துள்ளது. இதில் பாரதிய ஜனதா கட்சி 89 இடங்களில் வெற்றி பெற்று தனிப்பெரும் கட்சியாக உருவெடுத்தாலும், அதிக வாக்குகள் பெற்ற கட்சிகளின் பட்டியலில் அதற்கு முதல் இடம் கிடைக்கவில்லை.

ஐக்கிய ஜனதா தளம் 85 இடங்களுடன் பாஜகவுக்கு அடுத்தப்படியாக இருக்கிறது. எனினும், இந்த இரு கட்சிகளுமே வாக்கு சதவீதத்தில் முதல் இடத்தைப் பிடிக்கவில்லை.

இதற்கு அப்படியே நேரெதிராக ராஷ்ட்ரிய ஜனதா தளம் வெறும் 25 இடங்களை மட்டுமே பெற்றாலும், அனைத்து கட்சிகளை விடவும் அதிக வாக்கு சதவீதத்தைப் பெற்றுள்ளது. எதிர்க்கட்சித் தலைவர் தேஜஸ்வி யாதவ் தலைமையிலான ஆர்ஜேடி, 23 சதவீத வாக்குகளுடன் முதலிடத்தில் உள்ளது.

பாரதிய ஜனதா கட்சி 20.8 சதவீத வாக்குகளுடன் இரண்டாவது இடத்தைப் பிடித்தது. ஐக்கிய ஜனதா தளம் 19.25 சதவீத வாக்குகளுடன் மூன்றாவது இடத்தில் உள்ளது. காங்கிரஸ் சுமார் 43 லட்சம் வாக்குகளை பெற்றுள்ளது. சதவிகிதமாக பார்த்தால் 8.71% ஆகும். சிராக் பாஸ்வான் தலைமையிலான லோக் ஜனசக்தி கட்சி (ராம் விலாஸ்) 4.97 சதவீத வாக்குகளையும், சி.பி.ஐ. (எம்.எல்.)எல் கட்சி 2.84 சதவீத வாக்குகளைப் பெற்றுள்ளது. மற்ற கட்சிகளை பொறுத்த அளவில்,

• அசாதுதின் ஓவைசியின் கட்சி - 1.85%
• பகுஜன் சமாஜ் கட்சி - 1.62%
• சிபிஐ - 0.74%
• சிபிஎம் - 0.60%
• ஆம் ஆத்மி 0.30%

வாக்குகளை பெற்றிருக்கின்றன. பீகார் தேர்தலில் காங்கிரஸ் கடும் தோல்வியடைந்திருக்கிறது. இந்நிலையில், இந்த தோல்வி குறித்து கருத்து தெரிவித்த ராகுல் காந்தி, "ஆரம்பத்திலிருந்தே இந்த முடிவுகள் நியாயமற்றதாகத்தான் இருந்து வந்திருக்கிறது. ஜனநாயகத்தை பாதுகாக்க நாங்கள் தொடர்ந்து போராடுவோம்" என்று கூறியிருக்கிறார். அதேபோல காங்கிரஸ் தலைவர் மல்லிகர்ஜுன் கார்கே, "இந்த தேர்தல் முடிவுகளுக்கான காரணங்களை முழுமையாக ஆராய்வோம்" என்று தெரிவித்திருக்கிறார்.

English summary

Bihar Election Vote Share: The Bihar election results reveal RJD emerged with highest vote share (28.1%), followed by JD(U) (25.7%) and BJP (23.9%), reflecting complex caste arithmetic and fragmented mandates despite NDA's seat majority.