7 இன்னிங்ஸில் 5 டக் அவுட்.. இதுக்கு சஞ்சு சாம்சனே பரவால.. அபிஷேக் சர்மா வீக்னஸை பிடிச்சிட்டாங்க!

Updated: Wednesday, February 18, 2026, 20:57 [IST]

Subscribe to Oneindia Tamil

அகமதாபாத்: நெதர்லாந்து அணிக்கு எதிரான போட்டியிலும் இந்திய அணியின் அதிரடி வீரர் அபிஷேக் சர்மா டக் அவுட்டாகி வெளியேறி இருக்கிறார். டி20 உலகக்கோப்பை தொடரில் ஹாட்ரிக் டக் அவுட்டாகி இருக்கும் சூழலில், கடைசியாக ஆடிய 7 இன்னிங்ஸில் அபிஷேக் சர்மா 5 முறை டக் அவுட்டாகி இருப்பது விமர்சனத்தை பெற்று வருகிறது.

டி20 உலகக்கோப்பை தொடரில் நெதர்லாந்து அணிக்கு எதிரான போட்டியில் இந்திய அணி விளையாடி வருகிறது. இந்தப் போட்டியில் டாஸ் வென்ற இந்திய அணியின் கேப்டன் சூர்யகுமார் யாதவ் பேட்டிங்கை தேர்வு செய்தார். இதன் மூலமாக ஃபார்மில் இல்லாத வீரர்கள் ஃபார்முக்கு வருவதற்கான வாய்ப்பாக அமையும் என்று பார்க்கப்பட்டது. இந்த நிலையில் திடீரென சிராஜ் ஜெர்சியை அணிந்து கொண்டு அபிஷேக் சர்மா களமிறங்கினார்.

இதனால் அபிஷேக் சர்மாவுக்கு அதிர்ஷ்டம் உடனிருக்கும் என்று பார்க்கப்பட்டது. ஆனால் நெதர்லாந்து அணி ஸ்பின்னரான ஆர்யன் தத் முதல் ஓவரை வீச வந்தார். அந்த ஓவரின் 3வது பந்திலேயே அபிஷேக் சர்மா போல்டாகி வெளியேறினார். இதன் மூலமாக அபிஷேக் சர்மா ஹாட்ரிக் முறையில் டக் அவுட்டாகி வெளியேறி இருக்கிறார். டி20 உலகக்கோப்பை தொடரில் அபிஷேக் சர்மா இன்னும் ஒரு ரன்னை கூட சேர்க்கவில்லை.

அதுமட்டுமல்லாமல் கடைசி 7 இன்னிங்ஸில் அபிஷேக் சர்மா 5 முறை டக் அவுட்டாகி வெளியேறி இருப்பது விமர்சனத்தை பெற்று வருகிறது. இதற்கு சஞ்சு சாம்சன் எவ்வளவு சிறப்பாக விளையாடுவதாகவும் ரசிகர்கள் விமர்சிக்க தொடங்கி இருக்கின்றனர். இதன் மூலமாக அபிஷேக் சர்மாவின் வீக்னஸை எதிரணிகள் கண்டறிந்துவிட்டதாக பார்க்கப்படுகிறது.

தொடக்க ஓவரிலேயே பவுண்டரி, சிக்ஸ் என்று விளாசி பழகிவிட்ட அபிஷேக் சர்மா, திடீரென ஸ்பின்னர் அட்டாக்கில் கொண்டு வரப்பட்டதும் சமாளிக்க முடியாமல் திணறுகிறார். இதனை பாகிஸ்தான் அணி சரியாக பயன்படுத்திக் கொண்டது. பாகிஸ்தான் கேப்டன் சல்மான் அலி ஆகா ஸ்பின் வீசி அபிஷேக் சர்மாவை வீழ்த்தினார்.

அதே பாணியை நெதர்லாந்து அணியும் பின்பற்றி அபிஷேக் சர்மாவை வீழ்த்தி இருக்கிறது. இந்திய ஆடுகளங்களில் பவர் பிளேவில் ஸ்பின்னர்கள் பவுலிங் செய்வதே அரிதான விஷயமாகும். அப்படி ஸ்பின்னர்கள் அட்டாகில் வந்தால், சிக்ஸ், பவுண்டரி என்று பறக்கும். ஆனால் அபிஷேக் சர்மா ஸ்பின்னர்களுக்கு தொடர்ந்து திணறுவது இந்திய அணிக்கு பின்னடைவை உருவாக்கி இருக்கிறது.