மழை காரணமாக ஒத்தி வைக்கப்பட்ட அண்ணா பல்கலை தேர்வு தேதிகள் அறிவிப்பு

சென்னை: தொடர் மழையின் காரணமாக ஒத்தி வைக்கப்பட்டிருந்த அண்ணா பல்கலைக் கழகத் தேர்வு தேதிகள் அறிவிக்கப்பட்டுள்ளது.

கடந்த சில வாரங்களாக பெய்த கனமழை காரணமாக, அண்ணா பல்கலைக்கழக தேர்வுகள் ஒத்தி வைக்கப்பட்டிருந்தது. அண்ணா பல்கலை மற்றும் அதன் கீழ் உள்ள உறுப்பு கல்லூரிகளிலும் வெள்ள நீர் சூழ்ந்திருந்தது. மாணவர்களின் நலன் கருதி பல்கலைக்கழக தேர்வுகள் ஒத்தி வைக்கப்பட்டது.

ஒத்தி வைக்கப்பட்ட தேர்வுகளின் தேதி தற்போது அறிவிக்கப்பட்டுள்ளது. இதுகுறித்து அண்ணா பல்கலை. வெளியிட்டுள்ள செய்திக் குறிப்பில், வருகிற டிச.15-ம் தேதி முதல் ஜன.29-ம் தேதி வரை தேர்வுகள் நடைபெறும்.

அண்ணா பல்கலைக்கழகத்தின் அதிகாரப்பூர்வ இணையதளமான www.annauniv.edu என்ற இணையதளத்தில் தேர்வு தேதிகள் குறித்த முழு விவரத்தை மாணவர்கள் அறிந்து கொள்ளலாம் என கூறப்பட்டுள்ளது.

English summary

Anna University Rescheduled exam Time Table has announced