சென்னையில் மீண்டும் 2 மணி நேரம் மின்வெட்டு அமல்!

சென்னை: சென்னையில் வரும் திங்கட்கிழமை முதல் 2 மணி நேரம் மின்வெட்டு அமலாகிறது என அறிவிக்கப்பட்டுள்ளது.

இதுகுறித்து தமிழ்நாடு மின்சார வாரியம் வெளியிட்டுள்ள அறிவிப்பில் கூறியுள்ளதாவது:

''பல்வேறு மின் நிலையங்களில் பழுது ஏற்பட்டிருப்பதால் மின் உற்பத்தி குறைந்துள்ளது. மேலும் பருவ மழை குறைந்ததாலும் மின் உற்பத்தி குறைந்துள்ளது.

இதனால் பெரிய அளவில் மின் பற்றாக்குறை ஏற்பட்டது. எனவே, சென்னையில் வரும் டிசம்பர் 2ஆம் தேதி (திங்கட்கிழமை) முதல் காலை 8 மணியிலிருந்து மாலை 6 மணி வரை சுழற்சி முறையில் மின் வெட்டு அமல்படுத்தப்படுகிறது.

'ஒவ்வொரு பகுதியில் 2 மணி நேரம் இந்த மின்வெட்டு அமலில் இருக்கும்'' எனத் தெரிவிக்கப்பட்டுள்ளது.

தற்போது தமிழகம் முழுவதும் சென்னை நீங்கலாக நகர் புறங்களில் 6 மணிநேரமும், கிராமப்புறங்களில் 8 மணிநேரமும் அறிவிக்கப்படாத மின்வெட்டு நிலவுகிறது. சென்னைவாசிகளும் வரும் திங்கட்கிழமை முதல் மின் வெட்டுப் பிரச்சினையை சந்திக்க வேண்டும் என்பது குறிப்பிடத்தக்கது.

English summary

The Tamil Nadu Generation and Distribution Corporation (TANGEDCO) on Friday announced resumption of the two-hour load shedding schedule for the city, starting Monday (December 2).