இலங்கை கடற்படையின் வெறித் தாக்குதல்- 4 மீனவர்கள் காயம்

ராமேஸ்வரம்: ராமேஸ்வரத்தைச் சேர்ந்த மீனவர்கள் மீது இலங்கைக் கடற்படைக் காடையர்கள் நடத்திய தாக்குதலில் 4 பேர் காயமடைந்தனர்.

கச்சத்தீவு அருகே இன்று காலையில் இந்த சம்பவம் நடந்துள்ளது. அப்பகுதியில் தமிழக மீனவர்கள் மீன் பிடித்துக் கொண்டிருந்த கடற்படையினர் வந்துள்ளனர். பின்னர் மீனவர்களின் படகுகளைத் தாக்கினர். வலைகளைப் பிடித்து அறுத்து கடலில் வீசினர். இதில் 10க்கும் மேற்பட்ட வலைகள் சேதமடைந்து போய் விட்டன.

பின்னர் மீனவர்களையும் அவர்கள் சரமாரியாகத் தாக்கினர். இதில் மீனவர்கள் 4 பேர் காயமடைந்தனர். இந்தத் தாக்குதலைத் தொடர்ந்து மீனவர்கள் கரைக்குத் திரும்பி விட்டனர். காயமடைந்த மீனவர்கள் மருத்துவமனையில் சேர்ந்துள்ளனர்.

ஆனால் இவர்கள் எந்த மருத்துவமனையில் சேர்ந்துள்ளனர் என்பதை மீன்வளத்துறை அதிகாரிகளுக்குத் தெரிவிக்கவில்லை என்று கூறப்படுகிறது.

English summary

Four fishermen from this coastal town were injured when they were attacked allegedly by Sri Lankan naval personnel near Katchathivu islet today. Police said the naval personnel also damaged more than 10 fishing nets of the fishermen. They said the fishermen came back and got themselves admitted to various hospitals without informing the authorities concerned.