மதுரை மண்டலத்தில் 201 டாஸ்மாக் கடைகள் மூடல்... சேலம் மண்டலத்தில் வெறும் 48 கடைகள்தான்!

By Mayura Akilan

Published: Sunday, June 19, 2016, 10:52 [IST]

Subscribe to Oneindia Tamil

சென்னை: தமிழகம் முழுவதும் 500 டாஸ்மாக் கடைகளை மூட முதல்வர் ஜெயலலிதா உத்தரவிட்டுள்ளார். முதல்வர் அறிவிப்பின்படி சென்னையில் 58 கடைகளும், கோவையில் 60 கடைகளும், மதுரையில் 201 கடைகளும் மூடப்படுகின்றன. திருச்சியில் 133 டாஸ்மாக் கடைகள் மூடப்பட உள்ளது. சேலம் மாவட்டத்தில் 48 கடைகள் மூடப்பட உள்ளன.

தமிழக முதல்வர் ஜெயலலிதா, தேர்தலின்போது வெளியிட்ட தேர்தல் அறிக்கையில் தமிழகத் தில் மதுவிலக்கு படிப்படியாக அமல்படுத்தப்படும் என்று அறிவித்திருந்தார். அதனைத் தொடர்ந்து முதல்வராக பொறுப்பேற்ற முதல் நாளே 500 டாஸ்மாக் கடைகளை மூடுவதற்கான கோப்பில் கையெழுத்திட்டார்.

இந்நிலையில் தமிழகம் முழுவதும் 500 கடைகளை மூடுவதற்கான உத்தரவை டாஸ்மாக் மேலாண் இயக்குநர் ஆர்.கிர்லோஷ்குமார் நேற்று பிறப்பித்துள்ளார். மண்டல வாரியாக மூடப்படும் கடைகளின் எண்ணிக்கை அறிவிக்கப்பட்டுள்ளது.

மதுரை மண்டலம்

மதுரை மண்டலத்தில் மொத்தம் 201 கடைகள் மூடப்படுகின்றன. அதன்படி இந்த மூடப்படும் கடைகள் விபரம்.

மதுரை தெற்கு 21

மதுரை வடக்கு 16

திண்டுக்கல் 10

ராமநாதபுரம் 36

விருதுநகர் 27

சிவகங்கை 43

நெல்லை 9

தூத்துக்குடி 30

கன்னியாகுமரி 6

தேனி 3

திருச்சி மண்டலம்

திருச்சி மண்டலத்தில் 133 கடைகள் மூடப்படுகின்றன. அதன்படி இந்த மூடப்படும் கடைகள் விபரம்.

திருச்சி 14

நாகப்பட்டினம் 16

தஞ்சாவூர் 16

புதுக்கோட்டை 14

கடலூர் 15

கரூர் 14

திருவாரூர் 8

விழுப்புரம் 29

பெரம்பலூர் 7

கோவை மண்டலம்

கோவை மண்டலத்தில் 60 கடைகள் மூடப்படுகின்றன.

கோவை வடக்கு 1

கோவை-தெற்கு 4

திருப்பூர் 8

ஈரோடு 16

நீலகிரி 31

மொத்தம் 60

சென்னை மண்டலம்

சென்னை மண்டலத்தில் மொத்தம் 58 கடைகள் மூடப்படுகின்றன.

சென்னை வடக்கு 2

மத்திய சென்னை 3

தென் சென்னை 2

காஞ்சிபுரம் வடக்கு 13

காஞ்சிபுரம் தெற்கு 3

திருவள்ளூர் கிழக்கு 16

திருவள்ளூர் மேற்கு 19

சேலம் மண்டலம்

சேலம் மண்டலத்தில் மொத்தம் 48 கடைகள் மூடப்படுகின்றன.

தருமபுரி 1

கிருஷ்ணகிரி 6

நாமக்கல் 11

வேலூர் 8

திருவண்ணாமலை 18

அரக்கோணம் 4

முழு மது விலக்கு எப்போது?

அதிமுக தேர்தல் அறிக்கையில் கூறியது போல டாஸ்டாக் கடைகளை படிப்படியாக மூடும் வேலைகளை தொடங்கி விட்டார் ஜெயலலிதா. டாஸ்மாக் பணி நேரம் குறைக்கப்பட்டும் கள்ளத்தனமாக மது விற்பனை செய்யப்படுகிறது எனவே பார்களை முழுவதும் மூடிவிட்டு தமிழகம் முழுவதும் முழு மதுவிலக்கை விரைவில் அமல்படுத்த வேண்டும் என்று கோரிக்கை எழுந்துள்ளது.

Published On June 19, 2016