ஜெ, கருணாநிதி, ஸ்டாலின்... சகட்டுமேனிக்கு டுவிட்டரில் கலாய்க்கும் ராமதாஸ்

By Mayura Akilan

Published: Friday, February 5, 2016, 16:43 [IST]

Subscribe to Oneindia Tamil

சென்னை: அரசியல் தலைவர்களில் சமூக வலைத்தளங்களில் ஆக்டிவாக இருக்கிறார் டாக்டர் ராமதாஸ். ஜெயலலிதாவோ, கருணாநிதியோ, ஸ்டாலினோ யாருடைய கருத்தென்றாலும் அதற்கு பதிலடியாக கிண்டலடித்து பதிவிடுகிறார் ராமதாஸ்.

பாமகவின் திட்டத்தில் திமுக அட்டக்காப்பி அடிப்பதாக கூறும் டாக்டர் ராமதாஸ், 5 ஆட்சியின் சாதனைகளாக ஜெயலலிதா கூறுவது மிகப்பெரிய பொய் என்றும் கூறியுள்ளார்.

கடந்த பத்து தினங்களாகவே இவரது டுவிட்டர் பக்கத்தில் பதிவும் கிண்டல் கருத்துக்கள் பலரையும் ரசிக்க வைக்கிறது. டாக்டர் ராமதாஸ் பதிவிட்ட டாப் 10 டுவிட்டுகளை நீங்களும் படியுங்களேன்.

மதுவுக்கு எதிராக விதவைகளை திரட்டி போராட்டம் - ஸ்டாலின் : வாக்குறுதி அளிப்பதிலும் காப்பி... போராட்டம் நடத்துவதிலும் காப்பியா?
— Dr S RAMADOSS (@drramadoss) February 4, 2016

இப்படி காப்பியடிக்கலாமா?

தேர்தல் வாக்குறுதிகளை காப்பியடிப்பது போல போராட்டம் நடத்துவதிலும் காப்பியடிக்க வேண்டுமா? என்று கேட்டுள்ளார் ராமதாஸ்.

தி.மு.க ஆட்சிக்கு வந்தால் எல்லா குறைகளும் களையப்படும் - ஸ்டாலின் : அப்படின்னா... இவ்வளவு கலாமும் உறங்கினோம்னு சொல்லுங்க.
— Dr S RAMADOSS (@drramadoss) February 4, 2016

தூங்கிட்டீங்களோ?

தி.மு.க ஆட்சிக்கு வந்தால் எல்லா குறைகளும் களையப்படும் என்று ஸ்டாலின் கூறி வருவதால் இவ்வளவு காலமும் உறங்கிவிட்டார்களோ என்று கேட்டுள்ளார் ராமதாஸ்.

திரைப்படம் பார்த்ததை படம்பிடித்த நிருபருக்கு ஆட்சியர் அடி - உதை : நான் கலெக்டர் அல்ல... ரவுடி என்கிறார் போலும்.
— Dr S RAMADOSS (@drramadoss) February 4, 2016

நானும் ரவுடிதான்

சேலம் கலெக்டரையும் விட்டு வைக்கவில்லை டாக்டர் ராமதாஸ். அம்மாவின் ஆணைக்கிணங்க மழை பெய்ததாக சொன்ன கலெக்டர்தான் சிக்கியுள்ளார்.

ஜெயலலிதா தொகுதியில் போட்டியிட விருப்பமனு செய்தவர் கைது: அடிமைகள் அடிமைகளாகவே இருக்க வேண்டும்... அம்மாவுக்கு சமமாக நினைத்தால் இதுதான் கதியோ?
— Dr S RAMADOSS (@drramadoss) February 3, 2016

அதிமுக அடிமைகள்

அதிமுகவில் அடிமைகள் அடிமைகளாகவே இருக்க வேண்டும்... அம்மாவுக்கு சமமாக நினைத்தால் இதுதான் கதியோ?என்று கைதானவரைப் பார்த்து கேட்டுள்ளார்.

36 துறைகளின் சாதனைகளை விளக்க 36 நாட்கள் தேவை: ஜெயலலிதா-அவ்வளவு பொய்யை எப்படி தயாரிச்சீங்கன்னு சொல்ல இன்னும் 36 நாள் தேவைப்படுமே?
— Dr S RAMADOSS (@drramadoss) January 24, 2016

எவ்வளவு பெரிய பொய்

சாதனை செய்யததாக அவ்வளவு பொய்யை எப்படி தயாரிச்சீங்கன்னு சொல்ல இன்னும் 36 நாள் தேவைப்படுமே?

35 மக்கள் தொடர்பு அதிகாரிகளை நியமிக்க அரசு ஏற்பாடு: ஆட்சியிலிருந்து போகும் முன் அகப்பட்டதையெல்லாம் சுருட்டும் உத்தி தான் இது!
— Dr S RAMADOSS (@drramadoss) February 3, 2016

அகப்பட்டதை சுருட்டுறாங்கப்பா

மக்கள் தொடர்பாளர்கள் வேலைக்கு ஆட்கள் தேர்வு செய்யப்பட உள்ளதாக வெளியான தகவலுக்கே இந்த கமெண்ட். ஆட்சியிலிருந்து போகும் முன் அகப்பட்டதையெல்லாம் சுருட்டும் உத்தி தான் இது! என்று கேட்டுள்ளார்.

5 ஆண்டில் 1.08 கோடி பேருக்கு வேலை கொடுத்தோம்: ஜெயலலிதா-அப்ப வேலைவாய்ப்பு அலுவலகத்தில் காத்துக்கிடக்கும் 85 லட்சம் பேர் செவ்வாய்கிரகவாசிகளா?
— Dr S RAMADOSS (@drramadoss) January 24, 2016

செவ்வாய்கிரக வாசிகள்

5 ஆண்டில் 1.08 கோடி பேருக்கு வேலை கொடுத்தோம் என்ற ஜெயலலிதாவின் கருத்தை கிண்டலடித்துள்ள ராமதாஸ், அப்ப வேலைவாய்ப்பு அலுவலகத்தில் காத்துக்கிடக்கும் 85 லட்சம் பேர் செவ்வாய்கிரகவாசிகளா? என்று கேட்டுள்ளார்.

மக்கள் காதில் அரசு பூ சுற்றுகிறது: கலைஞர் -நீங்க அண்ணாவை பின்பற்றுகிறீர்களோ இல்லையோ..இந்த விஷயத்தில் ஜெயலலிதா உங்களைத் தானே பின்பற்றுகிறார்.
— Dr S RAMADOSS (@drramadoss) February 2, 2016

காதுல பூ

நீங்க அண்ணாவை பின்பற்றுகிறீர்களோ இல்லையோ.. மக்கள் காதில் பூ சுற்றம் விஷயத்தில் ஜெயலலிதா உங்களைத் தானே பின்பற்றுகிறார்.

அனைத்து மாவட்டங்களிலும் BPO அமைப்போம்: மு.க.ஸ்டாலின் - பா.ம.க. தேர்தல் அறிக்கையில் இருந்து காப்பியடிக்கப்பட்ட 10ஆவது திட்டம்!
— Dr S RAMADOSS (@drramadoss) January 31, 2016

காப்பியோ காப்பி

கிராமங்களில் பிபிஓ திட்டம் பற்றிய அறிவிப்புக்கு கருத்து பதிவிட்டுள்ள ராமதாஸ், பா.ம.க. தேர்தல் அறிக்கையில் இருந்து காப்பியடிக்கப்பட்ட 10ஆவது திட்டம் என்று கூறியுள்ளார்.

800மெகாவாட் மின்நிலையத்துக்கு ஜெயலலிதா அடிக்கல்: 3மாதத்தில் மின்வெட்டை போக்குவதாக கூறியவர் 5ஆண்டுகளுக்கு பிறகு தான் அடிக்கல்லே நாட்டுகிறார்!
— Dr S RAMADOSS (@drramadoss) February 1, 2016