Breaking news: கர்நாடகா தேர்தலில் காங்கிரஸ் தனிபெரும் கட்சியாக உருவெடுக்கும்: கருத்துக்கணிப்பு

நீட் தேர்வு தொடர்பான குழப்பத்தால் கடந்த 2 நாட்களில் மூன்று பேர் பலியாகியுள்ளனர். ஏற்கனவே எர்ணாகுளத்தில் தேர்வெழுதச்சென்ற திருத்துறைப்பூண்டியைச் சேர்ந்த கஸ்தூரி மகாலிங்கம் என்கிற மாணவனின் தந்தை கிருஷ்ணசாமிக்கு மாரடைப்பு ஏற்பட்ட நிலையில், மருத்துவமனையில் உயிரிழந்தார். சிவகங்கை சிங்கம்புணரியைச் சேர்ந்த கண்ணன், மதுரை பசுமலையில் தேர்வெழுதி விட்டு மகள் ஐஸ்வர்யாவை ஊருக்கு அழைத்து வரும் வழியில் மாரடைப்பு ஏற்பட்டு உயிரிழந்தார்.

இப்போது பண்ருட்டியை சேர்ந்த மாணவி ஸ்வாதி தந்தை சீனிவாசன் நெஞ்சு வலியால் இறந்துள்ளார். மாணவியுடன் புதுச்சேரி தேர்வு மையத்திற்கு சீனிவாசன் சென்றிருந்த நிலையில் அவருக்கு நெஞ்சு வலி ஏற்பட்டிருந்தது.

காவலர் அடித்து கொலை

நெல்லை மாவட்டம் விஜயநாராயணம் காவல் நிலையத்தில் பணியாற்றிய காவலர் ஜெகதீஷ் என்பவர் இரும்பு கம்பியால் அடித்து கொலை செய்யப்பட்டார்.

பரப்பாடி பகுதியில் மணல் கொள்ளையை தடுக்க முற்பட்டபோது நேற்று இரவு அவர் அடித்து கொலை செய்யப்பட்டதாக தகவல்கள் வெளியாகியுள்ளன.

நெல்லை, தூத்துக்குடி மாவட்டத்தில், கனிம வளத்திற்காக கடற்கரை மணலும், பிற தேவைகளுக்காக ஆற்று மணலும் கொள்ளையடிக்கப்படும் நிலையில், போலீசாரையே அடித்து கொல்லும் அளவுக்கு அங்கு சட்டம் ஒழுங்கு கட்டுப்பாட்டை இழந்துள்ளது.

English summary

Police man beaten to death in Vijayanarayanam in Nellai districst, while he try to stop sand mining.