குற்றப்பரம்பரை சட்டத்தை போராடி அகற்றிய முத்துராமலிங்கத் தேவர்! சித்தராக வணங்கும் முக்குலத்தோர்!
ராமநாதபுரம்: பசும்பொன் முத்துராமலிங்கத் தேவரின் குருபூஜை களைக்கட்டியுள்ள நிலையில் அவர் குறித்த சுவாரஸ்யமான தகவலை இங்கே பார்க்கலாம்.
தேசியமும் தெய்வீகமும்: தேசியமும் தெய்வீகமும் எனது இரு கண்கள் என்று வீர முழக்கம் இட்ட சுதந்திரப் போராட்ட வீரர் பசும்பொன் முத்துராமலிங்க தேவர், ராமநாதபுரம் மாவட்டம், பசும்பொன் என்கிற சிற்றூரில் வசதி படைத்த ஜமீன் குடும்பத்தில், 1908-ஆம் ஆண்டு அக்டோபர் 30-ஆம் தேதி பிறந்தார். பள்ளிப்படிப்பினை மட்டுமே முடித்திருந்தாலும், அன்னிய நாட்டினால் அடிமைப்பட்டிருந்த அடித்தள மக்களின் அன்றாட வாழ்க்கையே போரட்டமாக இருந்ததைக் கண்ட தேவர், அம்மக்களின் வாழ்வு மேம்பட தன்னையே அர்ப்பணித்தார்.
பொதுத்தொண்டு: பொதுத்தொண்டு செய்வதை மட்டுமே தனது முழு நேரப்பணியாக மேற்கொள்ள விரும்பி திருமணம் செய்து கொள்ளாமல் கடைசி வரை துறவிபோல் வாழ்ந்தார் தேவர். வாழ்க்கையில் நான்கில் ஒரு பங்கை சிறையில் கழித்த தேவர், சிறுவயது முதலே நெற்றியில் திருநீறு பூசிக்கொள்ளும் பழக்கம் உடையவர். தனது நிலங்களை எல்லாம் ஏழை எளிய மக்களுக்கு தானமாக எழுதிக்கொடுத்தவர் முத்துராமலிங்கத் தேவர். தன் வாழ்நாளின் இறுதிநாட்களில் மதுரை திருநகரில் உள்ள வீட்டில் தங்கி, நாட்டு மருந்துகளை மட்டுமே சாப்பிட்டு வந்தார்.
குற்றப்பரம்பரை சட்டம்: ஆங்கிலேய அரசை எதிர்த்துப் போராட, சுதந்திரப் போராட்ட வீரர் நேதாஜி சுபாஷ் சந்திர போஸின் தலைமையில் உருவாக்கப்பட்ட இந்திய தேசிய ராணுவத்திற்கு தமிழகத்தில் இருந்து பெரும் படையினைத் திரட்டி அனுப்பிய பெருமை தேவரையேச் சாரும். 1920-ஆம் ஆண்டு அப்போதைய மெட்ராஸ் மாகாணத்தில் ராமநாதபுரம், திருநெல்வேலி ஆகிய பகுதிகளில் அமலில் இருந்த மிகவும் கொடுமையான குற்றப்பரம்பரை என்கிற சட்டத்திற்கு எதிராக முதன் முதலில் போராடி அச்சட்டத்தினை அகற்றியவர் தேவர் ஆவார்.
பார்வர்டு பிளாக் கட்சி: 1939-ஆம் ஆண்டு ஜூன் 22, அகில இந்திய பார்வர்டு கட்சியை நிறுவி நேதாஜி சுபாஷ் சந்திர போஸூடன் இணைந்து செயல்படல், 1952-ஆம் ஆண்டு நடைபெற்ற பொதுத் தேர்தலில் பார்வர்டு பிளாக் கட்சி சார்பில் அருப்புக்கோட்டை பாராளுமன்ற தொகுதியிலும், முதுகுளத்தூர் சட்டமன்றத் தொகுதியிலும் போட்டியிட்டு, இரண்டிலும் வெற்றி என பல்வேறு உச்சங்களைத் தொட்டவர் தேவர்.
Click it and Unblock the Notifications
Sign in with Google