பீகார் எக்ஸிட் போல்.. மீண்டும் என்டிஏ கூட்டணி ஆட்சி அமைக்கும்.. தேஜஸ்வி நிலைமை என்ன? ABP கணிப்பு

பாட்னா: பீகார் எக்ஸிட் போல் கருத்துக்கணிப்பில் என்டிஏ கூட்டணி ஆட்சியை பிடிக்கும் என்று ஏபிபி தெரிவித்துள்ளது. அதன்படி என்டிஏ கூட்டணிக்கு 147 முதல் 167 தொகுதிகள் வரை கிடைக்கும் என்றும், இந்தியா கூட்டணிக்கு 90 முதல் 70 தொகுதிகள் வரை கிடைக்கும் என்று தெரிவிக்கப்பட்டுள்ளது.

பீகார் மாநிலத்தில் இரு கட்டங்களாகச் சட்டசபைத் தேர்தல் நடைபெற்றது. நவம்பர் 6ஆம் தேதி நடைபெற்ற முதற்கட்ட வாக்குப்பதிவில் 121 தொகுதிகளுக்குத் தேர்தல் நடந்தது. இன்று இரண்டாம் கட்ட வாக்குப்பதிவில் 122 தொகுதிகளில் தேர்தல் நடந்தது. காலை முதலே பொதுமக்கள் ஆர்வமாகத் தேர்தலில் வாக்களித்தனர். மாலை 5 மணி வரை 67.14 சதவிகிதம் வரை வாக்குகள் பதிவாகியுள்ளது.

மாலை 6 மணியுடன் வாக்குப்பதிவு நிறைவடைந்த நிலையில், வரிசையில் நிற்கும் வாக்காளர்கள் கடைசி நேரத்தில் வாக்களித்து வருகின்றனர். பீகார் தேர்தலுக்கான வாக்கு எண்ணிக்கை நவம்பர் 14ம் தேதி நடைபெறுகிறது. அங்கு ஜேடியு - பாஜகவின் என்டிஏ கூட்டணிக்கும், ஆர்ஜேடி- காங்கிரஸின் இந்தியா கூட்டணிக்கும் இடையே தான் கடும் போட்டி இருக்கிறது.

இந்த நிலையில் தேர்தலுக்கு பிந்தைய கருத்துக்கணிப்புகள் வெளியாகி இருக்கின்றன. அந்த வகையில் ஏபிபி எக்ஸிட் போல் சர்வேவில் என்டிஏ கூட்டணியே பெரும்பான்மை பெறும் என்று தெரிவிக்கப்பட்டுள்ளது. அதில் என்டிஏ கூட்டணிக்கு 147 முதல் 167 தொகுதிகள் வரை கிடைக்கும் என்று தெரிவிக்கப்பட்டுள்ளது. அதேபோல் இந்தியா கூட்டணிக்கு 90 முதல் 70 தொகுதிகள் வரை கிடைக்கும் என்று தெரிவிக்கப்பட்டுள்ளது.

அதேபோல் பாஜக 65 முதல் 73 தொகுதிகளிலும், ஐக்கிய ஜனதா தளம் 67 முதல் 75 தொகுதிகளிலும் வெல்லும் என்று தெரிவிக்கப்பட்டுள்ளது. அதேபோல் ஆர்ஜேடிக்கு 53 முதல் 58 தொகுதிகள் வரையும், காங்கிரஸ் கட்சிக்கு 10 முதல் 12 தொகுதிகள் வரையும், இடதுசாரிகளுக்கு 9 முதல் 14 தொகுதிகள் வரையும் கிடைக்கும் என்று தெரிவிக்கப்பட்டுள்ளது.

English summary

Bihr Exit Poll: ABP Survey says NDA will win 147 to 167 Seats and INDIA Alliance might win 90 to 70 seats