கனமழை: சென்னை உட்பட 5 மாவட்டங்கள் மற்றும் புதுவையில் பள்ளி, கல்லூரிகளுக்கு நாளையும் விடுமுறை!!

By Mathi

Updated: Tuesday, December 1, 2015, 16:17 [IST]

Subscribe to Oneindia Tamil

சென்னை: விடாத கனமழை தொடர்வதால் சென்னை, காஞ்சிபுரம், திருவள்ளூர், விழுப்புரம், கடலூர் மாவட்டங்களில் பள்ளி, கல்லூரிகளுக்கு நாளையும் விடுமுறை அறிவிக்கப்பட்டுள்ளது. இதேபோல் புதுச்சேரி மற்றும் காரைக்காலிலும் பள்ளி கல்லூரிகளுக்கு நாளை கல்வி நிறுவனங்களுக்கு விடுமுறை அறிவிக்கப்பட்டுள்ளது.

சென்னை, திருவள்ளூர், கடலூர், காஞ்சிபுரம் மாவட்டங்களில் கனமழை கொட்டுவதால் பெரும்பாலான இடங்கள் வெள்ளக்காடாகி மிதந்து வருகின்றன. திருவள்ளூர் மாவட்டத்தில் ஏரிகள் திறக்கப்படுள்ளதால் எங்கெங்கும் மழை வெள்ளக்காடுதான்...

#Chennairains @chennaiweather #GST #OlympiaTechPark pic.twitter.com/gmO6KUCB8Q
— Prabhu Krishna (@rprabhuvk) December 1, 2015

காஞ்சிபுரம் மாவட்டத்தில் மதுராந்தகரம் ஏரி திறக்கப்பட்டுள்ளது; மேலும் செம்பரம்பாக்கம் ஏரி திறக்கப்பட்டுள்ளதால் அடையாற்றில் வெள்ளப்பெருக்கெடுத்து ஓடுகிறது; புழல் ஏரி உள்ளிட்ட திருவள்ளூர் மாவட்ட ஏரிகள் திறக்கப்படுவதால் கொசஸ்தலை ஆற்றில் வெள்ளம் பெருக்கெடுத்து ஓடுகிறது. இதனால் கூவம் ஆற்றில் வெள்ளம் கரைபுரண்டோடுகிறது.

காஞ்சிபுரம் மாவட்டத்தின் பெரும்பகுதியான சென்னை புறநகர் முழுவதும் வெள்ளக்காடாகியுள்ளது.

GST road towards CGL in vandalur blocked due to flooding #chennairains @ChennaiRains @chennaiweather @TheHindu pic.twitter.com/3EmmOaSrx5
— J@ved® (@iamjaveedkhan) December 1, 2015

இதனைத் தொடர்ந்து சென்னை , காஞ்சிபுரம் திருவள்ளூர் மாவட்டங்களில் பள்ளி, கல்லூரிகளுக்கு நாளை விடுமுறை விடப்படும் என்று மாவட்ட ஆட்சியர்கள் அறிவித்துள்ளனர்.

இதேபோல் விழுப்புரம், கடலூர் மாவட்டங்களிலும் பள்ளி கல்வி நிறுவனங்களுக்கு விடுமுறை அறிவிக்கப்பட்டுள்ளன.

#Chennairains HELPLINE👇🏻plz RT @ihansika @ashwinravi99 @actorvijay @ARMurugadoss @arrahman @trishtrashers pic.twitter.com/2AfQO0W12F
— Venkat Praveen (@venkatpraveenR) December 1, 2015

ஏற்கனவே பல வாரங்களாக கனமழையால் இந்த மாவட்டங்களில் கல்வி நிறுவனங்கள் மூடப்பட்டுள்ளன. தற்போதைய புதிய பேய்மழையால் தொடர்ந்து கல்வி நிறுவனங்கள் மூடப்படும் நிலைமை உருவாகி உள்ளது.

புதுவையில்...

புதுச்சேரியிலும் மழை வெளுத்துவாங்குவதால் புதுவை மற்றும் காரைக்காலில் நாளை பள்ளி, கல்வி நிறுவனங்களுக்கு விடுமுறை அறிவிக்கப்பட்டுள்ளது.