ராமநாதபுரம் லோக்சபா தேர்தல் முடிவுகள் 2024 LIVE: ஓபிஎஸ்சுக்கு அடி.. வெற்றி கனியை எட்டிய நவாஸ் கனி

ராமநாதபுரம்: லோக் சபா தொகுதியில் இரண்டாது முறையாக களம் காண்ட திமுக கூட்டணியிலுள்ள முஸ்லீம் லீக் கட்சியின் நவாஸ்கனி, பாஜக கூட்டணியில் சுயேட்சையாக போட்டியிடும் முன்னாள் முதலமைச்சர் ஓ.பன்னீர்செல்வம் ஆகியோர் களம் கண்டனர். தற்போது தேர்தல் ஆணையத்தின் தகவல்களின் படி ஐயூஎம்எல் கட்சியின் நவாஸ்கனி 161254 வாக்குகள் வித்தியாசத்தில் வெற்றிக் கனியை எட்டினார்

ராமநாதபுரம் மக்களவை தேர்தலில் திமுக கூட்டணியில் இடம் பெற்று இருக்கும் இந்திய யூனியன் முஸ்லிம் லீக் கட்சியின் வேட்பாளர் நவாஸ் கனி இரண்டாவது முறையாக போட்டியிடுகிறார். அவரை எதிர்த்து அதிமுக கூட்டணி சார்பில் பா.ஜெயாபெருமாள், பாஜக கூட்டணியில் இடம்பெற்றிருந்தாலும் சுயேட்சை சின்னமாக பலாப்பழம் சின்னத்தில் போட்டியிடும் ஓ.பன்னீர்செல்வம், நாம் தமிழர் கட்சி சார்பில் போட்டியிடும் சந்திரபிரபா ஜெயபால் ஆகியோர் களமிறங்குகின்றனர்.

ராமநாதபுரம் மாவட்டத்தில் உள்ள நான்கு சட்டப்பேரவை தொகுதிகள், விருதுநகர் மாவட்டத்தின் திருச்சுழி தொகுதி, புதுக்கோட்டை மாவட்டத்தின் அறந்தாங்கி சட்டமன்ற தொகுதி ஆகியவை இணைந்து ராமநாதபுரம் மக்களவைத் தொகுதி உருவாக்கப்பட்டு இருக்கிறது. 1980ஆம் ஆண்டிலிருந்து இங்கு காங்கிரஸ் பாரம்பரியமாக போட்டியிட்டு வென்றது. அதற்குப் பிறகு அதிமுக திமுக இடையே தான் நேரடி போட்டி நிலவுகிறது. சில தேர்தல்களில் கூட்டணி கட்சிகளின் ஆதரவோடு காங்கிரஸ், தமிழ் மாநில காங்கிரஸ், இந்திய யூனியன் முஸ்லிம் லீக் வேட்பாளர்கள் வெற்றி பெற்றிருக்கின்றனர்.

ராமநாதபுரத்தை பொருத்தவரை சிறுபான்மையின வாக்குகள் அதிகமாக இருக்கிறது. மேலும் முக்குலத்தோர் வாக்குகளும் கணிசமாக இருப்பதால் அங்கு போட்டியிட ஓ.பன்னீர்செல்வம் விரும்பினார். தற்போதைய தேர்தலை பொருத்தவரை திமுக கூட்டணியில் இருக்கும் ஐயூஎம்எல் வேட்பாளர் நவாஸ் கனிக்கும் பாஜக கூட்டணியில் சுயேட்சையாக போட்டிடும் ஓ.பன்னீர்செல்வத்திற்கும் இடையே தான் போட்டி இருக்கிறது என்கின்றனர் ராமநாதபுரம் பகுதி வாசிகள்.

முந்தைய தேர்தல் முடிவுகள்:

கடந்த தேர்தலில் இந்திய யூனியன் முஸ்லிம் லீக் கட்சியின் வேட்பாளரான நவாஸ் கனி, 4 லட்சத்து 69 ஆயிரத்து 943 வாக்குகள் பெற்று வெற்றி பெற்றார். அவரை எதிர்த்துப் போட்டியிட்ட பாஜக வேட்பாளரான நயினார் நாகேந்திரன் 3 லட்சத்து 42 ஆயிரத்து 821 வாக்குகளை பெற்றிருந்தார்.அம்மா மக்கள் முன்னேற்ற கழக வேட்பாளரான ஆனந்த் ஒரு லட்சத்து 41 ஆயிரத்து 86 வாக்குகளும், நாம் தமிழர் கட்சியைச் சேர்ந்த புவனேஸ்வரி 46 ஆயிரத்து 385 வாக்குகளும் பெற்றிருந்தனர்.

2019-ம் ஆண்டு லோக்சபா தேர்தல் முடிவுகள்

நவாஸ்கனி( ஐயூஎம்எல்)- 4,69,943
நயினார் நாகேந்திரன்(பாஜக)- 3,42,821
ஆனந்த் (அமமுக)- 1,41,806
புவனேஷ்வரி(நாம் தமிழர் கட்சி)- 46,385

2014ஆம் ஆண்டு லோக்சபா தேர்தல் முடிவுகள்:

அன்வர் ராஜா(அதிமுக)-4,05,945
முகமது ஜலீல்(திமுக)- 2,86,621
குப்புராமு(பாஜக)- 1,71,082
சு. திருநாவுக்கரசர்(காங்கிரஸ்)- 62,160

2009ஆம் ஆண்டு லோக் சபா தேர்தல் முடிவுகள்:

ஜே. கே. ரித்தீஷ்(திமுக)-2,94,945
வி. சத்தியமூர்த்தி(அதிமுக)-2,25,030
சு. திருநாவுக்கரசர்(பாஜக)- 1,28,322
சிங்கை ஜின்னா(தேமுதிக)- 49,571

இந்நிலையில் தேர்தல் ஆணையத்தின் தகவல் படி ஐயூஎம்எல் கட்சியின் நவாஸ் கனி 161254 வாக்குகள் வித்தியாசத்தில் வெற்றி பெற்றுள்ளார். அவர் 495014 வாக்குகளை பெற்றிருக்கிறார். அவருக்கு அடுத்தபடியாக 333760 வாக்குகள் பெற்ற ஓ.பன்னீர்செல்வம் இரண்டாவது இடத்தை பிடித்து தோல்வியடைந்தார். அதற்கு அடுத்தபடியாக அதிமுக வேட்பாளர் ஜெயப்பெருமாள் 96740 வாக்குகளும், நாம் தமிழர் கட்சி வேட்பாளர் சந்திர பிரபா ஜெயபால் 94471 வாக்குகளும், பெற்றிருக்கிறார். இதன் மூலம் நவாஸ் கனி வெற்றிக் கனியை எட்டியுள்ளார்.

English summary

Ramanathapuram Lok Sabha Election 2024 Results LIVE News Updates in Tamil ( ராமநாதபுரம் லோக்சபா தேர்தல் முடிவுகள்): Check out who will win in Ramanathapuram in the Lok Sabha election battle race between iuml navaskani and bjp o panneerselvam along with vote percentages, margins, and much more information on Oneindia Tamil.